BAK'AR GUGUWA

Chapter 17

*B̆ĂK̆'ĂR̆🤦🏻‍♀ĞŬĞŬW̆Ă*
🧶🧶🧶🧶🧶
       🧶🧶🧶🧶
   🧶🧶🧶
           🧶🧶
             🧶

S⃠t̾o̾r̾y̾ & W⃠r̾i̾t̾t̾e̾n̾
         *ცყ:✍🏻*
R⃠αвí'αt ѕвѕ
         *(ცıɠ ɠąι)*

*©-Aɴᴀ ᴛᴀʀᴇ Wʀɪᴛᴇʀs Assᴏᴄɪᴀᴛɪᴏɴ ✍🏻*
(wє ѧяє ṭһє ɞєśṭ ѧṃȏṅɢ ѧʟʟ wяıṭєяś)📚
https://mobile.facebook.com/Anatarewritersassocian/?ref=unknown

*_ιna ĸ'ara вaĸυ нaĸ'υrι ĸan raѕнιn jιna da ĸυĸe ιna ganιn ѕaĸ'on nιnĸυ, вana ѕaмυn loĸacιn тypιng ne da ĸyar naĸe ғυѕgar тyм d'ιn мa ғadιlala мa ѕнaιda ce.lol😛_*

*ɢaιѕυwa тa мυѕaммan 'yan ĸ'υngιyar мυ тa ana тare wrιтerѕ мυѕaммan:*
★ғᴀᴜxɪᴀ ᴍ.ʙᴀʟᴀ (ᴍᴇ ᴀɢᴏɢᴏ)🥰. ᴍᴀʀᴜʙᴜᴄɪʏᴀʀ *ᴄᴏɴᴇʟ ᴀᴋʀᴀᴍ*
★sᴀ'ᴀᴅᴀᴛ ᴀʟᴋ'ᴀʟɪ ᴅ/ᴛsᴀғᴇ 😘ᴛᴀ ᴡᴀᴊᴇɴᴀ. ᴍᴀʀᴜʙᴜᴄɪʏᴀʀ *ᴅᴀ ᴡᴀ ɴᴀᴋᴇ ᴛᴀʀᴇ*
★ᴍᴀɪᴍᴜɴᴀ ᴍᴀᴛᴀʀ ᴀʙᴅᴜʟʟᴀʜɪ  ᴍᴀʀᴜʙᴜᴄɪʏᴀʀ *ᴀ'ɪɴᴅᴏ*
★'ʏᴀʀ ᴍᴜᴛᴀɴ ᴋᴀɢᴀʀᴀ ᴍᴀʀᴜʙᴜᴄɪʏᴀʀ *ʟᴀʙᴀʀɪɴ ᴀᴍɪʀᴀ*
★ᴀʏsʜᴀ ᴍᴀᴄʜɪᴋᴀ ᴍᴀʀᴜʙᴜᴄɪʏᴀʀ *ᴍᴀʀᴅɪʏʏᴀʜ*
★ᴍss ᴀʏᴜsʜ ᴍᴀʀᴜʙᴜᴄɪʏᴀʀ *ʀᴀʏᴜᴡᴀʀ ʙɪʟᴋɪsᴜ*
★ᴍᴀʀʏᴀᴍ ᴀʜᴍᴀᴅ ᴘᴀᴋɪ ᴍᴀʀᴜʙᴜᴄɪʏᴀʀ *sᴏ ʙᴀʏᴀɴ ʀᴀɪ*

*fαδῖlα αlῖϒῠ ϻῠsα (ϻα δῖlαlα ) αshα kαrαtῠ lαfῖϒα ❤*

*P⃠age➡17*

     Taci karo da Jamila sanye da wasu kaya masu d'aukar ido wata riga da skirt ce sky blue wadda tasha ado da pink color sai kuma golding color da aka ratsa a jikin kayan kamar na larabawa sai wani k'aramin mayafi mahad'in kayan pink color wanda ta yafo shi zuwa kafad'arta, daga bakin mayafin anyi sirfani da sky blue da kuma golding, sosai kayan suka yi mata kyau, fuskarta tasha makeup kamar ba ita ba, wata k'aramar jaka ta saka me dogon hannu wadda tayi shige da kayan jikinta kamar tare suka zo da kayan, takalmin nata ma kalar su d'aya da mayafin jikinta, Har Zarah tayi gaba zata wuce bayan data kalleta sai kuma ta dawo da baya ta tsaya dan bata yi tsammanin itace ba, dariya Jamila ta fara yi ganin bata gane itace ba, sosai Zarah ta dubeta tun daga sama har k'asa sannan tace "wai ke ce ko kuwa me kama da kece?"  dariya jamila ta kuma yi "ban sani ba 'yar rainin hankali har wani kyau nayi wanda ba za'a iya gane ni ba?" Zarah na dariya tace "sai kace wadda bata kallon madubi wallahi kinyi kyau k'awata kamar daga k'asar larabawa" Jamila na dariya tace "bana son hulak'anci ke dai kawai kice zaki rama abinda nayi miki" Zarah tace "wallahi da gaske nake kinyi kyau, k'awata ina kika siyo kayan nan? Sun yi masifar yi miki kyau wallahi, ko dai na k'arfen ne ya kawo?" "hmm bana son sharri, ba wani na k'arfen mu ai yara ne kune masu na k'arfen kema kin sani, sune kayan dana baki labari kwanaki nace kawu bashir ya kawon tsarabar saudia tun sanda ya kawon ban sasu ba sai yau" dariya Zarah tayi sannan tace "haba! Koda naji kayan sunyi kyau kowa ya gani dole ya tambaya, kin ganki kuwa? kamar wadda larabawa suka bamu aranta" dariya suka yi duk-kanin su nan dai suka hau hira tun kan hirar tayi tsayi Zahra ta katse hirar suka koma ciki, suna isa falo kowa kallonsa ya koma ga Jamila hatta Yesmin sai da ta tsaya tana kallon ta sabida kyan da tayi a zuciyar ta tace "wannan kuma ko wace? oho!, tsugunawa k'asa Jamila tayi ta fara gaida Mommy'n Zarah sannan ta gaida sauran mutanen dake cikin falon, kai tsaye d'akin Zarah suka wuce ganin sun wuce d'akin Zarah yasa Yesmin gane cewar lallai k'awar Zarah ce. Bayan da suka shiga cikin d'akin kowannen su ya nemi wajen zama cire mayafinta Zarah tayi ta wurgar gefe guda, jamila ce ta fara tambayar Zarah "Wai ni na ganki duk a firgice fuskarki kamar akwai alamar tambaya me yake faruwa ne, kaddai ace baki kira shin ba?" ajjiyar Zuciya me k'arfi Zarah ta fara yi sannan ta zayyane mata duk abubuwa da suka faru tare da cewa "yanzu ma wajenki nayi niyyar zuwa na ganki dan ban san menene abin yi ba" shuru jamila tayi ta rasa me zata ce daga can tace "Tun farko laifinki ne ke kika k'i tsayawa ki saurare shi yanzu inda kin tsaya kinji me zaice ai duk da haka bata faru ba, gashi bamu san a inda yake ba balle naje na same shi nayi masa bayanin komai tunda d..." tun bata k'arasa maganar da take ba Zarah ta katseta "a'a k'awata kyale kawai ni yanzu na barwa Allah komai koda ace mun san inda yake gaskiya ba zaki je ba ai sai ajin mu ya zube mu zama irin 'yan matan da suke bin samari har gida abun ba mutunci" da sauri Jamila tace "ba haka bane su daban ke daban tunda ba ke kika fara cewa kina sonsa ba shi ya fara cewa yana sonki kuma kafin ki fara sakar masa fuskar amincewa a soyayya ai saida kika kwan biyu ba kamar su ba, kinga su bin mazan suke suce suna so ko da kuwa mazan basa sonsu dad'in dad'awa idan ma mazan ne suka fara fad'a musu da rawar jiki suke gaggawar amsawa kamar daman jira suke k'arshe su runk'a binsu har inda suke ke kuwa in kin lura wata matsala ce ake son magancewa kinga idan har muka gano ya daina sonki ne sai ki nemi wani idan kuma wata matsalarce ta afku sai muyi k'ok'arin yadda zamu magance ta k'awata kiyi tunani" shuru Zarah tayi na 'yan wasu dak'ik'u sannan tace "haka ne amma kinsan mutane iri-iri kowa da irin tasa fahimtar  wani ya kalle ka a dai-dai wani ya kalle ka a bai-bai" "haka ne, yanzu menene abin yi? Jamila ce ta fad'a yayin da take gyara zamanta kan wata k'aramar kujera dake can gefe guda.
_________________★
    A ranar da Aamir ya kai Najib asibiti kuwa bayan gwaje-gwaje da wasu allurai da aka yi masa har drip aka saka masa sai da yasha drip leda biyu, tun yamma har dare be farka ba, ganin Najib be farfad'o ba yasa Aamir kiran iyayen Najib d'in da sauri suka iso asibitin cikin tsananin tashin hankali da fargaba, sai da suka fara yiwa Aamir fad'a na rashin sanar da su da wuri da be yi ba, sannan suka jira har lokacin da aka basu damar shiga inda Najib d'in yake, lallai Najib na jin jiki drip ne d'aure a sama ana k'ara masa shi, hankalin su ne ya k'ara tashi ganin yadda jikin nasa yayi tsanani ba tare da sun sani ba, cirko-cirko suka yi suna jiran tsammani ganin yadda yake kwance a mik'e tamkar wanda baya numfashi, ji suke kamar su fashe da kuka dan tsananin tausayi Hajjiya karima ce ta nemi kujera ta zauna had'e da tagumi tana ta salati da addu'o'i ita ma matar baban su samun waje tayi ta zauna ita kuwa k'anwarsa kasa zama tayi ta tsaya k'yam! Kamar 'yar sanda, a asibitin suka wuni har suka kwana matar babansu ce kawai ta koma gida sabida yi musu girki sai washe gari da safe Najib ya farka ya ganshi kwance a gadon asibiti farkawarsa keda wuya______________

*💅🏻B⃠ıɠ ɠąι ¢ɛ✍🏻*