[Completed] Nøthing.

twenty : prom.

-PROM-

2020 оны 05 сарын 27нд.

       Эцэст нь нэг юм шалгалтууд дуусч, анги дэвших шалгалтандаа асуудалгүй тэнцсэн би баяртай нь аргагүй анги төгсөлтийн баяр буюу фромлуугаа явах гэж байна. Шалгалтууд дуусч, амрахын өмнөхөн хийдэг энэхүү том парти нь багш нарын ямар ч нөлөө ороогүй бөгөөд тэд байлаа ч юуг нь ч хориглодоггүй учраас энэ баярт хүн бүр л ордог гэхэд болно.

Жизелтэй ханьтай амар байгаа. Бас надад туслах 7 хүн байхад би үдэшлэг дээр алзахгүй байх. Мелоди орж чадахгүй нь харамсалтай ч, дараа жил орно гэж найдъя! Баяртай тэмдэглэл минь.

-

"СКАРЛЕТТ!!" хаалга тогшин чангаар дуудах энэ хоолой аргаа барсан сонсогдох бөгөөд тэмдэглэлээ хаагаад толинд өөрийгөө нэг харав. Богино усан цэнхэр өнгийн цэцгэн чимэглэлтэй даашинз, үүнтэй тохирсон өсгийт болон үсний гоёл зүүсэн би нүүрээ ч мөн үүндээ тааруулан будсан билээ.

       Нэг сайн гүнзгий амьсгалаад хаалга нээхэд Жизел зогсох бөгөөд "Oh my Jesus... Чи яг гүнж шиг харагдаж байна." гэсээр инээмсэглэнэ. Би түүнд талархлаа илэрхийлж, мөн өөрийг нь гайхалтай байгааг сануулаад амжив. Доош буухад биднийг хүлээн зогсох 7 залуу ч мөн ялгаагүй гайхалтай харагдах аж.

Бид хамтдаа Ноён Ким болон Ноён Мин-ий машинд хуваагдан суух бөгөөд би аль болох Ноён Минээс зайгаа барин Ноён Кимийн машинд суув. Бид тэр өдрөөс хойш хичээл дээр л чухал шалтгаанаас болж үг солино уу гэхээс биш, хэн нь ч хоорондоо юм яриагүй юм даг. Би түүнээс зугтааж, тэр ч намайг тоогоогүй.