BAK'AR GUGUWA

Chapter 21

*B̆ĂK̆'ĂR̆🤦🏻‍♀ĞŬĞŬW̆Ă*
🧶🧶🧶🧶🧶
       🧶🧶🧶🧶
   🧶🧶🧶
           🧶🧶
             🧶

S⃠t̾o̾r̾y̾ & W⃠r̾i̾t̾t̾e̾n̾
         *ცყ:✍🏻*
R⃠αвí'αt ѕвѕ
         *(ცıɠ ɠąι)*

*©-Aɴᴀ ᴛᴀʀᴇ Wʀɪᴛᴇʀs Assᴏᴄɪᴀᴛɪᴏɴ ✍🏻*
(wє ѧяє ṭһє ɞєśṭ ѧṃȏṅɢ ѧʟʟ wяıṭєяś)📚
https://mobile.facebook.com/Anatarewritersassocian/

*ɪɴᴀ ʏɪɴᴋᴜ ᴍᴀᴋᴀʀᴀɴᴛᴀ ʟɪᴛᴛᴀғɪɴ ʙᴀᴋ'ᴀʀ ɢᴜɢᴜᴡᴀ, ᴋᴜᴄɪ ɢᴀʙᴀ ᴅᴀ ʜᴀᴋ'ᴜʀɪɴ ʀᴀsʜɪɴ ᴄɪɢᴀʙᴀ ᴅᴀ ᴡᴜʀɪ ɪɴᴀ ɢᴀɴɪɴ sᴀᴋ'ᴏɴ ɴɪɴᴋᴜ ɴᴀɢᴏᴅᴇ.*

_ᴊɪɴᴊɪɴᴀ ɢᴀʀᴇᴋᴀ ʜᴀssᴀɴ ᴛᴀɴᴋᴏ ʙɪsᴀ ɴᴀᴍɪᴊɪɴ ᴋ'ᴏᴋ'ᴀʀɪɴ ᴅᴀ ᴋᴀᴋᴇ ɴᴀ ᴘᴏsᴛɪɴɢ👍🏻ᴀʟʟᴀʜ ᴋ'ᴀʀᴀ ʟᴀғɪʏᴀ._

*fαδῖlα αlῖϒῠ ϻῠsα (ϻα δῖlαlα ) αshα kαrαtῠ lαfῖϒα ❤*

*P⃠age➡21*

     "Mommy ni fa babu abinda yake tsakanina da ya Nauman" cikin rud'ani da rashin fahimta Hajjiya Usaina take kallonta, Zarah ta ci gaba da magana "kuma ni ban san wani Sagir ba, kum... " tun kan ta k'arasa maganar da take k'ok'arin furtawa Hajjiya Usaina ta katse ta da cewa "ke dakata! Karki maida ni k'aramar yarinya mana wadda bata san me take ba, kullum kina cikin k'unci idan na tambaye ki kice babu komai shi ne yanzu ma kike son maida ni sha-sha-sha? Har yaushe kika zo duniyar da zaki nunan kin fini saninta? Ko kin manta da cewar ni na haifeki? to idan kin manta yanzu ni na tuna miki. Bari kinji na fad'a miki duk wani shige da ficen da kike na sani na kuma san me kike" da sauri Zarah ta d'ago kanta ta kalli Mummy cikin tsananin mamaki tare da taraddadin kada ace mummy tasan komai tsakaninta da Sagir zuciyarta cike da fargabar abinda zai je ya zo yayin da Hajjiya usaina taci gaba da magana "Naji idan ma babu abinda ke tsakaninki da Sagir shi kuma Nauman fa? duk sintirin da yake wajanki cewa kike ban sani ba ko kuwa ni makauniyace da ban san komai ba, kina tunanin ba zan gane ba ko?" ajjiyar zuciya Zarah ta saki kad'an Hajjiya taci gaba da magana "sauna kika maida ni? Har da Zaki wani ce kefa babu abinda yake tsakaninki da shi? Idan babu komai tsakaninku  me yake kawo shi wajen ki, Alhanin da can ba zuwa yake ba?" Wani masifaffen zafi ta runk'a ji daga can cikin k'irjinta ji take kamar zuciyarta zata fashe me yasa mommy ta kasa fahimtata? Zuciyarta ke sak'a mata hakan ji take kamar tace ba haka bane sai dai ba zata iya ba, zuciyarta taci gaba da raya mata cewa Mummy ta kasa fahimta ta da ace zata saurare ni dana yi mata bayanin komai, me yasa ba zata tambaye ni ba? To ma idan ta tambayeni zan iya fad'a mata komai?. Ganin tayi shuru bata ce k'ala ba yasa Hajjiya Usaina ci gaba da maganar da take tare da saukar da murya k'asa "ni ba zuwa nayi dan wasa ba, nazo ne ki sanar da ni wanda kike so idan ma wani abun ne ya shiga tsakaninku kike b'oyewa sai kiyi magana asan yadda za'a gyara matsalar ba wai ki zauna cikin k'unci ba" Hajjiya na fad'ar  hakan Zarah ta d'ago da sauri ta kalleta bata san lokacin da kwalla ta fara gangarowa kan kuncin ta ba ta rasa me yasa Hajjiya ta kasa fahimtar cewa ba Nauman bane?,  tayi k'asa da kanta na ba yadda zata yi taci gaba da sauraren Hajjiya yayin da zuciyarta take ci gaba da sak'a mata wasu abubuwan da bata fatan faruwarsu, ba komai ne yasa ta zubda kwalla ba face tuna abinda ya shiga tsakaninta da Najib gashi kuma basu sasanta ba balle ta gabatar da shi yanzu" taci gaba da kukan takaici Hajjiya ta k'ara da cewa "ki fad'a mun wanda kike so cikinsu domin kuwa mahaifinki ya gaji da zaryar da ake wajenki idan kuma ni ba zaki iya sanar da ni ba, shi kya sanar masa" da sauri ta sake d'ago fuskar da ta cika da kwalla ta kalli Hajjiya tana k'ok'arin sharewa cikin muryar kuka tace "wallahi mommy duk cikin su babu wanda nake so" mamaki ne ya k'ara kama Hajjiya Usaina cikin rashin fahimta tace "ban gane babu wanda kike so ba, kina nufin sansu ne ba kya yi yanzu sabida kinji maganar aure ko kuwa me kike nufi?" shuru Zarah tayi ta kasa magana sai wasu hawaye masu zafi da rad'ad'i da suke kwaranyo mata daga cikin idanuwanta zuwa kan kuncinta, ganin tak'i magana yasa Hajjiya daka mata tsawa tare da fad'in "ba da ke nake ba kinyi shuru kina kuka dukanki nayi?" girgiza kai Zarah tayi alamar a'a sannan Hajjiya ta kuma cewa "ina saurarenki" a hankali Zarah take magana cikin muryar kuka tace "babu wanda muka yi magana da shi cikin su gaisawa  kawai muke" mamaki ne ya k'ara kama Hajjiya Usaina "har shi Nauman d'in da yake zaryar zuwa wajen naki?" da sauri Zarah tace "ba shi bane Mummy" cikin tsananin mamaki Hajjiya Usaina tace "To in ba shi bane wanene,  kuma me yake zuwa yi wajenki?" ba yadda Zarah ta iya ala dole tace "Sagir ne" sosai Hajjiya ta kalle ta sai a lokacin ta gane cewa wanda yake zuwa wajen Zarah ba Nauman bane ashe Sagir ne, ta kuma tambayarta "kika ce babu abinda yake tsakaninki da shi,  sabida kin maida ni abokiyar wasanki ko? To bari ni naje in yaso shi ya tambayeki da kansa" mik'ewa tayi tsaye tana shirin fucewa daga d'akin, da sauri Zarah tace "Dan Allah Mummy karki je, wallahi ni bana sonsa" tausayin Zarah ne ya kama Hajjiya Usaina ganin yadda fuskarta tayi jawur kamar gauta yasa ta dawo ta zauna bayan data d'anyi shuru na 'yan wasu dak'ik'u daga bisa ni tace "ina sauraranki wa kike so? Kin san muddin babu wanda kike so Abban ki zai zab'a miki da kansa ko?" tsaida hawayen da suke k'ok'arin kwaranyo mata tayi, tabbas tasan Abbah zai iya haka sai dai kuma idan tace Najib ne taya zata iya nemo shi har ta kawo musu shi, a ina zata ganshi? To Idan ma ya daina sonta yanzu ya kenan zata yi? Karfa tayi saki reshe kama ganye tak'i sagir tazo ta rasa Najeeb gwara ma Sagir an san inda ya fito,  shi kuwa Najeeb fa?babu wanda ya sanshi balle ace za'aje a bunciko shi, Yanzu me zata ce da Mummy?, zantukan da zuciyarta take ta raya mata kenan, ta ja dogon numfashi sannan ta share hawayen da yake gangaro mata, ganin shurun nata yayi yawa yasa ran Hajjiya Usaina b'aci ta kuma daka mata tsawa "kin yi mun shuru ina tambayarki wanene shi wanda kike so d'in, idan babu kiyi magana mana?" gaban Zarah ne ya yanke ya fad'i a hankali ta fara magana cikin shashshek'ar kuka tace "Mummy Najeeb ne" "waye kuma Najib?,  a ina yake?, menene sana'ar sa?" gabanta ne ya sake yankewa ya fad'i jin tambayoyi ukun da tayi mata a jere wanda ba tada amsarsu, abinda take tsoron ji daga bakin Hajjiya kenan sai gashi kuma ta furtasu. yanzu me zata ce? Ta raya a zuciyarta cewa kodai na fad'a mata gaskiya kawai? Karfa naje na fad'a mata gaskiya ayi watsi da maganarsa wata zuciyar ta  kuma cewa da ita gwara kawai ki fad'a mata duk abinda Allah ya nufa ba tsumi ba dabara idan ba shi ne mijinki ba duk daran dad'ewa ba yadda za'ai ki aure shi, na barwa Allah komai ta fad'a a zuciyarta a hankali ta bud'e baki zata yi magana kenan Hajjiya tace "idan kin gama kunkan kya sanar da ni kinyi wani k'asa da kai kina kuka sai kace wadda aka doka" ta mik'e ta futa, wani farin ciki ne ya ziyarci zuciyar Zarah bata san lokacin da tayi murmushi ba ganin yadda Allah ya tseratar da ita ba tare data furta abinda tayi niyyar furtawa ba. Ita kuwa Hajjiya Usaina kai tsaye sashin Abban Zarah ta nufa inda ta tarrar da shi yana kallon labarai yana ganinta ya d'au remote ya rage volume ta k'arasa kusa da shi ta Zauna "kin tambayeta, ya kuka yi da ita? Murmushi Hajjiya Usaina tayi "na tambayeta ta kuma fad'a mun akwai wanda take so wai sunansa Najeeb" murmushi shima Alhaji kabeer yayi "Alhamdulillah,  a ina yake shi yaron, kuma menene sana'arsa?" "ban tambayeta wannan ba sabida dare yayi naga sai kuka take kamar wadda aka ce lallai za'a daura mata aure da su" cikin mamaki Alhaji yace "kuka kuma?" Hajjiya tace "wai ita bata son su" "shi ne kuma zata yi kuka? Indai bata son su ai ba komai babu me takura mata muddin zata kawo wanda take so d'in kuma gashi ta fad'a tana da shi menene abin damuwa, ai sai dai idan itace tak'i kawowa to sai na zab'a mata da kaina, Nauman ne daman ni kaina ban yadda data aure shi ba dan naji kinyi maganarsa ne yasa nace ki tambayeta in har tana sonsa babu yadda zanyi zan aura mata shi amma ba wai dan ina so ba, dan ba zan tab'a bawa 'yata shi ba sai idan ita take sonsa" shuru Hajjiya tayi tana saurarensa har sai da yazo nan a zancensa sannan tace "kwarai kuwa Alhaji ni kaina tunda ka sanar da ni naji bana k'aunar auransu tare bana kuma fatan tace tana sonsa" murmushi Alhaji yayi yace "in Allah ya kaimu gobe sai ki sanar da ita na bata nan da sati d'aya ta turo shi" Hajjiya tace "Allah ya kaimu lafiya zan fad'a mata" daga nan kuma suka shiga hira.
________________★
   A daren ranar Imran be iya runtsawa ba banda tunanin jamila babu abinda yake zuwar masa cikin kwakwal-warsa, da zarar ya rufe ido da niyyar yin bacci kuwa babu abinda yake gani face siffar jikinta da irin tsarin halittar da Allah yayi mata gami da yanayin yadda kallonta yake murmushinta da iya maganarta ke k'ara rud'ar duk wanda ya ganta. Jamila nada kyau sosai kamar ita tayi kanta,  macece me kyan diri, tana da fad'i kad'an ga kuma tsayi, hancinta dogo, me matsakaicin baki, me manyan idanuwa, chocolate colour ce, tana da nutsuwa da kamala ta kuma san mutuncin manya ga ilimin addini dana boko dai-dai iya bakin gwargwado tana da shi. A kwance yake amma hango tsarin halittatta yake haka ya d'au tsawon lokaci a wannan dare yana wannan tunani daga bisani kuma bacci yayi awon gaba da shi.  Da sassafe Imran ya fito daga sashinsa inda ya shigo falo yana neman Zarah Hajjiyace ta fito ta tare shi "lafiya kake neman Zarah da safe haka?" sosa k'eya fara yi tare da murmushi kafin yace "babu komai Mummy daman wata tsaraba ce na tawowa da Zarah na manta ban bata ba shi ne yanzu na tuna" ba tare da fahimtar komai ba Hajjiya tayi murmushi tace  "banda abinka ai da ka bari ka gama hutawa ka bata kai daka dawo jiya ko baccin gajiya baka yi ba ka taso haka, wato dai har yanzu kana ji da wannan k'awar taka ko?, ita dai nasan bata tashi ba tana d'aki tana bacci bari na kira maka ita" bece komai ba sai dariya da yake yi wucewa tayi zata shiga d'akin kenan ta jiyo wata iriyar k'ara me rikitarwa da sauri ta tura k'ofar d'akin ta shiga ta tarar da Zarah nata fizge-fizge tsorata Hajjiya tayi ta k'arasa inda Zarah take kwance ta tab'a ta a tsorace Zarah ta farka cikin tsananin tsoro ta runk'a janyo innalillahi wa inna ilaihirraji'um da k'arfi itama Hajjiya tsorata tayi ganin yadda Zarah ta firgice a tsorace Hajjiya ta zauna inda take tace "Innalillahi Zarah me ya faru?" sai a sannan Zarah ta bud'e idanuwanta gaba d'aya taja ajjiyar zuciya mai k'arfi ganin Mummy na zaune kusa da ita "wallahi Mummy mafarki nayi na abin tsoro" a firgice Hajjiya tace "yi shuru ba'a fad'a kiyi addu'a duk wani mugun mafarki idan anyi shi shuru ake yi iya kaci ayi addu'a ace Allah ya mayar da shi alkhairi sai kiga ya zama alkhairi" Zarah tace "tom Mummy" Hajjiya tace "ki yi addu'a ki karanta falaqi da nasi k'afa uku-uku da Ayyatul-kursiyyu k'afa bakwai ki tofe jikinki da shi, idan kin gama kizo yayanki yana kiranki" ta kuma cewa "Tom Mummy" fucewa Hajjiya Usaina tayi daga d'akin ta bar Zarah a tsorace tana dube-dube sai da ta gama addu'o'in da Hajjiya ta umarce ta da tayi tukunnah ta fita falo wajen Imran, a tsaye ta tarar da shi kamar wani bak'o kallonsa tayi tace "Ya Imran ai daka zauna ka tsaya a tsaye kamar wani soja koda yake ai sojan ne tunda kaje kayi irin abinda sojojin suke" dariya suka yi duk-kaninsu sannan yace "ke dai bakya rabo da tsokana, kinga duk ba wannan ba zo muje waje kiji, akwai labari" dariya tayi tace "labari? Wane labari ne haka da sassafe?" nuni yayi mata da d'an yatsansa alamar tayi shuru kada Mummy taji murmushi tayi tare da fad'in "ok! Na gane muje" barin falon suka yi suka zagaya ta baya can wajen window'n kitchen sannan suka tsaya yana yi yana dube-dube gudun kada wani yaji me zasu ce sai da ya tabbatar babu kowa a wajen sannan ya fara magana "Yauwa ina wannan k'awar taki?" tunda ya fara magana ta gane me yake son cewa dariya Zarah tayi tana tsokanarsa "lallai Ya Imran ka kamu da son jamila tunda gashi har ka kasa bacci ka kasa danne zuciyarka ka furtan" kallonta yayi yana murmushi tare  da yi mata nuni da hannu alamar tayi k'asa da muryarta kada wani ya jiyo su cikin murya k'asa-k'asa yake magana "eh naji d'in gwara na sanar da wuri ba sai wani ya rugani ba nazo ina dana sani, ki samu ki shawo mun kanta kinji k'anwata, idan har kika yi mun hakan zan baki kyauta mai tsoka" Zarah tace "zan sanar mata nasan ma ba wanda ya ruga amma dai zan tambayeta kasan Hausawa na cewa dai-dan wani karka taccen wani, ni kuma zanyi k'ok'ari ta amince ko dan a bani babbar kyauta" dariyar jin dad'i yayi tare da fad'in "yauwa k'anwata kyautar ki mai tsokace ce" duk kaninsu suka yi dariya duk wannan abun da suke Hajjiya Usaina na kallonsu ta window'n kitchen kuma tana jinsu dariya itama tayi kawai. Daga nan suka wuce suka tafi, tun kan Imran ya k'arasa yaci karo da Abbansu take yaja dogon numfashi fatansa Allah sa dai be jisu ba a tsorace ya durk'usa k'asa kamar mara gaskiya yace "Abbah ina kwana?" "lafiya lau har ka tashi da wuri haka?" sosa k'eya ya runk'a yi yana murmushi Alhaji yaci gaba da magana "ni yanzu futa zanyi idan ka shirya akwai maganar da zamu yi  sai kazo office ka same ni" gaban Imran ne ya yanke ya fad'i shikkenan Abbah yaji abinda muka tattauna,  zuciyarsa ce ta raya masa haka. Daga can kuma Alhaji yace ko da yake bash-shi mayi maganar daga baya" imran yaja dogon ajjiyar zuciya shikkenan Abbah ya gama jin komai ya fad'a a zuciyarsa a sanyaye ya mik'e yana niyyar wucewa bayan yace "adawo lafiya Abbah" amsa Alhaji yayi dai-dai lokacin da Hajjiya Usaina ta fito hannunta ruk'e da jakar Alhaji tana ta faman sauri zai shiga motar da Habu driver ya bud'e masa kenan ya hango Hajjiya Usaina na tafe ganin hakan yasa yaja ya tsaya ya fasa shiga har sai da ta k'araso inda yake, tana isowa ta saki murmushi a hankali tace "ina can ina Sauri na jiyo har kayi waje ga jakar dan nasan har ka manta da ita" dariya yayi "kin san kuwa na manta ba dan kin kawon ba" karb'ar jakar yayi sannan yace mata "zan wuce wajen nasa in yaso yadda muka yi da shi zan sanar miki dan ni da niyyata na aiki yaron nan yaje sai kuma naga gwara ni d'in naje yanzu da kaina nasan zan same shi tunda safiya ce ba rana ba" Hajiya tace "gwara kaje da kan naka sai yafi a mutunce" "nima abinda na gani kenan" daga nan suka yi sallama da Alhaji tare da addu'o'in samun nasara irin wanda kowacce mace takewa mijinta da zarar zai futa nan dai ya shiga cikin motar ya zauna driver yaja suka futa. Komawa Hajjiya tayi bayan da suka ja motar,  furta Alhaji da komawar Hajjiya keda wuya Safiya ta shigo gidan ranta a b'ace ta k'arasa ciki tana isa falo ta fara fad'a "yanzu a rasa wanda zai fito ya amsa sallamar da nake ta rafkawa" a tsorace Hajjiya Usaina ta fito "sannu da zuwa yaya" wata muguwar harara ta wurga mata cikin zafin rai tace "daman kina nan amma nake ta rafka sallama kika yi shuru? Sabida rashin mutunci, ina yake shi d'an uwan nawa?" sosai Hajjiya Usaina ta kalleta wai me yasa wannan matar take da son nuna isa, kodan taga gidan k'aninta ne? Nifa na tsani irin wannan halin, a zuciyarta take fad'ar hakan, ganin  yadda take yi mata magana cikin fad'a-fad'a kamar ita ta haifeta yasa ran Hajjiya Usaina b'aci tace "ya futa yanzu" daga nan bata k'ara magana ba ta fuce ta koma sashin ta ta barta nan tsaye a falo, daman ko zama bata yi ba ganin ta barta tsaye yasa ta k'ara jin zafi da tafarfasa da kuma tsananin bak'in ciki cikin zuciya tayi kwafa ta futa babu wanda ya saurareta tare da fad'in "zan dad'a dawowa zanzo na same shi". Sanda Zarah suka rabu da Imran kuwa komawa d'aki tayi ta cire kayanta ta nufi toilet dan watsa ruwa acan tayi brush d'inta sannan ta fito, shiryawa tayi tsaf bayan ta gama makeup ta d'auko wani bak'in lace d'inta me manyan ado wanda aka mamaye shi da wasu golding d'in stones cikin d'inkin buba riga da zani tayi kyau sosai d'inkin ma ya dace da jikinta Zarah ba dai iya kwalliya ba musamman idan taso yi sai ka rantse bak'uwa ce daga wata k'asar tazo, bayan tayi d'auri ta d'auko turarukan humura ta shafe jikinta da su. Sai da ta gama shiryawa sannan taje ta samu Hajjiya Usaina wadda ke zaune a d'akinta ta tambayeta tana son zuwa gidan su Jamila murmushi Hajjiya Usaina tayi dan ta ruga data gama sanin me zata je yi yasa ba zata hanata ba har kullum burinta be wuce na Allah ya raya mata yaranta taga auransu ba me zaisa lokacin hakan yayi ta hana? Ba zata hana ba. a lokacin Hajjiya Usaina ta samu damar yiwa Zarah maganar da zata yi mata ta k'aara da cewa "ba zaki yi break fast ba zaki tafi?" a shagwab'ance Zarah tace "mummy bana son cin komai bana jin yunwa in na dawo zan ci" dariya tayi tace "ai shik-kenan tunda ke kin fi son hakan cikinki ne ba ciki na ba, gata dai nake miki ulcer nan idan ta kama mutum ba tada dad'i dan ba tada sabo musamman ke me son zama da yunwar safe, na rasa dalili, karfa ki janyowa kanki abinda yafi k'arfinki" Zarah dake tsaye bakin k'ofar d'akin tace "Mummy in na dawo zan yi ba dad'ewa zan ba" har cikin zuciyar Zarah ba zata iya cin komai ya shiga cikinta ba yunwar ma bata zuwar mata sabida abubuwan da suke damunta, har ta juya zata tafi Hajjiya Usaina tace "zo nan Zarah" Ba tare da fahimtar komai ba Zarah ta k'arasa wajen Hajjiya Usaina ta samu waje ta Zauna,  Hajjiya Usaina ta kalleta tace "Abbanki yace na sanar da ke nan da sati d'aya ya baki ki turo shi wanda kike so d'in zai magana da shi" tunda ta fara magana gaban Zarah ya fara bugawa da sauri ta d'ago kai ta kalleta ba tare data k'ifta ido ba cikin zuciyarta tace yanzu ya zanyi ina zan nemo Najib?, sake magana Hajjiya Usaina tayi "ni dai na fad'a miki sai ki turo shi, kije sai kin dawo" a sanyaye Zarah ta mik'e ba tare da tace k'ala ba ta wuce kamar wadda aka zarewa laka a jiki. Tana tafe tana 'yan tunane-tunane har ta k'arasa gidan su Jamila. Sanda taje Jamila bata nan har saida ta jira dawowarta, Jamila tayi murna da ganin Zarah bayan sun zauna su kadai ne kuma suka shiga tattaunawa sai da Zarah ta fara sanar da Jamila irin son da yayan ta yake mata da kuma neman amince warta, ba tare da b'ata lokaci ba itama jamila ta bayyana mata abinda yake zuciyarta na game da soyayyarsa da zuciyarta ta kamu da shi. Sun d'auki tsawon lokaci suna tattaunawa game da zancen Imran da yayi nasarar sace zuciyar Jamila daga bisa ni kuma Zarah ta fayyace duk abubuwan da suke faruwa game da ita na cikin gida da kuma shi kansa Najib data rasa samunsa a waya, abu ne wanda  ya d'aurewa Jamila kai musamman wajen nazarin samo hanya mai b'ullewa wadda zasu nemo Najib, sun dad'e suna wannan tunani daga bisani jamila ta bata wata shawarar cewa ta kuma k'ok'arin gwada kiransa ko Allah yasa ta same shi sai da taita gwadawa bata samu ba sannan ta rubuta sak'o ta tura masa ta text message. A gidan su Jamila Zarah ta wuni har lokacin islamiyyar su yayi sannan suka d'unguma zuwa gidansu Zarah koda suka je k'ofar gidan jamila ja tayi ta tsaya ita ba zata shiga gidan ba sai dai Zarah ta shiga ta shiryo su tafi tana nan tana jiranta sabida kunyar Mummy da take dariya Zarah tayi tana kallonta tace "da halla jiki mene abun jin kunya? Abinda itama mummy'n bata sani ba, kada ki bani kunya mana shima kansa nasan yanzu baya nan ya imran d'in" da kyar Zarah ta samu ta jata ciki, Hajjiya Usaina na ganin Jamila tayi dariya ba tare da jamilar ta kula ba. Shiryawa Zarah tayi sannan suka wuce suka tafi jamila nata sunkuyar da kai kamar mara gaskiya taci sa'a lokacin Imran baya nan.
__________________★
    Sati guda aka sallami su Najib daga Asibiti suka koma gida, Alhamdulillahi jiki yayi sauk'i kamar ba shi ba likita ya bada shawarwari da kuma magun-gunan daya rubuta masa ya bada umarnin yaci gaba da shan su kar yayi wasa da su har ya samu ya dad'a warkewa gaba d'aya. Tun dawowar su Najib yake neman inda wayarsa ta shiga amma be ganta ba har k'anwarsa ya tambaya tace ita bata shiga ma d'akin ba Aamir ne ya gyara d'akin haka ala dole ya hak'ura ya kyale ba dan yaso ba, sai dai kuma zuciyarsa nata raya masa zancen Zarah, kwakwalwarsa ta kasa jurewa da tunanin Zarah burinsa be wuce na ya kira yaji muryarta ba, be san Aamir shi ya d'auke wayar ya b'oye ba lokacin daya shigo d'akin zai gyara, tun kan a sallamo su daga asibiti, ba dan komai yayi hakan ba face abokinsa ya samu isash-shiyar lafiya ba tare da tunanin komai ba. A wajensa Aamir yake wuni tare suke yin komai kamar yadda suka saba babu  inda Najib be dad'a dubawa ba amma ina! Babu waya babu alamarta,  wata zuciyar tace masa wanda ya gyara d'akin shi yasan inda waya take dan haka babu wanda ya kamata a tambaya face Aamir wata zuciyar kuma tace anya kuwa Aamir zai d'auka? Wata zuciyar kuma tace ko dai na tambaye shi? Nasan zai iya tunda ya dage dana rabu da maganar Zarah amma nak'i ba zai wuce shi d'in ne ba zan tambaye shi.  koda Najib ya tambayi Aamir da farko be nuna masa yasan inda wayar take ba sai daga bisani da Aamir yaga Najib ya tada hankalisa kan wayar yana k'ok'arin jefa kansa cikin wani halin na daban  sannan ya fito masa da wayar, sosai Najib yayi farin ciki da ganin wayar yana bashi ya fara k'ok'arin kunnawa sai dai kuma ba zata kunnu ba saboda tsawon kwanakin da ta d'auka a kashe ba tare daya b'ata lokaci ba yayi sauri ya jona wayar sai da ta d'auki tsawon wasu 'yan dak'ik'u sannan ta fara yi duk da haka hankalinsa yak'i kwanciya be jira wayar ta cika ba ya d'auko ta ya kunna, kunna wayar keda wuya yaga.______________

*💅🏻B⃠ıɠ ɠąι ¢ɛ✍🏻*