احببتها منذ الصغر ❤❤❤

الفصل الثامن عشر

بعد يومين في العشيه :
جتها رساله من رقم غريب ، فتحتها و لقت .
شن صار حنونه و لا تبي نبعتهن لعبدو يشوفهن هههههه .
حنان بدت تبكي ، بعد هدت شوي اتصلت بيه .
هيثم : اهلين يا حلوه .
حنان : هيثم حرام عليك عندك اخت و تعرف ان الشي هذا بيولي عليها .
هيثم : اختي مش ساقطه ترقد مع المفرخ تي باهي اللي سترت عليك اني .
حنان 😭😭😭😭 : و ربي العالي في سابع سمي ما نعرفه و لا نعرف كيف تصورن الصور بكل .
هيثم : باهي باهي صدقتك .
حنان : ما يهمنيش تصدق و لا لا . بس بالله عليك عشان خالتي ارحمني الله يرحمك .
هيثم : تي رحمتك يوم لميت فضيحتك قبل تكبر و تنتشر و توصل لخوك و بوك و يذبحوك على غير قبله ، و توا نبي حقي .
حنان : تسمي فيها لمان و انت تبتز فيا بشي اني بروحي ما نعرفش شن هو اصلا يا ريتك خليته و لا درت يلي تدير فيه توا .
هيثم : عادي ره اول صفحه ليبيه في الفيس نخشلها بحساب وهمي و اشبحي صورك وين يوصلن .
حنان : منك لله و حسبي الله و نعم الوكيل فيك و في كل من كان السبب و ربي ينتقم منكم و يوريني فيكم يوم يا كلاب .
هيثم : هههههههههه ادعي لبعد غدوه على اساس ربي بيتقبل منك توا ، المهم خلينا في الكلام اللي ينبت ؛ عندك اسبوع من توا يا توافقي عاللي نبيه يا يوصلن لعبدالرحمن خوك و هي بالسلامه ، طوووووط .
حنان : الو الو 😭😭😭😭😭 .
قعدت تتصل و تتصل بيه و هو يسكر عليها بعد اخر اتصال بعتلها :
معاش تتصلي بيا الا لو وافقتي .
حنان 😭😭😭😭 : ياااااا رب سترك انت عارف اني مظلومه و انت عارف اني ما درتش شي غلط و انت عارف اني مش متع الجو هذا ياااا رب باعد عليا فروخ الحرام ياااا رب استرني و استر عيلتي ياااا رب افضح من دار فيا هكي يااااا رب ما لياش غيرك ، يااااا رب و الله ماني قد الفضيحه هذي و لا نقدرها ياااا رب فرج عليا ياااا رب .
قعدت تدعي و تدعي و تدعي و تبكي و تبكي لعند خداها النوم .
___________________________________

نمشو لمكان تاني :
محمد : غير جرب خلوده ما يديرلك شي .
خالد : لا لا فكني تراه تو عبدالرحمن يضربني طريحه .
محمد : ههههههه قصدك تخاف من خوك انت .
خالد: لا لا مش خوف احترام .
محمد : هههههه واضح من كلمتك يضربني .
خالد : محمد اطلع من راسي و لا نبي نجرب لا سحنتي .
محمد : منكش راجل 🙄 .
خالد : راجل و ارجل منك بستين مره .
محمد : هههههه تي طرف سبسي ما تبيش تجربه و تسمي في روحك راجل .
خالد : الرجوله بالدخان هي .
محمد : ايه مالا شنو ، لو تدخن معناها ما عندك من شن و لا من من تخاف .
خالد : ترا يا محمد  اطلع من راسي و سكر الموضوع .
شويه و جت عقاب الشله المعفنه اللي يخالط فيها خالد .
محمد : شفتو خالد يا شباب خايف من خوه ما يبيش يدخن .
معتز : حييييي بالله حق .
اسامه : تي نوووض معاش تخالطني نوووض .
خالد : تصدقو فيه حتى انتم .
اسامه : باهي وريني هي و دخن لو مش خايف من خوك .
خالد : ما نبيش ندخن مش خوف لا شي .
محمد : يقول هكي قدامكم بس و هو من داخل يرعش مع بعضه .
معتز : لو مش خايف حتى جبده وحده بس .
خالد : منيييش خايف و راجل و ارجل منكم كلكم .
اسامه : هههههه صعبين عليك احني .
خالد : هات امه .
محمد : هاك شد .
خالد جبد جبده و بدا يكح .
محمد : هههههه قريب مات .
اسامه : تي وليد البابا و الماما هذا .
خالد : سكر فمك على سبه اول مره بس .
معتز : عجبك مالا خلوده ههههه .
خالد : مش هكي تبو و تقولو رجوله نشوفو من الراجل توا .
و بهكي يكون خالد خش في طريق مش ليه و بيكبر بيه الحال المده الجايه و بنشوفو كيف .
نعرفكم عالمفرخ اللي يخالط فيهم :
كلهم مواليد 97 مفرخ متع كلام فاضي مدخلهم عالخوطه هذي شخص ميليشاوي معفن يستهدف في الصغار اللي من طورهم بيش يخدم بيهم ، اسامه ليه في البرنامج هذا سنتين و تو خاش حتى عالحشيش معتز و محمد ليهم سنه و نص و توا بدا معاهم خالد ، طبعا خالد يعرفهم من المدرسه .
______________________________________

نمشو لمكان تاني :
علي اتصل باهله كلم امه :
علي : كيف حالك ميمتي .
كميله : الحمدلله و انت حبيبي .
علي : مستااحشكم يا امي كلكم .
كميله 😭 .
علي : خيرك يا غاليه معاش تبكي .
كميله : ليا عليك سنتين توا يا اعليوه سنتين ما ضميتكش لصدري ما شفتكش قدامي ما شميتش ريحتك سنتييين يا ميمتي سنتييين .
علي : اسسس معاش تبكي و الله دمعتك غاليه عليا ، و عندي ليك خبر يفرحك .
كميله 😭 : فرحني هي .
علي : الصيف الجاي مروح يعني يالا يالا خمس شهور نكون عندكم و نحضر عرس السمونيه .
كميله : بالحق عليوه .
علي : و الله يا غاليه .
كميله : رورورورورووروروروروروري .
علي : هههههه فضحتي بينا .
سهام و مرام جن يجرن : شن صار عرس من .
علي : اووو فرخات شنج .
سهام : اوووو علويكه منور .
مرام : how are you prof Ali .
علي : ههههههههه .
كميله : بيروح الصيف الجاي .
سهام : بالله حق .
مرام :swear by Allah.
علي : و الله مروح ، و انتي خيرك جاياتك عالانجليزي اليوم يا فرخه .
سهام : تتفلسف تعلمت كلمتين بدت تتفلح بيهم .
مرام : حسد حسد .
علي : هههههه جو عليكن و الله .
كميله : هي فرنقعي انتي وياها لقرايتك .
مرام : I finish .
سهام : كملت من بكري كنت مكسده عالبلاي ستيشن مع المطقطقه هذي .
كميله : ايه ايه العبو و نلقى درجاتكم بعدين زفت باهي .
علي : غريبه محمد مش داسه .
سهام و مرام : 😂😂😂😂😂 .
علي : خيركن تضحكن 😑 .
سهام : خليك على نيتك عليوه 😂😂😂😂 .
مرام : مسكين يدس فيه يلقى فينا مطلعينه يدير دوشه و يقولو تصقطو بويا يكسره و يريحن فلوسي في الهوا و يعاود يدسه و احني نطلعوه لين يأس ههههههه .
علي : ههههههه ربي يعطيكن عقل .
سهام و مرام : بعييد السو علينا ههههه .
علي : ههههههه ، تي حقا وين السمونيه .
سهام : تلقاها تكلم في الكراش .
مرام : كبدي علينا احني و خلاص .
علي : تحشمي انتي و ياها عاد 😡 .
مرام و سهام: وووك نسينا روحنا و زلقنا 🙊 ، هي بالسلامه .
علي : ربي يعاونك يا امي على هالفرخات .
كميله : ههههه امين يا رب ، بس تعرف شي عرفت نربي اني و بوك .
علي : ربي يحفظكم لينا يا تاج روسنا .
كميله : و يحفظكم يا غالي .
علي : هي بنمشي ميمتي توصي شي .
كميله : سلامتك حبيبي و ما تقطعناش .
علي : و هو اني نقدر يا غاليه .
كميله : رد بالك من روحك و كول كويس و تغطى كويس و ما تهملش روحك .
علي : ههههه الوصيه المعتاده ، حاضر و حاضر و حاضر يا ضو عيوني .
كميله : في حفظ الله .
علي : في امان الله .
يتبع .....