Alohomora

Bujang Lapuk

"Nyaaaakkk!" Rojali berteriak dari ujung gang sampai teras depan. Napasnya ngos-ngosan. Mpok-Mpok rumpi berbondong-bondong mengikuti. Kesambet ape ini bujang lapuk? Batin mereka.

"Ade ape, Jal?" Nyak tergopoh dari belakang, masih menenteng panci yang pantatnya hitam legam. Angusan.

"Nyaaak, besok ye, Nyak! Mpok, Kong, Cing, semuanye aje ye, besok jangan lupa nonton tipi! Nih ye, aye bakal muncul di tipi besok nih, jam sepuluh pagi!" Napas Rojali habis.

"Jadi nih, ye, semue, besok pagi jam sepuluh di Indosemar, aye bakal main sinetron yang judulnye azab pengemis buta yang pure-pure buta yang sukenye sleding istri orang. Gitu, dah! Jangan pada lupa, ye! Aye nih, bekeen! Jadi artiiis!" ucap Rojali sambil nepuk-nepuk dada.

Rombongan Mpok-Mpok rumpi bubar. Langsung ngerumpiin Rojali. Tukang jual kerak telor, si bujang lapuk, yang beken jadi artis.

Luar biase! Aye kasih dah, perawan aye buat die! Mpok-Mpok rumpi pada rebutan. Nyak kegirangan. Pantat panci yang hitam legam sampai ditepuk-tepuk pakai tangan segala.

Keesokan harinya, Rojali pulang ke rumah lebih girang lagi. Mpok-Mpok rumpi pada ngumpul di teras depan. Nyak lagi jadi bahan cercaan.

"Mane, Jal, aye dari tadi mantengin Indosemar ampe bangkotan, kagak ade lu, tuh yang nongol!" Mpok Saroh langsung main serang meski jarak Rojali sama teras masih ada tiga meteran.

"Lah? Masa Mpok kagak liat aye? Ade, Mpok. Ade pan, Nyak? Nyak liat aye, pan?"

Nyak geleng-geleng kepala. Murka. "Kagak ade, lu! Percume ye, dari pagi aye nonton tipi. Emang lu yang di sebelah mane, Jal! Ampe mata aye entu mau copot melototin tipi!"

"Aduh, pade ngantuk semua ni berarti, ni." Rojali membela diri, "Mpok-Mpok pade liat pas adegan si pengemis buta lagi di jembatan kagak?"

Mpok-Mpok dan si Nyak mengangguk. "Nah, pas entu adegan pan ada yang ngasih duit ke si pengemis, pan?" Mpok-Mpok dan Nyak ngangguk-ngangguk lagi. "Naaahhh, entu! Entu ayee, Nyaaaak, Mpoook. Masa kagak pada ngenalin aye, sih! Aduh, pada payah ni, semue ni!" kata Rojali.

Mpok Saroh nyerang lagi sampai mulutnya maju lima senti, "Ooooohh, jadi lu yang entu, Jal? Ya, pegimane kite pada mau ngarti kalau entu itu lu, orang yang keliatan tangannye doang!"

Rojali nyengir kuda. Nyak mendelik tambah murka. Mpok-Mpok bubar jalan. Ngerumpi. Kagak jadi buat die dah, perawan gue! Dasar tukang kerak telor kepengen beken!

-end-

Jangan lupa voment, ya! :D