احببتها منذ الصغر ❤❤❤

الفصل التاسع

عليا : امس باكيه لين دموعك جفن و تقولي غبار و اليوم الصبح وجهك زي الطماطمه و توا مقعمزه بروحك .
حنان : تو نحكيلك يا ماما .
عليا : ايه احكي سلم بنيتي .
حنان : امس بعد مشيت بندير الغدي مع البنات رعشتهن و هنا ردنهلي في الليل ، جني التوأم و قالنلي سليمه طايحه في الجنان و تعالي داويها مشيت جبت الاسعافات و لحقتهن ما لقيت حد و الدنيا كانت ظلام و سكرو عليا الباب من داخل و بعدها قعدو يحركو في الشجره و بعدين طلعت سليمه هي و سعاد يضحكن اني نخلعت و بديت نبكي ، و هاذا بالتفصيل الممل .
عليا : بسم الله على بنيتي السمحه يرعشو فيها.
حنان : ههههه ما صارلي شي شوفتك .
عليا : ههههه مبردك و اني خايفه عليك ؛ توا قوليلي اليوم الصبح شن صاير .
حنان : ههههه تعرفيني يا ماما نتحشم من ولاد خالتي و رفعتلهم الفطور فتحلي هيثم تحشمت منه و بس .
عليا : هذا اللي صار عطك الهني فكرت ضايقك بشي و لا شي .
حنان : لا لا في شن بيضايقني كنهادا راهو قلتلك على طول .
عليا : سلم بنيتي ما تدسي عليا شي و اي شي يصير معاك خبريني طول .
حنان : اكيد و حاضر ماما .
عليا : ربي ينولك اللي في بالك و يكتبلك الخير .
حنان : امين يا رب .
عليا ناضت من جنبها و حنان مشت تعاون في البنات في الغدي .
حنان خشت للمطبخ : السلام عليكم .
سليمه : و عليكم السلام نورتي حنونه .
سعاد : هه موليه الشيخ سديس اليوم .
حنان تجاهلت سعاد ما بتش ترد عليها : بنورك سلومه .
سليمه : سعاد ما فيش داعي لللكلك الزايد .
سعاد : ليش شن قلت اني .
جت مرام و سهام : هاي قاااايز .
حنان 😂😂😂😂 : توأم الشر .
مرام و سهام : سلمها الضحكه السمحه اليوم .
سعاد طارتلها حذفت الماعين اللي في ايدها و طلعت و هي تخبط .
مرام : خيرها هذي .
سهام : تجي الملائكة تهرب الشياطين .
حنان : 😂😂😂😂😂 .
سليمه : بلا قطاف انتي و ياها و هي انتي وازي الرز و انتي وتي الخضره مع حنان .
مرام : من انتي و من انتي .
سليمه : مرااااااااام .
مرام : اوووو شيت سكتت سكتت .
سهام شدت الخضره و مرام بدت في الرز .
مشي يومهم عادي للعشيه .
العشيه :
حنان كانت مقعمزه هي و سليمه و سعاد و التوام في الجنان ، سعاد كانت طايرتلها من التوام لانه مجرد ما تدوي كلمه و لا تلقح لحنان يردن عليها طوول طارتلها ناضت و خشت .
سهام : شن رايك في القصفه ههههههه .
حنان : يا شريرات خفن عالبنت شوي .
مرام : مدام هي شادتها في جرتك و انتي ما ترديش احني بنمسحو بيها الوطى .
سليمه : مش عارف خيرها بنت خالتك معاك .
حنان : هذا طبعها ما تعبوش روحكم معاها و ربي يهدي و خلاص .
مرام : هههههه قالت ما تعبوش .
سهام : ههههههه تي حبايبنا هالشكالات .
حنان : يصلح حالكن و خلاص ، سلومه قولي كلمه .
سليمه : خليهن  بالك تتربى شوي .
حنان 😧 : ما فيش فايده معاكن .
ناضن البنات و حنان قعدت تضم في مكان تقعميزهن ، جي هيثم يدحنس خش على اساس ما يندريش عليها انها قاعده بروحها .
هيثم : اووو بنيت خالتي اسف ما كنتش نحسابك هنا .
حنان 😨 : اااا لا لا عادي اصلا بنخش توا .
هيثم : غير هدرزي شويه .
حنان : لا لا بنخش .
هيثم : على فكرة محلوة يا فرخه 😉 .
حنان 😨😨😨🙈🙈🙈 سيبت اللي في ايدها و خشت تجري .
هيثم : ااااه ما احلاه اللي يتحشم مني و خلاص صبرك عليا شويه بس يا حنان نجيبك للطريق نجيبك .
حنان مشت تجري للحمام و قلبها بيطلع من مكانه و وجها احمررررر : خيرك يا حنان شن صارلك ، شن اللي قاعد يصيرلك مش حشم طبيعي هذا ، اففف يا ربي بس .
قعدت ربع ساعه في الحمام لين هدت و بعدها طلعت قعمزت حدا البنات و هي سااارحه تفكر في اللي قاعد يدير فيه ولد خالتها و كلام عبدالرحمن خوها .
مشن ايام ورى ايام و قاعد هيثم يدير في الحركات لحنان و هي احتارت هل تصدق انه من قلبه يدير في الشي هذا و لا يبي يلعب عليها و حاطه في عين الاعتبار كلام خوها .
بعد كم يوم تانيات حنان كانت تلقط في الدبش اللي ناشراته فوق السطوح خش عليها هيثم ، حنان ما انتبهتلاش .
هيثم على اساس ما يعلمش بحنان هنا : حنونه السمحه شن تديري هنا 😍.
حنان 😳 : نلقط في الدبش شن ندير .
هيثم : يعطيك الصحه سلمك فالحه .
حنان : تسلم .
هيثم : حنونه بنقولك .
حنان : تفضل .
هيثم : بالتريس و من الاخير حبيتك يا بنت خالتي .
حنان 😳😳😳😳😳😳 .
هيثم : ما نبيكش تردي عليا توا و بالشوي عليك .
حنان :
هيثم : هي بالسلامه مرتي المستقبليه هههههه .
حنان 😖😖😖😖 .
هيثم نزل و حنان قعدت ترعش مع بعضها معاش عرفت شن تدير و لا شن تقول و لا كيف تصرف و من الرعشه لين معاش رفعنها رجليها جت مقعمزه .
_______________________________________

عند علي كان مكسد هو و احمد في مقهى بعد الغدي :
علي : تعرف يا احميده عندي بنت عمي نحبها بس لا قلتلها لا قلت لاهلي اني نبيها .
احمد : ليش ما اعترفتلها باهي .
علي : خايف عليها يا احميده لان لا بوي و لا بوها بيرضو بعلاقات من النوع هذا ، و تبي الصح و لا معاهم حق .
احمد : ليش معاهم حق .
علي : اللي يجي من الباب طول هو الصح و هكي دينا قال و تاني حاجه مش عارف اصلا تبادل فيا في نفس الشعور و لا لا .
احمد : ايه و ليش ما تمشي تدوي لعمك عليها ، و ليش ما تتاكد .
علي : وين بنحطها و لا من وين بنوكلها و لا كيف بنصرف عليها ، و كيف بنتاكد يا احميده .
احمد : قوله بنتك نبيها و انت تعرفني ، و اهو قريب تكمل قرايتك ما شاء الله عليك و تبدا تخدم و تدير فلوس ، و البنت تقدر تسالها و لا لو عندك اخت قوللها تتاكدلك بطريقتها .
علي : عقلية عمي و بوي صعبه كان مش بحوشك بسيارتك بعملك لا ، البنت مستحيل نسالها سؤال زي هذا بس عندي وخيتي تو نقوللها تصرف ، هذا لو قدرت نوصل فيها اصلا .
احمد : مش غير بوك و عمك بس شيابين مدينتنا كلهم هكي ، ربي يسهل عليوه .
علي : ربي يسهل ، بس تعرف شنو .
احمد : قولي يا غالي .
علي : خايف تريح من يدي 😧 .
احمد : وكل ربك و ادعيله و هو ينولك شن تبي .
علي : و نعم بالله و ربي يكتبلها و يكتبلي الخير .
احمد : امين .
يتبع ......