احببتها منذ الصغر ❤❤❤

الفصل الثالث و العشرون

مشت الاسابيع و الايام و هيثم يعامل في حنان كويس لدرجه ان حنان معاش تكرهه زي قبل ، مطيبها مسكينه ما تعرفش شن يراجي فيها ،
بعد اربع شهور و تحديدا في 15/6/2012 الساعه 11 الصبح :
كميله : تي افتحي الباب انتي و ياها من بكري يرن .
سهام : حاضر حاضر هي .
سهام فتحت الباب و حلت فمها .
علي : شن ما تبيش تسلمي .
سهام تعنقاته 😭😭😭😭😭 : عليوه .
علي : هههههههه بالشويه .
سهام 😭😭😭😭 : مستااااحشاتك و خيرك ما قلت بتروح .
علي : قلت نديرها مفاجئه .
كميله جت : تي خيرك طولتي يا فرخه من عالباب .
علي حول اخته و خش : ميمتي .
كميله 😭😭😭😭 : عليوه .
علي جاها يجري حضنها و قعد يبكي 😭😭😭 .
كميله : ليش ما قلت مروح يا ضو عيوني 😭 .
علي 😭😭😭 : قدييييش ليا على حضنك الحنين .
طلعت مرام تحك في عيونها 😩 : تي خيركم اتباكو تقول عزي واحد ميت .
سهام 😢 : غير افتحي عيونك تو تفهمي .
مرام 😲 : شكلني نحلم بنمشي نولي لسريري .
علي حول من حضن امه : ههههه عدي ارقدي عادي .
مرام : فرخ علي انت حقيقي و لا نحلم .
علي جاها قرصها : معاش تقولي فرخ تحشمي ، و اهو قرصتك لو راقده راك نضتي ههههه .
مرام تعنقاته 😭😭😭😭 .
علي : ههههه اسسس خلاص قاعدلكم تلات شهور على قلوبكم .
طلعت سليمه و جتها زي الصدمه قعدت واقفه و خلاص .
علي : سمونيه ما تبيش تسلمي على خوك .
سليمه جت تجري 😭😭😭😭 ضرباته بوكس على بطنه 👊 .
علي 😖 : تي خيرك .
سليمه : بيش مره تانيه تقول انك مروح 😭 .
علي 😅 : متوحشه ما يمشيش معاك جو المفاجئات .
سليمه ضحكت من بين دموعها و خداته بحضن طوييييل و قعدت تبكي .
طبعا الحاج عمر كان طالع لعمله و مش مروح للتلاته القايله و محمد كذلك .
خشو داخل و قعدو يهدرزو التوأم دخلن الشناطي .
سهام : جبتلنا هدايا و لا مقنطها هههههه .
مرام : تي لا لا وخيي بحبوح عارفته اني .
علي : ههههههه كلا انتن و لا اللي يقدركن يجيني ، هاتي الشنطه البرتقاليه .
مرام : هاك ههههه .
بدا يطلع في الحاجات اللي جابهم لاهله .
سهام : يااااي ايفون شكراااا عليوه .
مرام : thanx mstar Ali .
علي : ههههههه you welcome .
علي : هاك دبدوبتنا .
سليمه : شنو هذا .
علي : غير افتحي تديري في روحك حشم و الجو هذا 😑 .
سليمه 😒😒😒😒 : ما صح وجهك باهي .
علي : هههههه ما جبتي شي جديد ؛ و افتحي يا همي .
علي عطاها باكو صغير مغلف فتحاته لقت فيه سلسلة ذهب و معاها دندانات .
سليمه 🙈 : واجد عليوه .
علي 😂😂😂 : من امتى نتحشمو يا .
سليمه 😭 تعنقاته : ربي ما يحرمني منك .
علي : خلاص دبدوبه ليش البكي توا ؛ و هذا هديتي لعرسك .
سليمه 😭 .
سهام : هي قلبت عليها المواجع و هي كل ما نجيبو سيرة العرس تنوض اتباكى .
مرام : كان اني راني نقول بنفتكا منكم و نقعد نهيج 😂😂😂😂😂 .
كميله : هي ساد من القطاف يا فرخه انتي و ياها و نوضن للمطبخ بنوتي الغدي لخوكن قديش ليه ما كلاش ماكله سمحه .
سهام : يا لطيف من صبايح ربي مطبخ .
مرام : وووك علينا تي شن تدير مروح عالصبح كان خليتها للساعه واحد هكي 😂😂 .
علي : 😂😂😂😂 خليهن متريحات يا امي و مزال الوقت عالغدي كان بيديرو حاجه خفيفه بس .
سليمه : حاضر هي .
علي : امي خيرها سليمه موليه هكي حساسه بزياده .
كميله : هاذا حال اي عروس وليدي .
علي : تو نلغو كل شي و تقعد معانا طول العمر 😂 .
كميله : هههههه .
علي : هاك ميمتي .
كميله : ما نبي شي حبيبي شوفتك سادتني و اكثر و الله .
علي : غير افتحيه و شوفي .
كان صندوق اكبر من متع سليمه بشوي مغلف .
كميله : حي عليك شن هذا .
علي : هههههه تي خيرك .
كميله : تي طاقم كامل يا فرخ واجد و الله واجد .
علي : مش خساره فيك يا ست الحبايب .
كميله : ربي يفتح عليك و يوفقك وليدي .
علي : هذي اعطيها لبويا .
كميله : ربي يعوضك و يرزقك .
علي : بنمشي ندوش اني ميمتي .
كميله : تكمل تلقى فطورك واتي و بعدها تريح شوي .
علي : يعطيكم الصحه .
كمل دشه و طلع لقاهم موتينله سفره ربي يبارك ، فطر هو و امه و وخياته ، بعد كمل ناض مشي لسليمه في دارها ، طق عالباب و سليمه قالتله خش .
علي : درهوبه شن حال حنونه .
سليمه 😖: حالها باهي الحمدلله .
علي : خيرك لونك تغير بعد سالتك عليها 😑 .
سليمه : اااا لا لا شي .
علي : سلومه تدويلي شن صاير و لا نسال امي .
سليمه : شن بيكون صاير عليوه .
علي : البنت فيها شي صايرلها شي .
سليمه : تي لا مش صايرلها شي .
علي : معناها ما تبيش تدوي .
سليمه : ما فيش ما ندوي عليوه .
علي : تمام ؛ طلع من سليمه و مشي لامه .
علي : امي .
كميله : نعم وليدي .
علي : شن اخر تطورات العيله .
كميله : ......
علي 😨💔 .
يتبع.....