احببتها منذ الصغر ❤❤❤

الفصل الرابع عشر

مصطفى وصل للحوش لقي امه طايحه و حداها ساره تبكي: تي نوضي جيبيلها عبايتها و محرمتها و لبسيها و وتي روحك شن قاعده تنغنغي توا .
ساره 😭 .
مصطفى خدي امه و حطها عالصالون و جاب ميه حاول ينوضها بس ما بتش تنوض شافلها نبضها لقاها تنبض و شاف النفس لقي في ؛ جت اخته لبست امه و لبست و سندت امها هي و مصطفى حطوها في السياره و طلعو بيها للمستشفى .
في المستشفى :
طلع الدكتور من عندها طوول جوه يجرو .
مصطفى : طمنا يا دكتور .
الدكتور : جلطه خفيفه .
ساره 😭😭😭😭 .
مصطفى : لا حول ولا قوة الا بالله.
الدكتور : ما تخافوش مع الدوا و العلاج ترجع زي قبل و احسن ؛ توا اسمعوني .
مصطفى : تفضل .
الدكتور : اللي صار نتيجه لصدمه ، حاولو في الجديد تباعدوها عالصدمات و حاولو الشي اللي دارلها الصدمه تعالجوه بيش المريضه تشفى بسرعه .
مصطفى يشبح لاخته : ان شاء الله يا دكتور .
الدكتور : الف لا باس عليها ، اليومين هذين لازم تقعد في المستشفى بعدين تقدرو تطلعوها .
مصطفى : بارك الله فيك و ما قصرتش ، نقدرو نشوفوها توا يا دكتور .
الدكتور : خلي الممرضات يتمن اخذ عينات عشان التحاليل و تقدرو تخشو .
مصطفى : منور دكتور .
الدكتور : و لو هذا عملي .
الدكتور مشي و مصطفى شد اخته من يدها و قعمزو عالكراسي في الممر .
مصطفى : تو تو تدويلي شن صار .
ساره 😭😭😭😭 .
مصطفى : تي ساد بكي و قولي .
ساره : بابا طلقها يا مصطفى 😭 .
مصطفى : تي شن تخرفي انتي .
ساره 😭😭😭😭 : و الله هي .
مصطفى : لا حول ولا قوة الا بالله ، خلاص سريوه اهدي .
ساره : مش قادره يا صطوفه 😭😭😭 .
مصطفى خداها بالحضن و قعد يهدي فيها لين هدت .
ساره 😢 : كيف بنديرو توا اصطوفه .
مصطفى : احكيلي شن صار هو الاول و بعدين نديرو حل .
ساره 😔 : حاضر ، و حكتله كل شي .
مصطفى : لا حول ولا قوة الا بالله ، تعرفي بوي معاه حق في اللي داره ؛ هي صح امي و ما نرضاش تطلق بس حتى هو قديش منه مسكين ، لاقياته طيب راكبه فوق راسه .
ساره : خلاص صطوفه و الله الوضع ماهو متحمل هي .
مصطفى : مش رح نخليهم متفارقين و امي ان شاء الله تكون تعلمت بعد اللي صار .
ساره : تحشم مصطفى راهي امك .
مصطفى : معاك حق بس واجعني بوي ساره .
ساره : خلاص اهو تشوف فيها راقده داخل و الله اعلم بحالتها .
مصطفى : ربي يشفيها .
ساره : امين .
طلعو من عندها الممرضات و هما خشو بيشوفوها .
_______________________________________

عند سليمه :
كانت تخمم في مشروعها لان مناقشتها بعد ايام و كانت ماشيه لفاطمه يوتن في ملخص للمشروع بيش يقرن منه في المناقشه .
فاطمه : بالله عليك يا سلومه سالتك بالله خلينا نتريحو طشه راهو راسي بينفجر .
سليمه : ههههه تي باهي و انتي تقول شادتلك عصا كان ما قريتيش بنضربك .
فاطمه : هو الضرب بس مزال الحق ، نشهد بالله انك تخوفي بعد تبدي جديه .
سليمه : 😑 ساد و انتي بديتي في المبالغه .
فاطمه : واقع 🙄 .
سليمه : ربي يلطف عليك .
فاطمه : اجمعين ان شاء الله 😏 ، حقا بنسالك يا سمونيه .
سليمه : منيش سمينه و اسالي 😑 .
فاطمه : معاش ردو عليك الخطابه .
سليمه : لا لا و الله اعلم شن صاير فيهم .
فاطمه: سالتو عليهم انتم .
سليمه : ايه محمد جاب تقرير مفصل عليهم هههههه .
فاطمه: ريتي حميده و لا هههههه .
سليمه : مالا كيف عاد وخيني الزوز فالحين طالعينلي يا كبدي 😌 .
فاطمه : هاها بدينا هي .
سليمه : ههههههه .
_______________________________________

عند حنان لا جديد يذكر نجو نشوفو عبدالرحمن خوها ، روح من المحل بكري يومها و خش على امه .
عبدالرحمن : السلام عليكم ورحمة الله.
عليا : و عليكم السلام ورحمة الله و بركاته ، نورت وليدي .
عبدالرحمن : بنورك يا غاليه ، كيف حالك .
عليا : الحمدلله و انت .
عبدالرحمن : في خيار الخير يا غاليه اهم شي انتي تكوني بخير .
عليا : ربي يحفظك ليا يا غالي و نشوفك عريس.
عبدالرحمن : ههههه قريب ان شاء الله .
عليا : فرحني هي سلم ولدي .
عبدالرحمن : نبيك تخطبيلي .
عليا : روروروروري .
عبدالرحمن : ههههه تي بالشويه .
عليا : و اخيرا .
عبدالرحمن : هههههه الله غالب المدة اللي فاتت كنت نوسع في المحل و معاش قعدن عندي فلوس بيش نكمل الحوش .
عليا : ربي يفتح عليك و يوفقك وليدي .
عبدالرحمن : اهم شي رضاك انتي و بوي بس .
عليا : قلبي و قلب بوك راضيين عليك ليوم الدين .
عبدالرحمن : ربي يحفظكم ليا و يخليكم تاج فوق راسي .
عليا : قولي في حد في بالك .
عبدالرحمن : لا و الله يا غاليه ، نبيك تختاريلي .
عليا : حاااضر تاخد سيدت البنات .
عبدالرحمن : اللي تعجبك خوديها بس عندي شروط .
عليا : قول حبيبي .
عبدالرحمن : عمل لا سواقه لا و اللبس انتي تعرفيني غيور و غير من عبايه و خمار مش رح نرضى .
عليا : حاااضر .
عبدالرحمن : ربي يحفظك ليا يا غاليه عليا .
__________________________________

مصطفى و اخته خشو على امهم لقوها مفنصه عيونها و دمعتها تنزل بدون صوت ، مصطفى قرب عليها و باسها على ايدها و راسها : ميمتي معاش تبكي .
امه شبحتله و ما ردتش .
ساره 😭 : ماما ما تديريش في روحك هكي .
خيريه بصوت دوب ما طالع و بلكلكه في الكلام : ظظظظلمته ووووواجد ننننستاهل مممما يجيني .
مصطفى : خلاص امي بالله عليك معاش تعذبي روحك .
ساره 😭😭😭 .
خيريه : ررررد بالك من اختك و ققققول لبوك يسامحني صصصصصح كنت مسلطه بببببس حبيته و الله حببببيته ، و انت سامحني و خود من تبي ، ساره امانه في رقبتك .
مصطفى : بطولت عمرك يا امي و بنرجعكم لبعضكم و انتي بتلبسيها الدبله و انتي بتزفيهلي و انتي بتغسلي احفادك و انتي بتزوجي ساره بيدك و انتي بتقولي الكلام هذا لبوي .
خيريه اشرت لساره تجي .
ساره قربت من امها و هي تبكي ، امها قالتلها كلام في ودنها و وقف النبض متعها ، مصطفى طلع جري ينادي في الدكاتره .
ساره 😭😭😭😭 : امي ردي عليا اميييي .
خشو الدكاتره و طلعو ساره .
يتبع .....