BAK'AR GUGUWA

Chapter 16

*B̆ĂK̆'ĂR̆🤦🏻‍♀ĞŬĞŬW̆Ă*
🧶🧶🧶🧶🧶
       🧶🧶🧶🧶
   🧶🧶🧶
           🧶🧶
             🧶

S⃠t̾o̾r̾y̾ & W⃠r̾i̾t̾t̾e̾n̾
         *ცყ:✍🏻*
R⃠αвí'αt ѕвѕ
         *(ცıɠ ɠąι)*

*©-Aɴᴀ ᴛᴀʀᴇ Wʀɪᴛᴇʀs Assᴏᴄɪᴀᴛɪᴏɴ ✍🏻*
(wє ѧяє ṭһє ɞєśṭ ѧṃȏṅɢ ѧʟʟ wяıṭєяś)📚

ĸaιna ĸ'aѕa вιѕa gwιwaтa нaĸ'υrι мaғι yawa gareĸυ мaĸaranтa wannan lιттaғι мaѕυ neмan cιgaвanѕa, naga ѕaĸ'onĸυ ĸυyι мυn нaĸ'υrι yana yιn aιĸι na yaѕa вana ѕaмυn yι мυĸυ тypιng ĸυllυм.

*fαδῖlα αlῖϒῠ ϻῠsα (ϻα δῖlαlα ) αshα kαrαtῠ lαfῖϒα ❤*

*P⃠age➡16*

    Gaban tane ya yanke ya fad'i ras! da sauri ta d'ago kai ta kalli k'ofar d'akin dan ganin me shigowa, zuciyarta ta runk'a bugawa da sauri-sauri, cikin tsananin razana gami da taraddadin abinda zai je yazo take duban k'ofar, cike take da fargabar shigowar Hajjiya dan ba tada amsar da zata bata, bata yi aune ba idanuwanta suka yi arba da Yesmeen wadda ta shigo a guje cikin murna da farin ciki ta k'araso inda Zarah take zaune ta ruk'un -k'ume ta, ganin hakan yasa dole Zarah sakin jikinta tare da sakin fuskarta ita ma ta ruk'eta suka hau shewar isowarta kamar wadda ta baro wani gari. Duk da cewa zuciyar Zarah cike take da damuwa gami da takaici, a hankali suka saki juna Zarah tayi mata nuni da wajen zama, har a wannan lokacin zuciyar Zarah cike take da damuwa danne zuciyarta tayi kawai, Yesmin kuwa fad'awa kan gado tayi, kwanciyarta keda wuya tayi zunbur ta mik'e tare da fad'in "oh! my god bana manta da jakar kayana a falo ba" Zarah ta bita da kallo ba tare da tace mata k'ala ba abinda yake zuciyarta shi kad'ai yake damunta, da sauri Yesmin ta futa dan d'auko jakarta, ganin Yesmin ta futa yasa Zarah k'ara kiran wayar Najib ko Allah yasa ya d'auka amma ina! ba'a d'auka ba ita kanta ta rasa me yasa ta kasa jure k'in kiransa duk da cewa be d'auka ba kamata yayi ta hak'ura ta kyale shi haka dan kar ajin nata ya zube sai dai kuma a yanzu sam! Zuciyarta ta kasa hanata hakan taci gaba da kira taji wayar ma a kashe, wani bak'in ciki ne ya cake mata k'awon zuci, ta b'ata rai tare da had'e fuska ga duk wanda ya ganta lokacin yasan tabbas akwai damuwa tare da ita. Bata wani dad'e ba Yesmin ta dawo hannunta ruk'e da jaka, kai tsaye ta wuce wajen wardrobe inda ta ajjiye jakar kusa da ita sannan ta dawo bakin gado ta zauna, fuskar Zarah a d'aure dan tsananin takaicin abinda yake damun ta cikin zuciya wanda be wuce na rashin d'aukar wayar ta da Najib yak'i yi ba wani tunanin ma da yazo mata kodai ramawa yayi? tunda gashi ya kashe wayar. ganin Yesmin ta dawo yasa Zarah sakin fuskarta kad'an inda ta dubeta tace "wai yaushe kuka zo ne banji zuwan ku ba?" murmushi Yesmin tayi "yanzu muka zo ba dad'ewa na tambayi Mummy kina ina? tace kina ciki shi ne na shigo nan" murmushin dole Zarah ta kuma yi "ke da Aunty kuka zo?" Yesmin tace "a'a ni kad'ai ce" ta fad'a yayin da take k'ok'arin kwantawa akan gadon, kallon fuskar Zarah tayi a hankali tace "Aunty Zarah ba kida lafiya ne?" da kyar Zarah ta iya girgiza kai dan ba tada amsar tambayar da tayi mata, ita kanta a yanzu ta rasa me yake damunta, jinta take kamar wata mara lafiya. Kasa shuru Yesmin tayi tace "amma na ganki kamar ba kida lafiya? Me yake damunki? naga ba kamar yadda na saba ganinki ba" ala dole Zarah ta d'an saki jikinta tace "babu komai sister kawai dai yana yin garin ne sai a hankali duk babu wani dad'i ga ciwon kai da yake d'an damuna duk bana jin dad'i" tausayin Zarah ne ya kama Yesmin tace "Kisha magani, Allah ya k'ara sauk'i" a hankali Zarah tace "Nasha may be sai na samu nayi bacci tukunna zai tafi" Yesmin tace "Allah yasa ya tafi" dai-dai lokacin Yesmin ta kuma mik'ewa sosai alamun akwai gajiya tare da ita, mik'a tai tayi kamar wadda tayi aikin k'arfi Zarah na kallonta ba tare da tace komai ba ganin mik'ar tak'i k'arewa yasa Zarah cewa "a k'afa kika zo ne?" dariya Yesmin tayi a k'afa kuma Aunty?" "gani nayi sai mik'a kike" Yesmin ta kuma dariya "Isah driver ne ya kawo ni" dariya itama Zarah tayi tace "ke da aka kawo ki a mota to me ya gajiyar da ke haka? kamar ke kika tuk'o motar da kanki" kyakyacewa da dariya Yesmin tayi "ni zaman ne bana so ko ya na dad'e a zaune sai naji na gaji" tab'e baki kad'an Zarah tayi tare da fad'in "hmm kaji manya gatan wasa yanzu zaki koma ne?" dariya Yesmin ta kuma yi tare da fad'in "yau kuma? korata kike Aunty? Ai ba yau zan koma ba zan d'an kwan biyu baki ga jakar kayana ba dana shigo da ita?" "ban kula ba" ko sanda ta shigo da jakar Zarah na tsakiyar tunani da zancen zuci sam bata kula dame Yesmin ta dawo ba bayan futarta ta san dai sanda ta futa amma dawowarta bata san dame ta tawo ba sabida tunanin da take, Yesmin ce taci gaba da magana "d'azu ne da Hajjiya ta kira wayar Mommy take fad'a mata cewa Ya Imran zai dawo gobe shi ne fa aka kawo ni yanzu itama in Allah ya kaimu gobe zata zo" har Zarah ta manta da dawowar Ya Imran sai yanzu da Yesmin ta tuna mata, mik'ewa Yesmin tayi daga kwnaciyar da take ta nufi wajen jakar kayanta ta bud'e jakar ta d'ebo wasu k'ananan kaya marasa nauyi ta cire na jikinta ta saka su, ta baza wanda ta cire dan su sha iska sabida dare yayi koda bacci zai d'auketa ita dai ta canja kayanta, binta da kallo Zarah kawai tayi ba tare da tace k'ala ba, sai da Yesmin ta gama shiryawa tsaf! Sannan ta dawo ta kwanta, a haka suka ci gaba da hira har bacci yayi awon gaba da Yesmin, itama Zarah tashi tai tayi shirin bacci tare da kashe fitalar d'akin ta nemi waje ta kwanta kan gadon tare da tofe jikinta da addu'oin data saba yin su a duk lokacin da zata kwanta bacci.
_________________★
    Tun Zarah na k'arama Allah yayi mata farin jinin mutane musamman Samari wasu ma iyayensu ne da kansu suke nemawa 'ya'yan nasu ita cewar idan ta girma suna kamu, Hajjiya ce kad'ai take dakatar da su kan cewar ba zasu yiwa 'yarsu auren dole ba sai wanda tace tana so dan haka su bari ta girma tukun in yaso sai su fito nemawa yaran nasu in ta amince shikkenan, wannan ne kad'ai yake sasu daina tambayar neman aurenta. Bayan da Zarah ta girma samari da dama na sonta haka suke biyota gida a duk lokacin data futa wasu suyi mata magana tun a hanya wasu kuma ba zasu yi mata ba sai bayan ta shiga gida za'ayi sallama da ita, Hajjiya tasha yi mata fad'a akan dalilin biyota da samari suke yi gida wani sa'ilin ma takance in ta futa wajen samarin take zuwa ba inda ya kamata taje take zuwa ba, haka zata rufeta da fad'a kamar ba ita ta haifeta ba wataran ma ta doka, wannan abun yasha yiwa Zarah ciwo a zuciya har takan ji gwara ma ta daina futa kwata-kwata ko ta samu lafiya tunda duk sanda ta futa ta dawo ranta sai ya b'aci sai dai hakan ba me yuwa bane sakamakon zuwa makarantar da take. Wani lokacin ma mahaifinta ne da kansa yake rufeta da fad'an yace ba makarantar take zuwa ba tsayawa take wajen samari, sosai take jin ciwon jin hakan cikin zuciyarta sai dai babu yadda zata yi haka Allah ya tsara mata, hatta malaman makarantar su da dama akwai masu sha'awar auranta amma ina! Ita kanta Zarah bata amince da hakan ba bare kuma gidansu dan bata sauraran su, ganin irin halin da take shiga a gida yasa Zarah tsanar kowanne namiji dan bata kula kowa in ma namiji ya nemi yi mata magana sai ransa ya b'aci dan tasan a gida nata ran ne zai b'aci muddin ta tsaya sauraransa, wasu k'awayen nata har haushi suke ji idan suka ga maza na binta suna cewa suna so tana k'in kula su amma su ba wanda yake bin ta kansu wannan yana ci musu tuwo a kwarya ji suke dama su ne, idan kuwa suka ware gefe guda babu maganar da suke face zancen Zarah akan yawan samarin da take da su abin haushin ma duk yawan nasu babu wanda take so ciki babu kuma wanda take kulawa, duk da hakan su kuma suke sonta a haka masu kud'i da kyawawa duk sonta suke, gidan su kuwa ba me barinta ta futa koda anyi sallama da ita. sai dai su k'awayen nata suna ganin ko dan ita fara ce kyakykyawa shi yasa suke sonta? Ko kuwa dan mahaifinta nada kud'i yasa suke sonta? Sai dai abinda basu sani ba suka kuma kasa fahimta shi ne ita Zarah a haka take farin jinin a jininta yake tun sanda aka haife ta, lokacin da tazo duniya ma ba irin farin cikin da be sauka ba murna kuwa ba'a cewa komai dan ansha shagali akan haihuwarta, kaya kuwa ba'a cewa komai ba irin wanda mahaifiyarta bata samu ba, yarinya ce kyakkyawa kamar tsada sai bayan da ta fara girma hasken ta ya d'an ragu kad'an ba kamar lokacin da aka haifeta ba, gulma iri-iri ba irin wanda k'awayenta basa yi a duk lokacin da suka ware su kad'ai babu zancen wanda suke face na Zarah ita kad'ai ce ta tsone musu ido, tun zancen baya kaiwa kunnenta har ya fara komawa kunnuwanta da zarar anyi za'a sanar da ita abinda aka ce, wani lokacin ma zuwa suke takanas wajen samarin da suke sonta suyi ta b'ata mata suna, suna nuna rashin kamun kanta da rashin tarbiyyarta dan kawai su daina sonta wanda kuma hakan be sa mazan daina sonta ba dan sun ruga da sun san sharri ne irin na mata. Wannan hanya dai da suka d'auko  hak'an su be cimma ruwa ba, wannan yasa Zarah watsar da kowacce k'awa sai dai gaisuwar mutunci, Jamila ce kad'ai suke tare har gobe dan ita bata cikin jerin masu yi mata hassada da bak'in ciki, haka dai Zarah ta kasance cikin wannan rayuwa har ta kammala karatunta na secondary, wanda daga baya ta tsinci kanta cikin soyayya tun bayan da suka fara waya da Najib lokacin da mahaifinta ya dank'a mata sabuwar waya wanda shi ne kira na biyu a wayar yayin da suke tare da jamila tun daga wannan lokaci soyayya ta k'ullu tsakanin Najib da Zarah shi kad'ai ne wanda take so a rayuwarta shi kuma take muradi cikin zuciyarta, banda Jamila babu wanda yasan wani Najib balle yasan abinda yake tsakaninta da shi, haka suka shafe tsawon shekaru suna tare har kawo i-yanzu, duk da cewa bata tab'a ganinsa ba muryarsa kawai take ji.
_________________★
*waѕнe garι*
     Da sassafe Yesmin ta tashi ta cika gida da hayaniya ita kuwa Zarah na kwance takancin duniya duk ya ishe ta, wanda yasa har ta kasa iya runtsa idonta yadda taga rana haka taga dare idanuwanta a rufe suke amma ba bacci take ba tunani da sak'e-sak'e da zancen zuci kawai take na rashin d'aukar wayar Najib, ba yadda zata yi hak'uri ta bawa zuciyarta ta barwa Allah komai kan lamarin, jin hayaniyar Yesmin yasa dole ta tashi daga kan gado, kai tsaye bathroom ta nufa ta watsa ruwa ta fito ta shirya dan tasan yau rana ce da ya Imran zai dawo sai da ta shirya sannan ta futa falo nan taga gida ya hautsine da murna da shewa ana jiran isowar babban yaya dining kuwa ba'a cewa komai an cika shi da kayayyaki kala-kala naci dana sha ga kuma mutane zaune a falo, mamaki ne ya cika zuciyar Zarah na ganin abubuwan da suke jere kan dining taya aka had'a wad'annan kayayyaki? da kuma mamakin yawan mutanen da suka hallara cikin gidan duk tana kwnace, bayan kuma tasan mai aiki bata nan taya akai Hajjiya ta iya zama tayi wannan aikin ita kad'ai? Nan ta fara tambayar zuciyarta tun kan ta nemo amsar tambayar idanuwanta suka yi arba da Hajjiya Saratu K'anwar mahaiyarta tana hangota tayi saurin zubewa k'asa cikin ladabi ta gaishe ta, bayan sun gama gaisawa ta mik'e ta nufi sashin Hajjiya acan taci karo da wasu mutanen suna k'ok'arin fitowa falo tare da hajjiya, babban mamakin daya dad'a kamata shi ne k'arfe nawa yanzu da har mutane suka zo bata ji motsin shigowar su ba? Dawowa tayi da baya ta kalli makeken agogon bangon dake mak'ale a falon k'arfe goma da minti sha d'aya nan ta tabatarwa kanta tabbas rana tayi bata san tayi ba, sai da ta gaida kowa na falon harda wasu mutanen da bata gane ko su waye ba akwai kuma mak'ota wad'anda ake zaman mutunci da su ganin  mutanen yasa Zarah ganewa tare suka yi aikin da Hajjiya. Kallonta Hajjiya tayi a sanyaye Zarah ta k'arasa wajen Hajjiyar ta nemi izinin ganawa da ita sabida jama'ar da suke tare da ita, bata yi musu ba ta taso daga cikin mutanen gefe guda suka ware Hajjiya ta kallii Zarah tare da cewa "an tashi kenan?" Zarah na murmushi tace "ban san lokaci yayi haka ba, dan Allah Mummy naje gidan su Jamila?" tab'e baki kad'an Hajjiya tayi tace "taya zaki sani kina can a takure cikin d'aki kin kasa sakewa, wai ni na rasa me yake damunki kwana biyun nan? Idan na tambayeki sai kice mun babu komai" da sauri Zarah tace "ba abinda yake damuna me kika gani mummy?" shuru kawai tayi sannan tace "ai shik-kenan idan ma wani abu ne ni ya kamata ki sanarwa, ba kida wanda ya dace ki fad'awa sama da ni dan nice kad'ai zan iya magance miki matsalarki sama da kowa, yanzu dai jibi kowa na walwala yana murna sabida dawowar yayanki amma ke kwata kwata fuskarki babu walwala sai damuwa duk wanda ya ganki yasan tabbas akwai abinda yake damunki amma kince mun babu komai ai shikkenan." shuru Zarah tayi ba tace komai ba Hajjiya ta wuce ta tafi tare da fad'in "kije sai kin dawo, kin san dai yayanki na hanyar isowa ko?" a hankali Zarah tace "ba dad'ewa zanyi ba yanzu zan dawo" tana tafiya tun kan ta k'arasa futa taci karo da_____________

*💅🏻B⃠ıɠ ɠąι ¢ɛ✍🏻*