احببتها منذ الصغر ❤❤❤

الفصل الخامس

بعد مرور تسع سنين علي تخرج من الثانوي بتقدير ممتاز بنسبة 94% ، بعدها بكم يوم .
علي جاي فرحان لامه : اميييي 😭 حصلت افاد لكندا .
كميله : 😭😭😭😭 بتسافر و بتسيبني عليوه ، بتمشي و بتفارقني .
علي يتعنق في امه : ما تبكيش يا نبع الحنان ، و الله نجي نزوركم ديما و الله ما نبطلش اتصالات بيكم و الله ما نقطعكم هي .
كميله : 😭😭😭 ربي يوفقك و يفتح عليك يا وليدي ربي ييسرلك ، و نشوفك اكبر مهندس في الدنيا .
علي باس راس امه و مشي يبشر في بوه تعنق بوه و باس راسه : بويا حصلت افاد لكندا .
عمر دمعت عينه يشوف في وليده عليوه الصغيرون كبر و اهو توا بيطلع و بيسيب الحوش و بيتغرب : ربي يوفقك يا وليدي و ربي ييسرلك و نشوفك اكبر مهندس .
مشي لسليمه و كانت تبكي تعنقاته : بتمشي و بتسيبنا مع من بنتعارك اني ، لمن بنشكي من بيبصر عليا ، من بيديرلنا جو في الحوش 😭😭😭 .
علي دمعته في عينه بس ما يبيش يبين لاخته : بنفتك منك يا سمينه 😁😁😁 و اقعدي فيها بطولها بعرضها يالا يسدك اصلا 😂 .
سليمه تمسح في دموعها : خزي يا بارد و اني نبكي و صايره فيا حاله احسن اصلا بنفتك منك و بنبحبح بروحي في الحوش 😋😋😋 .
مشي لخوه محمد تعنقه : رد بالك من بوك و امك و وخياتك ما نوصيكش حميده .
محمد دمعته في عينه : ما توصيش حريص عليوه و رح نكون قد المسؤوليه .
مشي لخواته التوأم : تعالي يا فرخه انتي و ياها تعالي 😂😂.
جن يجرن يتعنقن و يبكن و ما بطلنش بكي بكل و لا كلمه طلعت من فمهن .
علي : اسسسس خلاص انتي و ياها نوعدكن نتصل يوميا فيديو و نجيبلكن هديه من غادي .
التوأم : 😢😢😢 .
علي بيسافر بعد اسبوع ، بوه دارله عشي معنقر و عزم فيه الجيران و الحباب و العيله .
في حوش عمر يوم العشي :
حنان : صار علي بيسافر 😔 .
سليمه : ايه حنونه و ربي يوفقه و ييسرله و يرجعلنا بشهادة و يعمر بلاده .
حنين : ياااااا رب ❤❤ ، قديش بيقعد بره سلومه .
سليمه : يا خمسه يا ست سنين لانه بياخد سنه لغه و بعدين يا اربعه يا خمس سنين بكالوريوس .
حنين : ربي يرجعهلكم سالم غانم .
سليمه: يااا رب و ينوله شن يبي ❤❤ .
سليمه حست ان حنان اضايقت و تعرف ان علي خوها يحبها بس خايفه عليهم هما الثنين من عمها و بوها لانه في الموضوع هذا بالذات صعبين ، و ما عندهمش الكلام هذا بكل في عيلتهم .
تمو عشاهم و علي خش سلم عالنساوين شي يبارك و شي يبكي و صايره فيهم حاله ههههه ، وصل لحنان .
علي : بنية عمي الشينه 😁 .
حنان شادة دمعتها : عليوة وخيي الكبير 😔 ربي ييسرلك و تكمل قرايتك و ترجع بشهادتك و تبني بلادك و ترفع راس عمي و خالتي .
علي : امين يا رب و يا حنونه ردي بالك من روحك و تبي اي شي سليمه وخيتك و اعز ره .
حنان : 😢 حاضر .
علي : يحضرلك الخير ، نستاذن توا يا شينه 😂 .
حنان : اذنك معاك .
علي طلع يضم مع خوه و بوه و عمه و ولد عمه في حوست المربوعه بعد روحو التريس ، النساوين يحوسن داخل .
جي يوم السفر و الكل يودع و يبكي ، عمر ودع ولده هو اللي رفعه للمطار و قلبه قعد معلق عنده ، كميله مشي عليها يوم ما يعلم بيه الا ربي ، كبدها مشي و سيبها و بيقعد سنين بره .
قلب الام بروحه يا ناس قديش ما الواحد دار روحه يحس مش رح يحس زي الام .
سليمه مشي عليها يوم منكد وخيها الغالي سافر و معاش بيشوفوه فتره ، حنان سكرت على روحها دارها و تبكي و خلاص ، و الكل فاقد علي و بيستاحشه لانه وقاف لعيلته و يلي يبيه ما يقولاش لا و كلهم يلقو فيه وقت يستحقوه .
و بهكي يكون علي سافر بيش يكمل قرايته بره ، رح نركزو على حنان و نهملو علي شويه .
اليوم اللي بعده ....
حنان: ماما بنمشي للجامع اني توصي شي .
عليا : سلامتك بنيتي ردي بالك من روحك بس .
حنان: حاضر .
طلعت مشت لسليمه و مشو للجامع .
سليمه قاعده تقرى في الجامع و تبارك الله قريب تختم واصله في سورة آل عمران ، بدت تقرا تقنية طبيه و تبي تتخصص مختبرات زي ما تحلم ، حنان ليها باديه رسمي سنتين و توا واصله في سورة الكهف تخرجت من العدادي بتقدير ممتاز بنسبه 90% ، و الفرخات التوام على ما دارت فيهن كميله بيش يقرن قرآن شي سكرن راسهن توا خشن تانيه عدادي و امورهن كويسه في القراية ، محمد شادها خدمه مع قرايته ، و عبدالرحمن ربي فتح عليه بعد مرمدة السنين لقط و دار محل ملابس نساء و شد مصاريف حوشهم كلهن ، خالد شادها قرايته و اموره ماشيه .
مشت ايام ورى ايام و بدت القرايه .
عليا : حنونه ردي بالك من روحك و اختاري بنيات كويسات صاحبيهن و فكك من الخلط اللي مش كويس .
حنان : حاضر ماما و سميه بنت جارنا سجلت معاي في الثانويه هذي معناها مش رح نقعد بروحي 😅😅😅 .
عليا : كويس بكل اهم شي ردي بالك كيف ما وصيتك ، و ربي يوفقك و يسهلك بنيتي .
حنان : حاضر ماما .
عبدالرحمن : هي كملو فطوركم و نستنا فيكم في السياره .
حنان ، خالد : حاضر عبدو .
خالد: ماما حطيتيلي فطوري متع الاستراحه .
عليا : اكيد يا درهوب ما ننساشي اني 😄😄 .
خالد و حنان : 😘😘😘 بالسلامه ماما .
مشو للمدرسه و جوهم مشي تمام .
نمشو لسليمه شوي .
سليمه : فاطمه 😍😍😍 حبيبتي كيف حالك .
فاطمه (صاحبتها) : سلووومه ❤❤❤ الحمدلله و انتي يا بطه .
سليمه : عاش من شافك خيرك ما تدوريش في العطله يا كلبه😒😒😒 .
فاطمه : ريت اللي تدور و لا😑😑😑😑 .
قعدن يضحكن فاهمات على بعضهن كل وحده لاهيه بروحها و حتى زيارات يالا مره و لا تنين جن لبعضهن .
جي وقت المرواح و سليمه اتصلت بعمر و روحت .
يتبع .....