BAK'AR GUGUWA

Chapter 18

*B̆ĂK̆'ĂR̆🤦🏻‍♀ĞŬĞŬW̆Ă*
🧶🧶🧶🧶🧶
       🧶🧶🧶🧶
   🧶🧶🧶
           🧶🧶
             🧶

S⃠t̾o̾r̾y̾ & W⃠r̾i̾t̾t̾e̾n̾
         *ცყ:✍🏻*
R⃠αвí'αt ѕвѕ
         *(ცıɠ ɠąι)*

*©-Aɴᴀ ᴛᴀʀᴇ Wʀɪᴛᴇʀs Assᴏᴄɪᴀᴛɪᴏɴ ✍🏻*
(wє ѧяє ṭһє ɞєśṭ ѧṃȏṅɢ ѧʟʟ wяıṭєяś)📚
https://mobile.facebook.com/Anatarewritersassocian/

ɢᴀɪsᴜᴡᴀ ɢᴀʀᴇᴋɪ
ʜᴜʙʙʏ😜 ᴍᴀʀᴜʙᴜᴄɪʏᴀʀ *ɪɴᴅᴏ ᴋ'ᴀғᴀʀ ʏᴀʜᴏ*
ʙᴀɴ ᴍᴀɴᴛᴀ ᴅᴀ ᴋᴇ ʙᴀ ʀᴇᴀʟ sᴍᴀsʜᴇʀ ᴍᴀʀᴜʙᴜᴄɪʏᴀʀ *ᴀʟᴋ'ᴀᴡᴀʀɪɴ ᴊɪɴɪ*

ᴋᴜ ʏɪᴡᴀ ᴍᴀʀᴜʙᴜᴄɪʏᴀʀ ᴍᴜ ғᴀᴜxɪᴀ ᴍ.ʙᴀʟᴀ(ᴍᴇ ᴀɢᴏɢᴏ) ᴀᴅᴅᴜ'ᴀ, ᴍᴜsᴀᴍᴍᴀɴ ᴍᴀᴋᴀʀᴀɴᴛᴀ ᴄᴏɴᴇʟ ᴀᴋʀᴀᴍ ᴀʟʟᴀʜ ʏᴀ ʙᴀᴛᴀ ʟᴀғɪʏᴀ ᴛᴀ ᴋ'ᴀʀᴀsᴀ ᴍᴜᴋᴜ sʜ.

*fαδῖlα αlῖϒῠ ϻῠsα (ϻα δῖlαlα ) αshα kαrαtῠ lαfῖϒα ❤*

*P⃠age➡18*

     Ya fara dube-dube yana lalube-laluben aljihu kamar wanda yayi wata gagarumar ajjiya ganin yana yunk'urin mik'ewa yasa Nusaiba saurin matsawa kusa da shi tare da fad'in "yi a hankali yaya me kake nema?" sai a lokacin ma ya lura da ita bin ta yayi da kallo yaga Hajjiyar su zaune a gefe guda, zuciyar sa babu abinda take sak'awa face zancen Zarah yana kallonsu yana ayyana cewa dama ace Zarah tana wannan wajen, murna da farin ciki har da addu'o'in godiya ga Allah da Najib ya farfad'o Hajjiya Karima tayi dai-dai lokacin da Aamir yake k'ok'arin shigowa hannunsa ruk'e da kular abinci yayi matuk'ar murna da farin cikin ganin Najib ya farfad'o k'arasawa yayi ya gaida Hajjiya Karima sannan suka gaisa da Nusaiba kai tsaye wajen abokinsa ya k'arasa shima suka gaisa da shi, a hankali Najib yake amsawa tare da cewa "kaga waya ta kuwa?" mamaki ne yayi matuk'ar kama Aamir kai da kake cikin wannan hali me kuma zaka yi da waya? Allah sa dai ba waccen yarinyar Zarah zaka kira ba, Cikin zuciyarsa ya runk'a sak'a hakan. ganin yana dad'a tambayarsa yasa dole ya amsa masa cewa "wayar ka ai tana gida ba mu tawo da ita ba, zaka yi amfani da wayar ne?" shuru Najib kawai yayi be ce komai ba Hajjiyarsa ce ta tashi ta matsa kusa da shi tare da k'ara yin godiya ga Allah daya farfad'o mata da d'anta tayi masa sannu a hankali yake amsawa dan ran sa a b'ace yake babban takaicin sa ma da ya duba bega wayarsa ba balle ya dad'a gwada kiran Zarah, haka dai suka zauna a asibitin suna kula da Najib.
__________________★
   Su Zarah kuwa basu gama tunanin hanyar da zasu bi dan shawo kan matsalar ba sai jin shigowar Yesmin suka ji cikin d'akin tare da jiyo shewar isowar babban yaya da sauri Zarah tace "Ya imran ya dawo ne?" Yesmin na k'ok'arin bud'e jakar kayanta tace "ga shi can yanzun nan ya shigo nima kayana zan canja" mik'ewa tsaye Zarah tayi tare da saka shewa "Tawo muma muje kar ayi ba mu" mik'ewa jamila itama tayi suka yi waje tare suna zuwa falo suka tarar gida ya hautsine da hayaniya da kuma shewar isowar Imran sai ka ce wanda ya baro wata k'asa, walima ce wadda Hajjiya Usaina ta shirya ta musamman dan murnar dawowar d'an nata duk da cewa ba duk-kanin 'yan uwa da abokan arzik'i ta gayyata ba hakan ma gidan ba laifi an hallara da dama haka falon ya cika da hayaniya tare da yi wa Imran maraba da isowa, murna duk ta cika masa zuciya musamman yadda yaga kowa cikin nishad'i waje aka bashi na musamman ya zauna, mamaki ne ya cika zuciyar su Zarah ganin yadda aka dad'a gyara wajen suna ciki ba su jiyo alama ba matsar da kujerun aka yi gefe guda, wasu daddumai aka shinfid'a manya-manya aka bi kowanne dadduma aka jera kayayyakin abinci iri-iri da abin sha kala-kala wanda yawansa ya kai kowa ya samu har ma a rage banda k'amshi babu abinda ke tashi, k'arasawa su Zarah suka yi inda Imran yake suna yi masa maraba, shi kuwa tunda yaga Jamila yaji wani abu ya cake masa zuciya yaci gaba da satar kallonta yana magana yayin da ita kuma jamila take kallon sauran mutanen wajen ba tare data lura da irin kallon da yake yi mata ba, sai da aka yi addu'o'i sannan kowa ya samu damar fara cin abubuwan da aka ajjiye, Yesmin ce ta fito daga d'aki sanye da wata tsaleliyar shadda lemon green ta alfarma wadda aka yi mata d'inkin doguwar riga na gani na fad'a, tunda ta fito mutanen wajen ke tsokanarta tana dariya daga bisani kuma kowa ya maida hankalinsa ga kayayyakin abincin dake gabansa, cikin salon taku Yesmin take tafiya ta k'arasa inda Ya Imran yake zaune tana rawar jiki ta gaishe shi ya amsa sannan tace "Ya Imran sannu da zuwa" kallonta yayi sosai "Inyee k'anwata kwalliyar tayi miki kyau" tana murna tace "Nagode Ya Imran, ga abincinka akan dining kazo kaci" murmushi yayi yace "yanzu ba zan iya cin abinci ba k'anwata sabida gajiya dole sai na d'an huta tukunna sai na ci" wani farin ciki ne ya ziyarci zuciyar Yesmin dan ba tada wani buri daya wuce na son ganin Ya Imran, a shagwab'ance ta kuma cewa "amma dai ya Imran ko ruwa ne ai ka sha" murmushi ya kuma yi "in na huta k'anwata duk zan sha" nemar waje tayi kusa da shi ta zauna, su Zarah kuwa na zaune kan wata kujera suna tattaunawa duk zaman da Imran yake yana yi yana satar kallon Jmila, yayin da ita kuma suke hira da Zarah tana murmushi, Hajjiya ce tayi magana "ku ba zaku zuba abincin ku ci ba?" kafin Zarah tayi magana tuni Yesmin tayi "mu tare zamu ci da Ya Imran" sauran jama'ar dake wajen suka ce "ai fa yaya ya dawo dole sai d'igimi" dariya yayi ganin yanda suke ta nan nan da shi kamar wani bak'o. Sai da ya huta sosai har mutanen da suka zo suka fara tafiya, itama Hajjiya Saratu tuni ta tafi sabida gudun kaiwa yamma. kai tsaye imran sashin sa ya nufa ya shiga toilet dan watsa ruwa bayan ya fito ne ya samu kaya masu kyau ya saka su ya feshe jikinsa da turare sannan ya dawo  falo. Ba laifi walima tayi kowa yaci ya sha masu tafiya da shi sun zuba abinsu a leda sun tafi da shi, sauran mutanen da suka rage kuwa mak'ota ne wanda suka tsaya gyara gida tare da Hajjiya Usaina. Su Zarah da Jamila ne suka fara zama kan dining, itama Yesmin zama tayi a dining d'in bayan da Ya Imran ya iso falon wucewa yayi dining area inda ya zauna kan kujerar dake kallon kujerar Jamila tunda ya zauna yake kallonta, sai dai har yanzu ita bata san ma yana yi ba. tayi yunk'urin kai cokalin abinci bakinta keda wuya idanuwanta suka yi arba da idon Imran kanta, dai-dai lokacin da shi ma yake k'ok'arin kai cokalin farko bakinsa, Kallon kallo suka runk'a yiwa juna ba tare da kowannensu yace k'ala ba, sai da suka d'an d'auki wasu 'yan dak'ik'u suna kallon junansu ba tare da sun k'iftawa juna ido ba, nan take wasu sak'onni suka fara kai kawo a cikin jikinsu duk wannan abun da yake faruwa a idon Yesmin hakan ke faruwa tun lokacin da idanuwanta suka yi arba da su, yana yin fuskarta ya sauya, tayi kicin-kicin ta b'ata rai ta dire cokalin dake hannun ta, ta tsura musu ido takaici duk yabi ya cika mata zuciya ganin sun kasa dawowa hayyacinsu yasa ta fusata ta mik'e da sauri ta wuce d'aki jin motsin tashin Yesmin yasa su dawowa hayyacin su, da sauri jamila ta kawar da kallonta daga gare shi,kasa kai abincin bakinta tayi ta mayar da cokalin kan plate d'in sabida matsanan ciyar kunya data lullub'eta ji take tsigar jikinta na tashi, murmushi Imran yayi ganin kamar abinda yake ji itama shi take ji, duk wannan abun da yake faruwa Zarah bata kula da komai ba sai tashin Yesmin data gani kawai, Mommy ce ta k'araso falo d'aukar wasu ragowar plate d'in da ba'a wanke ba dai-dai lokacin da Yesmin ta fito fuskarta babu alamar ko walwala tare da ita hannunta d'auke da jakar kayanta cikin mamaki Hajjiya Usaina ta kalle ta "lafiya Yesmin naga kin d'auko kaya kamar kina shirin tafiya?" bata ce k'ala ba tana tsaye tana wuci Hajjiya ta sake magana "da ke nake kinyi shuru, wani abun akai miki?"duk wannan maganar da Hajjiya takewa Yesmin su Zarah na lure da su. Zarah ce tayi magana "meya faru? ba magana ake miki ba?" Imran ne yayi caraf yace "ku bi mun k'anwata a hankali, zo ki fad'a mun meya faru, waya tab'an ke?" wani bak'in ciki ne ya tokare mata k'ahon zuci musamman in ta dad'a tuno abinda ya faru tsakaninsa da Jamila ji take duk ta tsani Jamilar har yanzu bata yi magana ba, suna cikin wannan hali ne kuma suka jiyo sallama____________

*💅🏻B⃠ıɠ ɠąι ¢ɛ✍🏻*