احببتها منذ الصغر ❤❤❤

الفصل الرابع و العشرون

علي : شن اخر تطورات العيله .
كميله : عبدالرحمن ولد عمك خطب و عندك بيه علم .
علي : ايه نعرف شن تاني .
كميله : حنان اخته خطبها ولد خالتها .
علي 😨💔💔💔 : شن امتى صار و ليش ما قلتولي .
كميله : خطبت المده اللي فاتت و قلنا تو تروح و تعلم .
علي طلع من حدا امه و مشي لدار سليمه : ليييييش لييييش يا اسلومه لييييش 😭 .
سليمه 😭 : سامحني وخيي ما قدرتش نمنع الشي اللي صار و لا قدرت ندويلك .
علي 😭😭😭 : انتي تعرفي سلومه تعرفي شن تعنيلي حنان تعرفي اني نحبها و فاهمه الشي هذا تي حراااام الهم .
سليمه : عليوه اصبر و الشي هذا ما ليناش فيه يد .
علي طلع من حداها و دمعته في عينه .
سليمه : عليوه علييييوه .
علي ما عبرهاش و طلع من الحوش بكل .
كميله جت لدار سليمه : خيره علي شن صارله طلع من عندي بدون و لا حس لا شي .
سليمه 😭😭😭 .
كميله : تي وين خوك و خيرك تبكي .
سليمه 😭 : ما نعرفش وين طلع .
كميله : تي قولي خيرك يا همي .
سليمه 😭 : امي بالله عليك خليني .
كميله طلعت و هي تغلي ، اتصلت بمحمد .
محمد : الو امي .
كميله : حميده توا تروح .
محمد : خيركم شن صاير .
كميله : تعال و ما تكثرش دوه .
محمد : حاضر هي نتصل بصاحب لمحل و نجيكم .
مصطفى اتصل بسليمه بيصبح كالعاده .
سليمه 😭 : ايوه .
مصطفى : خيرك تبكي .
سليمه 😭 : علي روح .
مصطفى : هههه رعشتيني يا هم و الحمدلله على سلامته .
سليمه 😭 : خسرته خوووي خسرته يا مصطفى خسرته و معاش بيولي زي قبل .
مصطفى : تي شن تخرفي انتي و فهميني .
سليمه 😭 : بنسكر مصطفى .
مصطفى : باهي بس ما تديريش في روحك هكي .
سليمه 😭😭😭😭 .
محمد وصل للحوش و خش لامه جري .
كميله : جيت و ربي جابك .
محمد : خيركم شن في شن صاير .
كميله : خوك روح .
محمد : الحمدلله على سلامته وينه باهي بنسلم عليه .
كميله : تي طلع و اشبح وين مشي بكل .
محمد : ليش شن صار .
كميله : خش لاختك افهم منها .
محمد : حاضر هي .
محمد مشي لسليمه دق الباب و سمعها تبكي من ورا الباب .
سليمه 😭 : منهو .
محمد : افتحي اني هذا .
سليمه : فتحتله و هي تبكي .
محمد : تي شن صاير خيرك تبكي و وين علي .
سليمه 😭😭😭 : خسرته يا احميده .
محمد : تي شن خسرتي شن تقولي انتي .
سليمه 😭😭😭 .
محمد : سلومه اهدي خلاص .
سليمه 😭😭😭😭 .
محمد ( اففف تو شن بندير هي ) ، خداها بالحضن و كانت اول مره يديرها .
سليمه قعدت تهدى بالشوي بالشوي لين سكتت .
محمد : تو احكيلي هي .
سليمه : علي طلع من الحوش و هو زعلان يا احميده .
محمد : من شن زعلان .
سليمه : علم بخطبة حنان .
محمد : ايه و كنهادا .
سليمه : هو يبيها .
محمد : و ليش ما قال من الاول لو يبيها .
سليمه : مش وقته الكلام هذا توا .
محمد : وين مشي .
سليمه : ما نعرفش .
محمد : خلاص معاش تعذبو روحكم علي عقله في راسه و مش رح يدير شي في روحه .
سليمه : محمد اطلع دوره .
محمد : من غير ما تدوي راهو خويا الوحيد و ليا عليه واجد و مستاحشه .
سليمه : ربي يحفظك .
طلع محمد مشي لعبدالرحمن ولد عمه و طلع كل واحد بسيارته ، قعدو يدورو في المكانات اللي شاكين ان علي ممكن يكون فيهن ، بس في مكان في البحر علي بس يعرفه و يمشيله بعد يبدا مضايق ، دورو دورو دورو للعشيه و ما لقوشي ، كميله قلبها نار على وليدها و بوه روح خبروه و حتى هو طلع يدور معاهم .
بعد صلاة المغرب :
رن جرس الحوش و فتحت سليمه .
سليمه : عليوه وين كنت قلبنا عليك الدنيا .
علي خش و ما عبرهاش و الشي هذا قتل سليمه ، مشي لداره و سكر على روحه الباب ، سليمه اتصلت ببوها و خوها و خبرتهم انه روح ، كميله خبطت عليه الباب بس علي قاللها خلوني في حالي ما نبي حد ، قعد هكي لعند اذن العشاء ، طلع سلم على بوه و هدرز عليه شوي ، ساله بوه خيرك بس ما باش يدوي ، مشي صلى و روح وتوله عشي قعمز ياكل بدون نيه و سليمه تشبحله تبيه يشوفلها و هو و لا كانها موجوده ، بعد تعشا مشي لداره ، جت سليمه دقت الباب .
علي : منهو .
سليمه : اني .
علي : شن تبي .
سليمه : نبيك دقايق بس .
علي : خشي .
سليمه خشت و سكرت وراها الباب .
علي : بسرعه و اختصري .
سليمه بدت تبكي : شن ذنبي اني بيش تدير فيا هكي .
علي : ذنبك انك دسيتي عليا ذنبك انك تعرفي شن نبي و تعرفي قديش ما متعلق فيها و ما قلتيليش 😭 .
سليمه 😭 : شن كنت بتدير و لا شن كان بينفع اني ندويلك فهمني ، خفت عليك عليوه خفت تسيب قرايتك و مستقبلك و تفسد على روحك خفت عليك و الله خفت .
علي 😭 : كنت نقدر نوقفهم كنت بندوي لعمي كنت و كنت و كنت بس مش هكي نروح مستاحشكم و مستاحشها نلقاها مسميه على فرخ ما يسواش عشره قروش  .
سليمه 😭 .
علي 😭 : نعرفه المريض اللي خطبها و الله مريض هي و حنان رح تتعذب معاه .
سليمه 😭😭 .
علي مسح دموعه : امتى عرسك .
سليمه : الشهر الجاي .
علي : تمام ، الفتره هذي مش رح انكد عليك و رح نولي علي اللي قبل معاك و ليلة دخلتك من هنا اليوم اللي بعده بندرق وجهي و معاش بنروح لين نتم بكل .
سليمه : لاااا عليوه لااااا قديش ليك ما روحتش و بتمشي و تسيبنا بسرعه .
علي : ما نتحملش نقعد افهمي شعوري .
سليمه 😭😭😭😭 .
علي : خلاص دبدوبه ساد بكي .
سليمه 😭😭😭😭 .
طلعت سليمه من دار علي و هو رقد على سريره و قعد يتفكر في مواقفه معاها و يبكي لعند خداه النوم .
يتبع ......