BAK'AR GUGUWA

Chapter 27

*B̆ĂK̆'ĂR̆🤦🏻‍♀ĞŬĞŬW̆Ă*
🧶🧶🧶🧶🧶
       🧶🧶🧶🧶
   🧶🧶🧶
           🧶🧶
             🧶

S⃠t̾o̾r̾y̾ & W⃠r̾i̾t̾t̾e̾n̾
         *ცყ:✍🏻*
R⃠αвí'αt ѕвѕ
         *(ცıɠ ɠąι)*

*©-Aɴᴀ ᴛᴀʀᴇ Wʀɪᴛᴇʀs Assᴏᴄɪᴀᴛɪᴏɴ ✍🏻*
(wє ѧяє ṭһє ɞєśṭ ѧṃȏṅɢ ѧʟʟ wяıṭєяś)📚
https://mobile.facebook.com/Anatarewritersassocian/

Gaιѕυwa gareĸυ мaĸaranтa wannan lιттaғιn ιna ganιn ѕaĸ'on ĸυ, nagode.
*ѕannυ da qoqarι aтĸ*

*fαδῖlα αlῖϒῠ ϻῠsα (ϻα δῖlαlα ) αshα kαrαtῠ lαfῖϒα ❤*

*P⃠age➡27*

       Wani kyakkyawan saurayi, wanda kyawunsa ya wuce a kwatanta, fari ne,dogo, me matsakaicin baki, yana da yawan gashin gira, da manyan idanu, fuskarsa ba doguwa ba,kuma ba gajeriya ba, ba shida kauri kuma ba siriri bane, ga duk wanda ya ganshi yasan ya had'u ba sai an rantse ba. Matashi ne d'an gayu na ajin k'arshe daga yanayin yadda kallonsa yake zaka gane cewa saurayin ya gaji da had'uwa. Saurayi ne na nunawa a ko ina da ganin fatar jikinsa kasan yana hutawa. Kallon da yake ne ya tsayar mata da tunani har ta kasa cewa da shi komai dan ya gama tafiya da tunaninta gaba d'aya ta tsure shi da ido tana kallon yanayin shigar da yayi, shadda ce coffee colour d'inkin dai-dai jikinsa wadda tsayinta bata wuce gwiwarsa ba sai kuma dogon wando wanda akayi da shaddar, wata hula coffee colour ya kawo ya d'ora, sajen da ya biyo gefen fuskarsa shi ya dad'a k'ara fito da kyawun halittarsa, sai bak'in agogo da ya d'aura a hannunsa, takalmi bak'i ya saka, sosai yayi kyau kamar bak'on balarabe ita kanta tasan babu wani makusa ko aibu tattare da shi, take taji dama ya zamo mallakinta da sauri ta kawar da wannan tunani dan tasan akwai wanda ta yiwa tanadin zuciyar ta. Tunda ya hangota yake kallonta har sai da ta k'arasa inda yake tsaye sallama ta fara yi masa sannan ta kauda kallonta daga kansa gudun kada ya gane ya burgeta, murmushi yayi ya amsa a hankali cikin sanyayyiyar muryarsa me kwantar da zuciya yayi magana, bata san lokacin data juya ta kalle shi ba take suka had'a ido, da sauri ta kuma kawar da nata kallon daga gare shi gudun kada ya rainata ko yaji ya tafi da zuciyarta, sai dai ita kanta tana ji har a cikin jikinta tana sonsa irin son da takewa Najib sai dai ba yadda ta iya  da zuciyarta tunda ta yi mata alk'awari. Murmushi yayi yaci gaba da kallonta ba tare da tace masa komai ba shima Kuma bece mata ba, bayan sunyi shuru na 'yan wasu dak'ik'u daga bisani kuma tace "ya kamata kayi sauri ka fad'i abinda ya kawoka wajena domin ni ina da abin yi, mahaifina kad'ai ya sanka ya kuma bani umarnin na fito wajenka, kasani cewa umarnin sa nabi har na fito har kuma ka samu damar ganina, mutum d'aya ne tak! Wanda zan iya fitowa dominsa domin shi na yiwa tanadin mallakar kaina" murmushi yayi me ratsa zuciya wanda har sai da taji a cikin jikinta, yana kallon yadda labban bakinta yake motsawa hak'ik'a muryarta akwai dad'i yana jin dad'in yadda take magana muryarta tana masa dad'i cikin kunnuwansa, sosai ya kuma kallonta  sannan ya dad'a saukar da murya k'asa yace "hak'ik'a kyawunki ya wuce a kwatanta, haka kuma muryarki tafi sarewa zak'i da dad'i musamman a zahiri ba a bad'ini ba" cikin mamaki ta dube shi, a ranta tace me yake nufi da hakan? Bata furta zancen da zuciyarta take sak'awa ba yaci gaba da magana "Zarah ina fatan wannan ranar ta zamo ranar farin cikin a gareki ya zamo kuma ranar yafiya ga wanda ya b'ata miki" cikin rashin fahimta take saurarensa dan bata fahimci inda zancen ya dosa ba, sautin muryarsa kad'ai take saurara ita take dad'a ratsa cikin jikinta a hankali ta k'ara kallonsa bata san lokacin da tace "me kake nufi da hakan?" Cikin tsoro da fargabar abinda zaije yazo ya runk'a magana "nasan kina fushi da ni Zarah alhalin ban san laifin da nayi miki ba, duk da cewa nima Ina da laifi dan ban tab'a bayyana miki kaina ba sai a yanzu" zaro idanuwanta tayi sosai ta fidda kwayar idanuwanta ta tsure shi da kallo, zuciyarta cike da tsoro da kuma fargaba abinda take tunani take kallonsa,tun kan ta furta abinda zuciyarta take shirin furtawa taji yace "gimbiya Zarah a yau itace ranar da Najib d'inki ya kasance tare da ke da fatan zaki yafe mun rashin bayyana kaina da banyi da wuri ba".___________

*KU D'AN TAB'A DA WANNAN, KAFIN NA SAMI LAFIYA NA CI MUKU GABA*

*💅🏻B⃠ıɠ ɠąι ¢ɛ✍🏻*