BAK'AR GUGUWA

Chapter 19

*B̆ĂK̆'ĂR̆🤦🏻‍♀ĞŬĞŬW̆Ă*
🧶🧶🧶🧶🧶
       🧶🧶🧶🧶
   🧶🧶🧶
           🧶🧶
             🧶

S⃠t̾o̾r̾y̾ & W⃠r̾i̾t̾t̾e̾n̾
         *ცყ:✍🏻*
R⃠αвí'αt ѕвѕ
         *(ცıɠ ɠąι)*

*©-Aɴᴀ ᴛᴀʀᴇ Wʀɪᴛᴇʀs Assᴏᴄɪᴀᴛɪᴏɴ ✍🏻*
(wє ѧяє ṭһє ɞєśṭ ѧṃȏṅɢ ѧʟʟ wяıṭєяś)📚
https://mobile.facebook.com/Anatarewritersassocian/

ɪɴᴀ ᴍɪǫᴏ ɢᴀɪsᴜᴡᴀ ɢᴀʀᴇᴋɪ ᴋᴇᴍᴀ ʙᴀɴ ᴍᴀɴᴛᴀ ᴅᴀ ᴋᴇ ʙᴀ ɴᴇᴇsʜᴀʀ ᴊᴀʏ ɪɴᴀ sᴀɴᴇ ᴅᴀ ᴋᴇ ᴛᴀʀᴇ ᴅᴀ ᴍᴀᴋᴀʀᴀɴᴛᴀ ᴡᴀɴɴᴀɴ ʟɪᴛᴛᴀғɪ ɪɴᴀ ᴍɪǫᴏ ɢᴀɪsᴜᴡᴀ ɢᴀʀᴇᴋᴜ.

*fαδῖlα αlῖϒῠ ϻῠsα (ϻα δῖlαlα ) αshα kαrαtῠ lαfῖϒα ❤*

*P⃠age➡19*

     Had'a rai Zarah tayi tana duban me shigowa tunda ta jiyo muryar ranta ya soma b'aci, ta ci gaba da cin abincin da take tayi kamar bata ganshi ba, Hajjiya ce tayi masa maraba tare da bashi wajen zama, sai da ya fara gaida Hajjiya tukunna ya samu ya zauna, tun lokacin daya shigo idanuwansa na kan Zarah wani k'ayataccen murmushi ya runk'a jefarta da shi, yayin da ita kuma Zarah fuskarta ke d'aure babu alamar ko walwala cikinta, sosai ta b'ata rai kamar wadda aka yiwa wani babban laifi, ita kuwa Jamila kallan Zarah kawai take ganin yadda tayi kicin-kicin ta b'ata rai, kamar tayi mata magana kan hakan sai kuma ta fasa tabi bak'on da kallo ganin bata gane kowanene ba yasa ta k'ara k'ura masa idanu, tun shigowarsa har zamansa Zarah bata ce da shi k'ala ba tak'i sakin fuskar ma balle ya samu damar yi mata magana. Gaisawa yayi da Imran da kuma Jamila bayan daya zauna, ganin Zarah ba tace da shi komai ba yasa Hajjiya yi mata magana "Zarah baki ga wanda yazo bane?" zuciyarta ce ta buga da k'arfi sannan tace "ban kula ba Mummy abinci nake ci" Hajiya tace "Yanzu ai kin kula" ala dole Zarah ta gaida shi zancen mummy ne ya fara fad'o mata wanda taji sunyi da Abbah yanzu ne ta k'ara tabbatarwa zuciyarta tabbas zuciyarsa akwai soyayyar ta, Yesmin dake tsaye gefe guda fuska d'aure binsa da kallo kawai tayi ba tare da tace da shi komai ba, shi ma kuma be waiwayi inda take ba, Tunda ya zauna yake satar kallon Zarah yana murmushi, Hajjiya na tsaye bayan wasu 'yan mintuna wucewa tayi ta nufi kitchen dan tattaro sauran kwanukan da ba'a wanke ba, Hajiya na futa Yesmin ta bi bayanta da sauri ta bar falon, Imran dake kan dining ya baro dining ya dawo tsakiyar falo dan k'ara gaisawa da babban bak'o, sun dad'e basu had'u ba tun kan Imran ya tafi raban da su ga juna sai a yanzu, sai da suka k'ara gaisawa shi da Imran d'in sannan ya maida kallonsa ga Zarah yana murmushi yana magana "ranki ya dad'e barka da rana mu k'ara gaisawa" wani k'ululun abu taji ya tsaya mata a k'ahon zuci sabida takaici, a ciki ta amsa masa "barka dai ai mun gaisa" daga nan ta mik'e da niyyar barin wajen ta koma d'aki wani murmushin ya k'ara jefarta da shi tare da fad'in "ina kuma zaki je muna hira?" a hankali tace "zan d'an shiga ciki ne akwai abinda zanyi" tana magana tana kallon abin hannunta murmushi kawai ya k'ara yi daga nan ta wuce ta nufi d'akinta, har yanzu Jamila ta kasa gane wanene wannan? Zancen da zuciyarta ta fara yi mata be wuce na cewar kar dai ace wannan shi ne Najib, ko dai daman abokin Ya Imran ne bamu sani ba? Da sauri ta katse zancen zucin da take kansa ganin Zarah tuni har ta bar wajen an barta ita d'aya kan dining yasa itama mik'ewa cikin hanzari, Imran ne yayi mata magana "dan kinga ta tashi shi ne kema zaki tashi bayan baki gama cin abincin ba?" murmushi tayi me ratsa zuciya tare da fad'in "ko kad'an na k'oshi wallahi, naga yamma tayi ne ina so naje gida" wani mayataccen kallo ya zuba mata yayin da take magana "ko nazo na kaiki gidan?" kauda kallonta tayi zuwa k'asa a hankali tace "a'a ya Imran kai daka dawo yanzu? Ai gidan namu babu nisa" haka ta shige ta tafi wajen Zarah, su Imran kuma suka ci gaba da tataunawa. Jamila na shiga cikin d'akin ta tarar da Zarah zaune bakin gado ta had'a kai da gwiwa tare da zuba uban tagumi kamar wadda aka aikowa da mutuwa da sauri ta k'arasa inda take ta zauna gefenta "me yake faruwa ne? Naga daga zuwan wannan saurayin duk kin bi kin canja, amma fa gayen ya had'u" da sauri Zarah ta kalleta "a naki ganin kika ga ya had'u amma ni sam be mun ba" cikin rashin fahimta Jamila tace "ban gane ba wai wanene wannan d'in? Kina ganin yasha wanka duk da cewa farin yadi ya saka d'inkin tazarce amma ai tayi masa kyau musamman yadda ya d'au jar hula da jan kalmi ya saka alama ce ta ya iya wanka ban ga wani makusa kansa ba kawai dai kice ke fara shi bak'i sai kuma abu d'aya daya rasa..." Zarah ta tab'e baki "ki k'arasa mana, me ya rasa?" Jamila ta kame baki "ai kuma nayi shuru kada nayi sakin layi ni dai fara fad'an wane shi?" Sai da Zarah ta saki ajjiyar zuciya tare da tab'e baki kafin tace "hmm to wannan shi ne Nauman dana baki labari" ruk'e baki Jamila tayi tare da fudda manyan idanuwanta "lallai yau naga Nauman shima ba laifi yana da kyansa dai-dai misali gashi dogo sai dai kuma abu d'ayan da nace ya rasa shi ne dad'in murya in-ina ne da shi, taya zaki runk'a gane maganar da yake miki in kunyi aure?" wata muguwar harara Zarah ta galla mata "amma ba kida kirki wallahi taya zaki runk'a had'a ni da shi matsayin miji na?" ganin ranta ya b'aci yasa Jamila yin murmushi "maida wuk'ar ba haka nake nufi ba ai kece wallahi kina da matsala yanzu da kika k'i jin shawarata ba gashi kina k'ok'arin jefa kanki wajen da baki dace ba" "ni dai ki daina had'a ni da shi insha Allahu ba zai tab'a zama miji na ba, dariya jamila tayi sannan tace "to ma wai ni yace yana son ki ne?" "Nifa be fad'an da bakinsa ba a bakin mummy nima naji tana fad'awa Abbah alhalin ita bata san komai ba ni kawai tsoro na d'aya kada naje su had'a ni da shi su k'ullah auran da babu soyayya" jinjina kai Jamila tayi "kuma fa tabbas sai su iya kin san iyayen mu da auren zumunci ba ruwansu da wa kake so su dai in sun san d'an uwa ne sai kawai a had'aku aure" guntun dariya Zarah tayi bayan da tayi wani d'an tunani "hmm...! ni nake damun kaina ma mutumin ma da be furtan cewa yana sona ba me zai sa na runk'a damun kaina?" nan dai suka shiga tattaunawa tare da Jamila.
__________________★
   Tunda Hajiya ta futa take tunanin me ya samu Yesmin, me yasa take son tafiya, ko dai wanin cikin su ne ya b'ata mata? Tambayoyin data kasa samun amsarsu kenan, tana cikin wasi-wasi da zancen zuci taga Yesmin ta fito d'auke da jakar kayanta tana k'ok'arin yin hanyar waje zata futa, da sauri ta katse zancen zucin da take "Yesmin wai lafiya? An tambayeki kink'i magana ko ni ai kya fad'awa abinda aka yi miki" shuru tayi na wasu 'yan dak'ik'u sannan tace "ba komai Mummy bana jin dad'i ne" cikin mamaki Hajiya tace "ba sai kiyi magana aje asibiti ba, kuma naga tun d'azu da walwalarki babu ciwon komai tare da ke koda yake shi ciwo baya sallama" rufe bakinta keda wuya ta jiyo sallamar Isah driver" sakin baki tayi tana mamaki cikin zuciyarta tace wato har ma ta kira a d'auke ta? Ai shikkenan, da sauri Yesmin ta wuce ta tafi tare da cewa "Mummy sai an jima" kasa magana Hajjiya tayi ta runk'a jin zafin abinda tayi cikin zuciyarta. Nauma kuwa wuni yayi har dare ya kai a gidan su Zarah sai da zai tafi ya fara neman yadda zai yi ya kira Zarah, dai-dai lokacin da ya ci karo da ita tana k'ok'arin raka Jamila bakin gate a hankali ya yiwa Jamila magana "baki tafi ba kenan?" jamila tace "Ea! Wallahi naso na tafi da wuri Zarah ce ta ruk'eni" murmushi yayi sannan yace "ki gaida gida" da kyar take iya gane maganarsa sabida in-inar da yake da ita a hankali tace "gida yaji nagode" komawa yayi ga Zarah "in babu damuwa ina so zamu tattauna idan kin dawo daga rakatan" gaban Zarah ne ya yanke ya fad'i rass! sabida gudun abinda take tunanin zai faru kada ya faru, kallon-kallo sukai wa juna tsakanin Zarah da Jamila sannan ta dube shi tace_____________

*💅🏻B⃠ıɠ ɠąι ¢ɛ✍🏻*