His Promdi Slave

35

late update!! mwhehehe

ALISA'S POV

"Anyare sayo?"

Bungad sa akin ni brie ng makaupo ako sa may tabi niya. Dumako naman ang tingin ko kay alistair na kasunod ko kaya umiwas ako ng tumingin siya sa akin.

Naiinis talaga ako sa kaniya!

"W-wala naman." agad kong sagot pero mukhang hindi naman siya kumbinsido.

"Yung totoo? Kunot na kunot ang noo mo tapos sasabihin mong wala nangyari?" taas kilay niyang puna sa akin. Agad ko namang pinakiramdaman ang sarili at napagtantong tama siya.

"W-wala , may nakabangga lang ako kanina." pagsisinungaling ko

Hindi na muling nagtanong si brie kaya umayos na ako ng pwesto sa upuan. Hindi talaga tama yung ginawa ni alistair kanina, hindi sa ayokong ipagtanggol niya ako pero alam naman niya yung posibleng mangyari, madaming naka-kita at sa harap pa mismo nina Fiona at Elytra niya ako ipinagtanggol.

Pustahan na ay babalikan ako ni fiona, hindi siya makakapayag na hindi gumanti sa akin. Sanay na ako na lahat ng nagiging kilos ko ay may malisya sila , pero iba yung kapag kasama ko ang isa sa mga kaibigan nina jade. Para akong nasa impyerno dahil sa mga maiinit at masasamang titig nila na animo'y papatayin ako.

"Are you okay? Mukhang ang lalim ng iniisip mo." napatingin ako kay jairus ng magsalita siya.

"Ayos lang ako" mabilis kong sagot.

"Hindi ako makakapasok bukas." taka ko siyang tinignan

Oo, sinabi niya sa akin na siya na ang bahalang kumuha ng Birthcertificate ko sa probinsiya pero hindi sapat na dahilan yun para lumiban siya.

"K-kung dahil yun sa----"

"No! Its okay. May problema sa hacienda at kailangan nina mama ang tulong ko." nakangiti niyang sabi

Yung ngiti niya, hindi ko alam pero kapag nakikita ko yun parang gumagaan ang pakiramdam ko.

"Ayoko ko kaseng makadagdag pa sa mga problema mo, kaya ko naman kuhanin ang kailangan ko ng mag-isa."

Nanlaki ang mata ko ng bigla niya nalang hawakan ang kamay ko. Agad ko naman siyang tinignan pero nakangiti lang siya.

"Sabi ko naman sayo ay ako na ang bahala tsaka isa pa simpleng pabor lang naman yun galing sayo at alam mong hindi ako makakatiis na tulungan ka." ngumiti ako pabalik sa kaniya.

Napak-swerte ko sa kaniya, nakatagpo ako ng kaibigan na mabait, maaasahan at mapagmahal tulad niya. Sana lang ay hindi siya magbago dahil nasanay na ako sa jairus na nakilala ko.

"Salamat Jairus."

"EHEM!!"

Nagulat kaming lahat sa malakas na ubo ng hari. Ewan ko ba pero bigla nalang akong napatingin sa kaniya at saktong nakatingin din siya sa akin---ay hindi sa kamay namin ni jairus na magkahawak kaya natauhan ako at agad itong binawi mula kay jairus.

"I think he likes you." mahinang bulong ni jairus pero hindi ko iyon naintindihan masyado.

"Huh? may sinasabi ka ba?" tanung ko sa kaniya pero ginulo niya lang ang buhok ko.

"I said you're so ugly." sinamaan ko siya ng tingin kaya napangiwi siya sa akin.

Muli akong tumingin sa bandang likod kung saan ang pwesto ng magkakaibigan. Una akong tumingin kay redge na abala sa mga ginagawa niya, kay kobe na mukhang malalim ang iniisip , kay Alistair na mukhang inaantok at sa hari---na masamang nakatingin sa akin.