BAK'AR GUGUWA

Chapter 15

*B̆ĂK̆'ĂR̆🤦🏻‍♀ĞŬĞŬW̆Ă*
🧶🧶🧶🧶🧶
       🧶🧶🧶🧶
   🧶🧶🧶
           🧶🧶
             🧶

 
S⃠t̾o̾r̾y̾ & W⃠r̾i̾t̾t̾e̾n̾
         *ცყ:✍🏻*
R⃠αвí'αt ѕвѕ
         *(ცıɠ ɠąι)*

*ĸυyι нaĸ'υrι мaѕυ neмan cι gaвan wanan lιттaғι aĸoda yaυѕнe, вana ѕaмυn loĸacιn тypιng ne ιѕaѕѕнe ιna neмan aғυwa.*

ʜᴏᴏᴏᴏᴏᴏ!💃🏻 ᴍᴜ🥳 ᴍᴜɴʏɪ ᴊᴀʀɪʀɪʏᴀ ɪɴᴀ ᴛᴀʏᴀᴋᴀ ᴍᴜʀɴᴀʀ sᴀᴍᴜɴ 'ʏᴀ ᴍᴀᴄᴇ ʏᴀʏᴀɴᴀ ɴᴀ ᴋᴀɪɴᴀ (sʜᴀʀɪғᴇᴇ), ᴀʟʟᴀʜ ʏᴀsᴀ ᴍᴀᴋᴀʀᴀɴᴄɪʏᴀʀ ᴀʟ'ᴋᴜʀ'ᴀɴɪ ᴄᴇ ᴀᴍɪɴ.

*fαδῖlα αlῖϒῠ ϻῠsα (ϻα δῖlαlα ) αshα kαrαtῠ lαfῖϒα ❤*

*P⃠age➡15*

    Zuwa tayi ta jona wayar sannan ta dawo ta zauna tana tunanin abin da zata ce da Najib dan ba tada abin fad'a kasa jure zaman tayi ta mik'e tsaye tana zaga d'akin tana zancen zuci daga bisani kuma ta dawo tsakiyar gado ta zauna tare da had'a kai da gwiwa tana faman tunani, babban tak'aicin ta d'aya da wayar ta mutu muris da ace bata mutu ba ko jamila ta kira ta fad'a mata abinda ya dace ga kuma dare yayi balle ta tambayi zuwa gidan su jamila. Ita kanta jamilar tun da ta tafi bata dawo ba alhalin tace tana nan dawowa, tak'aici ne ya k'ara kama Zarah dan a yanzu dai ba tada wata mafuta, tashi tayi tsaye taci gaba da zaga cikin d'akin kanta a sama kamar me duban wata, sai da ta zagaya a k'alla kamar sau bakwai tukunna ta sami waje ta zauna bakin gado.
    A gajiye Alhaji Kabir ya dawo, Hajjiya Usaina ta karb'e shi cikin girmamawa da tarairaya irin ta manyan mata tare da karb'ar jakar dake hannun sa ta shiga da ita zuwa sashin sa da sauri ta had'a masa ruwan wanka ya shiga ya watsa tun kan ya fito ta had'a masa dining yana fitowa bayan ya tsane jikinsa jallabiyya ya d'auko ya saka sannan ya isa dining inda ya tarar da tuwon shinkafa miyar ganye wadda aka yita da manja da bushash-shan kifi da kuma kaji, sosai Alhaji kabir yaci ya k'oshi har da santi, sai da ya gama ci sannan ya mik'e zuwa sashinsa kafin ya k'arasa ne ya tambayi inda Zarah ta shiga? dan baiji d'uriyarta ba tunda ya shigo, hajjiya tace "Zarah na ciki ba mamaki bacci ne ya d'auketa ka santa da saurin bacci" cikin mamaki Alhaji yace "bacci kuma da magriba? Wannan wanne irin bacci ne? Ko dai jikin nata ne ya tashi?" girgiza kai Hajjiya tayi "a'a! K'alau take" Hajjiya ta kwalawa Zarah kira amma shuru bata amsaba sai da ta kirata kamar sau uku tukunna Zarah ta amsa, a guje ta fito tana ganin Abbanta tayi saurin tsugunawa tare da fad'in "Sannu da zuwa Abbah" sosai ya kalleta sannan yace "tun d'azu dana shigo dama baki ji shigowa ta ba sai yanzu?" kanta a sunkuye tace "ban san ka dawo ba Abbah" duk maganar da take tak'i d'ago fuskarta Alhaji ya kuma cewa "babu dai wata matsala ko?" Zarah tace "Ea! Abbah ba komai" yace "tashi ki koma Allah sa dai ba sana'ar ake ba" "Abbah ba bacci nake ba" ita dai Hajjiya ta lura da Zarah kamar akwai abinda yake damunta shuru kawai tayi bata ce komai ba, Alhaji yace "shik-kenan tashi" ya juya ya nufi sashinsa Hajjiya na biye da shi yayin da ita kuma Zarah ta koma d'akinta. Suna shiga ciki samun waje suka yi suka zauna Hajjiya Usaina ce ta fara labartawa Alhaji kabir labarin abinda ya faru da Zarah, Alhaji yace "Suma tayi" a sanyaye Hajjiya Usaina tace "Ni kaina nayi tunanin hakan shiyasa ma banyi saurin kiran likita ba tun kwanaki da tayi likita yace suma tayi, sai dai kuma wannan karan har tafi wancen jumawa hankalina yayi matuk'ar tashi Alhaji anya kuwa ba za'a duba lamarin yarinyar nan ba ayi buncike a gano menene musabbabin faruwar hakan?" shuru yayi na d'an wasu dak'ik'u yana nazari sannan yace "gaskiya ya kamata a buncika amma ni abinda yasa wancen karan ma ban yiwa shi Doctor Bashir maganar a bunciketa ba nayi tunanin iya na lokacin ne, amma ba matsala insha Allahu na yi masa magana akan hakan in yaso koma menene sai yayi" hajjiya tace "hakan yafi Alhaji gwara tun da wuri a buncika, ba sai an barshi har tsawon lokaci hakan na faruwa a kasa shawo kan matsalar ba". Suna cikin tattaunawa suka jiyo sallamar Zarah saurarenta suka yi tana cewa "wani yaro aka aiko wai ana sallama da Abbah inji wani a waje Alhaji ne da kansa yace mata "ki cewa yaron yace ina zuwa" Zarah taje ta fad'a sannan ta koma tana jiran chargy'n wayarta ya cika ko jimawa Alhaji beyi ba ya fito dan zuwa ganin me kiransa Hajjiya Usaina ita ma fitowa falo tayi ta zauna tare da d'aukar remote  ta canja tashar daga yoruba zuwa Hausa   Hajjiya usaina na zaune kan kujera tana jiran dawowar Alhaji.
      Tunda Zarah ta jona wayar take jiran cikar ta wajen minti talatin kenan amma wayar tak'i abun arzik'i sake kunnata tayi taga tak'i kunnuwa kamar charger ma bata yi wani dogon tsaki taja sabida tsananin takaici na b'ata lokacinta da tayi, fitowa falo tayi wajen Hajjiya Usaina dake zaune kan kujera tana kallo "Mommy dan Allah na d'auki charger ki? tawa bata yi" sosai Hajjiya ta Kalleta kamar akwai abinda take son fad'a mata na daban sai kuma ta fasa tace "kije ki d'auka a drower madubi" shigewa tayi taje ta d'auko ta jona wayar.
_________________★
     Can kuwa Aamir lokacin da suke tafiya k'ara jan motar yayi da k'arfi ganin halin da abokinsa yake ciki sosai ya k'ara gudun motar kamar wanda ya bugu shi kuwa Najib motsi bakinsa kawai yake yana salati tun yana iyawa da k'arfi har ya koma furtawa a hankali, ya ci gaba da salati hannayensa dafe a cikinsa yana ta murk'ususu ga duk wanda yaga Najib dole ya tausaya masa dan ya galab'aita, a haka suka k'arasa wani asibiti (MAS Hospital) da sauri Aamir yayi parking d'in motar ya bud'e b'arin da Najib yake zaune ko motsawa baya yi bakinsa ma baya motsi jikinsa a sake idanuwansa a rufe hankalin Aamir ya qara tashi a guje ya kira Nurse d'in asibitin inda aka d'auki Najib aka shiga da shi ciki, d'akin taimakon gaggawa (Emergency room) akai da shi ganin baya ko motsawa tunda aka shiga da Najib hankalin Aamir ya kasa kwanciya yayi tsaye yana jiran fitowar d'aya daga cikin ma'aikatan asibitin in yayi yunk'urin ya kira waya ya sanar da 'yan gidan su Najib sai ya fasa saboda alk'awarin daya d'aukarwa abokinsa na ba zai sanar da kowa ba, wata zuciyar kuma tace da shi gwara ka kira su ka sanar da iyayensa kar wata matsalar ta faru k'arshe ma a jaza maka, har ya zaro wayar a aljihu zai kira kenan wata zuciyar ta kuma cewa da shi insha Allahu ma babu abinda zai faru, yaja ajjiyar zuciya mai k'arfi ya mayar da wayar aljihu, yaci gaba da jiran mai fitowa, sai da aka d'auki wasu 'yan dak'ik'u kafin wani ma'aikaci ya fito daga cikin room d'in daga bisani kuma Dr.Ahmad ya fito, da sauri Aamir ya ruk'o hannun sa yace "ya lafiyarsa yake" Dr Ahmad ya d'aga kai ya kalle shi cikin tausayi yace "ka k'ara jira, sannan ya wuce ya bar Aamir da tunani.
__________________★
     Zarah kuwa bata jira cikar wayar ba tana ganin chargy'n ya fara hawa ta kunna wayar dan ba zata iya jiran ba, kai tsaye wajen text message ta nufa inda taga sak'onnin Najib ru-tu-tu ba adadi sak'on farko ta fara bud'ewa wanda ya sako mata kuka ta bud'e sak'o na gaba shima sak'one me alamar kuka ta kuma bud'e wani nan taga ya d'anyi rubutu *_"Hak'ik'a kin kansance wani jigo na jikina kin zamo mayafin rufata wanda in babu ke ba zan iya jin dad'in rayuwa ba tabbas in ba ke ba zan iya rayuwa ba ina so ki yi mini duk hukuncin da kika ga ya dace da ni amma bana so ki yi mun hukunci da irin wannan izayar ta k'ona zuciya ta, ina so ki gafarce ni bisa laifin da ban san na aikata shi ba ki rangwanta mun wannan izayar, domin kuwa zuciyata tana cikin k'unci da rad'ad'in hukuncin da kike mata"_* daga k'arshen sak'on ya saka kuka, tun bata je sak'o na gaba ba zuciyarta ta fara raunana idanuwanta suka cicciko kamar zata yi kuka haka ta kuma bud'e wani sak'on inda yace  *_"ki tsaya ki fahimce ni ki saurari maganata ba zan iya cutar da ke ba, kuma ba zan iya gwada ki ba, dan kin wuce gwaji a rayuwata ki sani ke ta dabance bana dana sani ko kuma taraddadi kan son da kike mun, tabbas soyayyar mu daban take da sauran masu soyayya ta yaya zaki yi tunanin zan iya maida soyayyarki ta zama irin soyayyar kowa?"  dan Allah ki saurare ni my love ban san ya zan da kaina ba muddin kika k'i saurarata"_* shi ma sak'on ya k'arashe shi da kuka, tsananin tausayinsa ne ya kamata har sai da wasu kwalla masu zafi suka fara kwaranyowa kuncinta ta saka hannu ta share, wani sak'on ta kuma bud'ewa inda yake cewa *_"Haba masoyiyata nasan ke me hak'uri ce me kuma sauk'in kai, ki fad'an duk sanda kike son ganina zan iso gareki koda kuwa yanzu ne, dan Allah dan Annabi ki saurare ni karki cutar da zuciyata domin kuwa rashin d'aukar wayarki cutuwa ce a gare ni wallahi ina sonki da gaskiya"._*  ta kuma bud'e wani sak'on na gaba inda yake cewa *_"ina so kice kin tsaneni gwara na mutu ki huta ko ba komai nasan zaki farin ciki idan har kika ga bana raye, ina mai ban kwana dake zan mutu zanbar duniyar idan ke rabo nace Allah had'a mu a gidan aljana, ki yafe mun ni dai na yafe miki duk da cewa nasan baki mun komai ba ki yafen mutuwa zanyi Zarah. Ma'assalam"_*  bata san sanda ta fashe da kuka ba, jin kukan zaiyi k'arfi yasa ta rufe bakinta da hannunta ta share hawayen da suka kwaranyo kuncinta, taji duk ta tsani kanta sabida abinda tayi masa haka taci gaba da bud'e sak'onninsa kala-kala cikin yaruka daban-daban har da wanda yayi da harshen turkanci tare da fassararsa inda yace *_"Ölümümden sonra bile, beni hayatında unutma (Ko bayan mutuwata, kar ki manta da ni a rayuwar ki)._"* hankalinta yayi matuk'ar tashi ganin sak'onnin da take bud'ewa sunfi na farko tab'a zuciya bata san lokacin data ci gaba da kuka ba.
       Hajjiya dake zaune a falo kuwa duba agogo tayi k'arfe takwas da rabbi na dare amma har yanzu Alhaji be dawo ba tunda ya fita, ko wanne bak'o ne ya tsare shi haka? Oho! Zuciyarta ce take raya mata sallamarsa ta jiyo cikin falon da sauri ta waigo ta kalle shi "Sannu da shigowa" nemar waje yayi ya zauna kan kujera tare da fad'in "yauwa" Hajjiya ta kuma kallonsa "amma Alhaji ka dad'e da yawa wannan wanne bak'o ne haka?" murmushi Alhaji yayi "Alh.D'ahiru ne" cikin rashin fahimta Hajiya tace "wanne Alhaji D'ahiru?" Alhaji yace "Alh.D'ahiru dai mijin Adama na gangare" har yanzu Hajjiya bata gane ko wanene ba tunani take, ganin bata gane ba Alhaji yace  "Alhaji D'ahiru wanda kwanaki aka sace motarsa wanda yazo nan wajena karb'ar kaya" sai a lokacin Hajjiya ta gane shi tana dariya tace "to..to! Na gane shi kasan mutanen naka ne da yawa Alhaji yauma karb'ar kayan ya kuma zuwa yi?" dariya Alhaji yayi  "ko kad'an yau wata sabuwa ce ta kawo shi" fidda idanuwanta Hajjiya tayi tana saurarensa yaci gaba da magana "akwai yaro d'an wajensa Sagiru shi ne yaga yarinyar nan yake so shi ne suka zo tambaya in babu kowa sai su fito" da k'arfi hajjiya tace "wai Zarah? to me kace da shi?" murmushi Alhaji yayi yace "Nace ya bari a fara tambayar yarinyar tukunna in ta amince fani'iman sai su fito in kuma bata amince ba sai yayi hak'uri ya nemi wata" sai a lokacin hajjiya taji sanyi a ranta dan a tunaninta Alhaji ya amince da maganarsu ne tace "gaskiya kam dan yaran yanzu ba irin na zamanin mu bane" Alhaji yace "sai ki tambayeta in ta amince da shi shik-kenan, ba kince Nauman ma yana zuwa wajenta ba?, a tambayeta wanda tafi so sai ta fad'a" Hajjiya tace "haka ne insha'Allahu zan tambayeta sai naji ra'ayinta akan su" Alhaji yace "in har babu wanda yayi mata sai ta fad'i wanda take so idan kuma babu ni da kaina zan zab'a mata dan bana son k'ofar gida na ya zama kamar kasuwa." gaban Zarah ne ya yanke ya fad'i ras! tasan ba wanda zai mata haka face sagir saurayin da yazo d'azu, sai dai kuma ita bata san da zancen wani Nauman ba, nan take ta fara sak'e-sake cikin zuciyarta dan duk maganar da suke Zarah na jinsu, hankalinta ya tashi ta d'auko waya ta fara latsawa, number Jamila ta kira ta zayyane mata duk abubuwan da suke faruwa tun bayan tafiyarta. jamila tace "Haba Zarah ki kira Najib d'in ki ba shi hak'uri shi ne kawai mafita" Zarah tace "ba zan iya ba jamila na kira shi na bashi hak'uri na zubar da aji na  kenan?" dariya jamila tayi tace "zubar da aji? Sai dai in daman ba san shi kike ba ita soyayya ai ba ruwanta da zubda aji indai a irin wannan halin ne, akwai abinda mace zata yi ta zubda ajinta amma banda irin wannan ki masa laifi bashi hak'uri ya gagara kice zaki zubda ajin ki? Hmm" dariya taci gaba da yi sannan ta kuma cewa "shi yasa wasu masoyan soyayyarsu bata k'arko, nasan Zarah muddin kika kira shi zai hak'ura dan Allah ki kira shi karki zo kiyi da kin sani" shuru Zarah tayi na 'yan wasu dak'ik'u daga bisani kuma tace "gaskiya ba zan iya ba ni kunya nake ji" jamila ta kuma cewa "gwara ki kira shi ku dai-daita k'awata koda Hajjiya ta tambaye ki sai ki sanar da ita Najib kike so" haka dai Zarah tak'i amincewa da zancen Jamila har suka gama waya, bayan sun gama waya shuru Zarah tayi tana tunani da sauri ta katse tunanin da take ta fara nemo number Najib, zata kira shi kenan wata zuciyar tace mata idan kin kira me zaki ce da shi? bayan kin gama yi masa hulak'anci" fasa kiran tayi wata zuciyar ta kuma cewa da ita gwara ki kirashi ku sasanta kar kije ki yiwa kanki a baki wanda bakya so, danne zuciyarta tayi ta fara kiransa amma shuru be d'aga ba taci gaba da kira  wayar na ringing babu alamar d'agawa hankalinta yayi matuk'ar tashi a zuciyarta tace ko dai shi ma ramawa zai yi?, ta kuma latsa wayar ta kai kunne har yanzu tana ringing  ba'a d'aga ba har wayar ta katse ta kuma kira a karo na gaba amma ina! Ba'a d'aga ba tana cikin kiran wayar taji an turo k'ofar d'akin____________

*💅🏻B⃠ıɠ ɠąι ¢ɛ✍🏻*