BAK'AR GUGUWA

Chapter 28

*B̆ĂK̆'ĂR̆🤦🏻‍♀ĞŬĞŬW̆Ă*
🧶🧶🧶🧶🧶
       🧶🧶🧶🧶
   🧶🧶🧶
           🧶🧶
             🧶

S⃠t̾o̾r̾y̾ & W⃠r̾i̾t̾t̾e̾n̾
         *ცყ:✍🏻*
R⃠αвí'αt ѕвѕ
         *(ცıɠ ɠąι)*

*©-Aɴᴀ ᴛᴀʀᴇ Wʀɪᴛᴇʀs Assᴏᴄɪᴀᴛɪᴏɴ ✍🏻*
(wє ѧяє ṭһє ɞєśṭ ѧṃȏṅɢ ѧʟʟ wяıṭєяś)📚
https://m.facebook.com/Anatarewritersassocian/

Gaιѕυwa gareĸυ мaĸaranтa wannan lιттaғιn ιna ganιn ѕaĸ'on ĸυ, nagode.
*ѕannυ da qoqarι aтĸ*

*fαδῖlα αlῖϒῠ ϻῠsα (ϻα δῖlαlα ) αshα kαrαtῠ lαfῖϒα ❤*

*P⃠age➡28*

       Farin ciki ne ya ziyarci zuciyarta ji take tamkar mafarki take mamaki ne duk ya cika mata zuciya, sai dai har kawo i-yanzu jin hakan take kamar ba gaske ba, ta k'ara maida kallonta gare shi yayin da shi ma nasa idon suka yi cozali da nata idon, cikin tsananin mamaki ta kuma magana "dan Allah idan wasa kake mun ka daina, kana so kace mun kaine Najib d'in da muke waya da kai, ko kuwa wani Najib d'inne daban wanda ban san shi ba?" Cikin salo na burgewa yayi murmushi wanda yasa itama tayi murmushin ba tare data san ta yi shi ba, yayi k'asa kad'an da murya sannan yace "ba zan tab'ai miki k'aryaba baby na wallahi nine Najib d'inki wanda kike so kuma yake sonki har k'arshen rayuwa, me yasa kike wannan tunanin? ko dan ban zo miki da abokina Aamir ba ne shiyasa baki yarda ba?, Nayi zaman jiran sak'onki domin ki bani damar zuwa gareki gudun kada nazo na riskeki kina fushi da ni, bana so na k'ara sa miki wata damuwar cikin ranki, amma ban samu wani sak'onki d'aya shigo wayata ba wanda yake nuni da bani damar zuwa gareki" ta k'ara kafe shi da wani irin kallo wanda har ya ratsa cikin jikinsa yayin da shima ya tsureta da kallo yana kuma kallon surar jikinta tare da manyan fararen idanuwanta wanda suke kawo masa barazana cikin jikinsa a duk sa'ar da yayi arba da su, ya ci gaba da bata labarin abinda ya faru gare shi, "na kwanta a asibity har tsawon sati guda, a kullum burina shi ne naga kiranki amma ban samu hakan ba sakamakon wayar a gida muka barta wanda lokacin da muka baro gida ciwon cikina ya tsananta banyi tunanin waya ba sai bud'e ido nayi na ganni a gadon asibity wannan dalilin yasa na rasa wayar kiranki, bayan mun dawo na tarar da wayar a kashe babu chargy daga Nan ne na samu na jona, jiya ina zaune ina jiran naga kiranki ya shigo amma ban gani ba balle kuma sak'on da zai bani damar zuwa gareki, da zarar nayi k'ok'arin kiranki sai na fasa gudun abinda zaije yazo. Bayan na rabu da abokina Aamir a lokacin naga sak'onki ya shigo wayata ban tsaya jiran komai ba na k'ara so har gidan ku daman na fad'a miki cewa na ruga dana san gidanku dan na dad'e da saninki kece dai baki sanni ba".  Dogon numfashi Zarah taja sai a lokacin ta dad'a gane kuskuran data aikata, tausayin sa duk yabi ya cika ta, tayi data sanin aikata abinda ta aikata masa, hak'ik'a ta cutar da zuciyarsa, yaci gaba da bata labarin abubuwan da suka faru bayan rabuwarsu, Zarah ta tausaya masa ainun ta kuma gane cewa duk wani laifi nata ne ba nasa ba, sabida ba tare da yin bunciken komai ba ta zarge shi akan abinda be san da shi ba, cikin siririyar muryarta tace da shi "kayi hak'uri Najib ka yafe mun domin nice na aikata maka laifi ba wai kaine kayi mun laifin ba" duk ta kwashe labarin abubuwan da suka faru tun daga farkon sanda Sagir ya fara zuwa gurinta har abubuwan da suka faru akanta na tunaninsa da kuma sauraren kiransa duk ta kwashe ta fad'a masa shima ya tausaya mata kwarai da gaske ya Kuma shaida mata cewa ta kwantar da hankalinta tunda yanzu dai komai yayi dai-dai muddin suna numfashi sai sun auri junansu, murna da farin ciki ba'a cewa komai a wajen Zarah sai satar kallonsa take tana murmushi shima Kuma satar kallonta yake yana murmushi kamar ance kowannen su ya d'ago suka had'a ido suna kallon juna ganin hakan suka k'ara yin murmushi. Zarah ce ta kuma tambayarsa cewar taya akai mahaifinta ya sanshi? A ina suka had'u? Najib yayi dariya kafin yace "Tun a jiya na fara sanin mahaifinki lokacin dana zo na aika a kiraki shuru baki fito ba Ina ta jira nama zata laifin da nayi ne yasa kika k'i fitowa" yana fad'ar hakan da sauri Zarah ta saka d'an yatsanta kan bakinta tayi nuni alamar yayi shuru, cikin salon shagwab'a tace "Amma dai kasan komai ya wuce ko?, Sai kuma ka runk'a cewa kayi min laifi" Najib ba dai fara'a ba, dariya yayi yace "naji to na daina ba zan sake fad'a ba" yaci gaba da bata labari "Ina ta jira kamar na wuce na tafi wata zuciyar tace mun na tsaya sai naci gaba da zaman jira can sai naga wani babban mutum ya fito daga ciki da alama shi ne mai gidan dan naga yana waya, nan na gane cewa mahaifinki ne bayan ya gama wayar ne kuma ya k'araso wajen da nake tsaye na durk'usa har k'asa na gaishe shi ya amsa mun cikin mutuntawa, bayan wasu 'yan tambayoyi da yayi mun na bashi amsarsu ne sai kuma ya umarce ni dana dawo yau dai-dai wannan lokaci, shi ne na dawo".
     Zarah ta kuma jan dogon numfashi kafin tace "Allah na gode maka daka bani mallakin rayuwata, da ace ba kai bane ban san yadda zanyi da rayuwata ba ka sani kaine na yiwa tanadin kaina ba wani ba" cikin salo na burgewa ya runk'a magana muryarsa me ratsa zuciya irin wadda me makaratu in yaji ba zai gaji da jin irinta ba yace "insha Allahu kece uwar 'ya'yana, da ace ban same ki ba dana rasa rayuwata fatana Allah ya bar mu tare har k'arshen rayuwar mu, Ina sonki Zarah fiye da yadda nake son kaina" nan dai suka lula duniyar soyayya suka runk'a yiwa juna kalamai kala-kala na burgewa da saka nishad'i.
__________________★
    Haj.Usaina kuwa tunda Zarah ta futa gabanta yake ta fad'uwa tsoronta d'aya kada ace Nauman ne, har Alhaji ya shiga sashin sa yayi wanka yaci abinci Haj.Usaina na zaune a falo hankalinta be dawo jikinta ba tana can duniyar tunani, shurun da taji yayi yawa na Zarah bata dawo ba ya k'ara tada mata hankali ji take kamar ta d'au mayafi ta futa taga abinda yake faruwa da Zarah addu'arta d'aya na Allah yasa Zarah ba zubewa k'asa tayi ta sume ba, tana zaune a falo tana wannan tunani Alhaji ya fito ya sameta zaune tayi tagumi da hannunta, yayin da shima ya nemi waje ya zauna ba tare da yace da ita komai ba, ya jawo remote d'in TV'n da take kunne ya canja tasha daga film d'in da suke kallo zuwa tashar labarai, yaci gaba da saurara.
     Kasa shuru Haj.Usaina tayi sai da tace da Alhaji "baka ganin wani abu be sami yarinyar nan ba kuwa?" Alhaji kabeer yace "kamar me fa?" Haj.Usaina taja numfashi kafin tace "wajen yaron daka turata mana, kana ganin fa abinda ya faru da ita jiya, baka tunanin ya dad'a faruwa da ita sabida ganin wanda bata so da zata yi? Nifa na tsorata, Alhaji ka runk'a tunani mana kafin ka yanke hukunci, gaskiya hakan be dace ba, shuru kake ji kamar an shuka dusa ba ita ba labarinta, ni dai gaskiya sai na futa naje na duba halin da take ciki, tunda daman Kai baka jin komai in wani abu ya sameta" shuru Alhaj. Kabeer yayi dai-dai lokacin da Zarah ta shigo tana sunkui da kai fuskarta cike-da annuri ba kamar yadda ta futa ranta a b'ace ba, sai fara'a take tana k'unshe kai kamar wata sabuwar amarya, tafe take tana sand'a kamar wadda bata son taka k'asa sabida tsananin kunya da take ji, ita kuwa Haj.Usaina fuskarta cike da mamaki take kallon Zarah ta saki baki tana kallon yadda take tafiya, a hankali Zarah ta runk'a tafiya har ta k'araso inda mahaifinta yake zaune ta durk'usa gaban sa tace "Abbah wai zai iya tafiya ko ya jiraka?" Cikin fara'a da walwala gami da nishad'i Alh.Kabeer yace "kice zan neme shi tunda yanzu dare yayi yaje gida kawai" Zarah na walwala ta mik'e ta tafi. Mamaki ya k'ara kama Haj.Usaina yushe aka yi haka? Me yake faruwa ne? Nan dai tace da shi "Dan Allah ka sanar dani abinda yake faruwa, me yake faruwa? shi waye yazo wajen nata?' sai a lokacin Alh.kabeer yayi dariya sannan yace shi ne saurayin da take baki labarinsa" cikin rashin fahimta Haj.Usaina ta kuma kallonsa "ban gane ba, kai taya ka sanshi? a Ina ka nemo shi?" Tambayoyi ukun data jerowa Alh.Kabeer kenan wanda yasa shi sake yin dariya, nan Alhaji ya kwashe labari ya zayyane mata tun daga farkon sanda ya futa lokacin da yaje tarar doctor Shu'aib har ya tattauna da Najib d'in inda ya gane shi ne masoyinta data ke so, har kuma ya bashi damar dawowa duk ya kwashe labari ya b'ata, murna ba'a cewa komai wajen Haj. Usaina taji dad'i ta kuma yi farin ciki da jin hakan, a yanzu ne ta dad'a gane cewa d'iyarta ba auren dole za'a yi mata ba, tace "ni jiya ai na manta da wani wanda ya aiko kiranta sabida halin da take ciki, ikon Allah ashe Alhaji futar da kayi kaci karo da shi, ai daka sanar mun, shi ne ka barni inata surutai ni kad'ai" tana dariya tana maganar duk murna ce ta cika mata zuciya wadda tasa ta wannan surutan, nan dai Alhaji ya runk'a tsokanarta tana dariya.
      A daren wannan rana Zarah bata iya runtsawa ba sabida farin ciki kwana suka yi suna waya da Najib ba tare da bacci yazo idon kowannen su ba, har sai da aka kirayi sallar asubha tukunna suka katse wayar, Zarah ta mik'e tayi sallah tare da addu'o'in godiya ga Allah da ya had'a su da juna sannan ta hau gado ta fara bacci.
__________________★
    Da sassafe misalin k'arfe bakwai suka jiyo sallamar Safiya tafe take tana wasu k'ananan magan-ganu, Haj.Usaina dake cikin kitchen bata saurareta ba tayi kunnen uwar shegu kamar bata ji sallamar da tayi ba, ba komai ne yasa tayi hakan ba face gudun kada ta furta kalmar da zata b'ata mata rai k'arshe tata tafi zafi. Har ta k'araso falo bata ji wani ya fito ya amsa mata ba, ganin hakan yasa Haj.Usaina saurin kunna radio'n wayarta, sallama take amma shuru, har sai da Alhaji ya fito da kansa ya amsawa Safiya sallamar da take, tun kan ya samu waje ya zauna ya fara kwalawa Haj.Usaina kira tayi kamar bata ji shi ba taci gaba da had'a musu breakfast d'in da take, har kitchen d'in ya k'arasa nan ya tarar da radio kunne tukunna yace "ana ta sallama baki ji ba kin kunna radio" sai a lokacin tayi magana "lah! Alhaji banji ba yi hak'uri radio ce a kunne wa yake sallama haka da sassafe?" Alhaji yace "yaya Safiya ce , maza ki fito" Haj.Usaina tayi kamar bata san tazo ba sai a lokacin, tana futa falo tace "Ah! Lale marhabun yaya kece kike tafe?" Wata muguwar harara ta dokawa Haj.Usaina tare da ce mata "munafuka duk wani kissa da salo na girme miki na dameki a komai" Haj.Usaina tace "yaya me kike nufi dan Allah?" Cikin rashin fahimta Alhaji yake kallonsu ganin hakan yasa Alhaji saurin yin magana "duk ba wannan ba kamata yayi yaya ki zauna a kawo miki breakfast ki samu ki ci sai naji abinda ke tafe da ke" samun waje yayi ya zauna tare da yi mata nuni da wajen zama, Haj.Usaina kuwa komawa kitchen tayi bayan da tace "Alhaji bari naje naji kamar yana kamawa na d'ora abu akan wuta" yace taje ta duba, ita kuwa gogar taku Safiya koda ta zauna masifa ha tau Alhaji da shi ta inda ta shiga ba tanan take futa ba, cikin zafin zuciya take maganar cewar "ka bar yarinya tana abinda taga dama, daga ita har Mahaifiyar tata, menene aibun yarona da bata sonsa?, Har da zaizo wajenta ta runk'a hulak'anta shi? Menene amfanin ayi auren da ba'asalin asalin mutum ba? Ba shida amfani burun kowa ya aurawa yarinyarsa ko yaronsa d'an uwa na jini tunda shi aka san asalinsa" Alhaji yace "abinda ya kawo ki kenan? To ni ban san wani yaron wajenki da yake zuwa wajen 'yata ba banda labarinsa zancen kuma auren zumunci da kike magana akai ke na zumuncin akai miki? Ko kuwa ni na zumuncin akai mun? To ko a lokacin mu an bawa kowa damar ya zab'i wadda yake so haka kema kin zab'i wanda kike so dan haka ba zan tab'a yiwa yarinyata auren dole ba muddin bata son mutum, idan kuwa tana sonsa fani'iman" yana zuwa dai-dai nan a zancensa tayi caraf tace "idan kuwa haka ne Zarah tana son Nauman tun ba yanzu ba kuma ka sani iyayen mu tun kan su rasu sun bada wasiyar cewa kada d'ayan mu ya guji d'an uwansa sannan sun bada wasiyar mu ruk'e zumuncin mu" jin hakan yasa Alhaji saurin cewa "fad'ar hakan ba yana nufin a k'ulla auratayya tsakanin yara ba,kuma zancen suna son junansu yanzu fa kika gama fad'a da bakinki cewa bata sonsa tana wulak'anta shi yanzu Kuma kin dawo kince tana sonsa, bari kiji yaya wannan maganar ba me yuwa bace domin na ruga da na yiwa Zarah miji dan Allah mubar maganar mu shiga wata" ranta a b'ace ta hau kuka ta mik'e tana cewa "shikkenan sabida kana da kud'i ni bani da shi ban isa nace ga abinda zaka yi ba kayi, matsayina na yayarka kaine ka zama sama da ni, ba komai" ta wuce ta futa tana ta faman kuka Alhaji yana fad'in "ni me nayi Kuma haka yaya, maganace kika fad'e ta na fad'a miki" ganin bata saurare shi ba yasa ya mik'e da sauri ya bita a baya tak'i saurarensa har suka isa bakin gate bata saurare shi ba lokacin me gadi yana cikin d'akinsa amma yana jiyo sautun maganar su, babu yadda Alhaji beyi ta tsaya ta saurare shi ba amma tak'i saurararsa ta fuce tayi gaba, ala dole ya kyale ta ya dawo ciki ya zauna yana tunani.___________

*💅🏻B⃠ıɠ ɠąι ¢ɛ✍🏻*