♤حنين♤

حنين (5)

♤5♤

*🖊قبل م نبدا الحلقة دي .. عايز اقول ليكم انه في حاجات كثيرة ح تحصل و مواقف و قرارات صعبة .. .. و في شخصيات جديدة ح تدخل كمان .. المهم نبدا و نشوف .. ماف داعي اذكركم بالفات صح؟ خلاص اوك ..*

*🖊ريان رجعت عادية و مبسوطة شديد بعد كلام الولد و بقت منتظرة متين الشهرين ديل يخلصو ..*

*كوكي الليلة صايمة و رمضان قرب و هي كانت عيانة اسبوع كامل رمضان الفات و بتقضي فيهو الايام دي ..ملاذ اختها جات قعدت جمبها ..*

ملاذ { عايزة اقول ليك شي ؟

كوكي { اها ي زفتا مالك

ملاذ { في ..

كوكي { اها في شنو

ملاذ { في ولد

كوكي { سجمي .. اها اها

ملاذ { هيي براحه ماف شي مالك .. بس

كوكي { قولي ي زفتا بس شنو

ملاذ { قبيل في الشارع لما مشيت البقاله .. اداني ورقه فيها رقمو ..

كوكي { ورقة في عينه وينها .. قطعيها طوالي .. كبير ولا صغير الولد دا ؟؟

ملاذ { ي كوكي م فيها شي و الولد صغير على فكرة قدري كدة ..

كوكي { لا قدرك لا زفت جيبي الورقه دي ..

*كوكي شالت الورقه من ملاذ و قطعتها .. ملاذ زعلت شديد و بدت تبكي و قالت ليها ..{ م عشان انتي م بتحبي الاولاد و الحركات دي معناها عايزة الناس كلها زيك .. م اي شي حرام ياخ .. عادي يعني شنو كان اتكلم معاي يمكن يطلع ولد كويس م فيها حاجه ياخ  ..وانتي لو م حصل حبيتي م بتبقي بت اصلا م ممكن تكوني خانقه على نفسك كدة و كمان عايزة تخنقي علينا ..*

*ملاذ قالت الكلام دا و طوالي قامت من جمب كوكي و كوكي م قدرت ترد عليها و سكتت بس*

*حنين قاعدة في البيت و بتسرح في شعرها .. محمد جا داخل عليها و قعد جمبها ..و قال ليها في موضوع كدة عايز افتحو معاك ..حنين قالت ليهو موضوع شنو ..محمد سكت مسافه كدة و قال ليها كوثر ..حنين اتفاجاءت و عاينت ليهو ب استغراب .. و قالت ليهو مالها ؟؟

محمد { مؤدبه شديد البت دي و عسل و طيبة و قلبها ابيض و

حنين ضحكت و قالت ليهو{ بس بس بس .. دا كلو ..

محمد { و اكتر ي حنين .. البت دي من زمان عاجباني و انا صراحه كدة نقطة ضعفي البنات المحترمات .. بدخلو قلبي طوالي .. و هي صراحه ماشاءالله عليها ..

حنين { فعلا ماشاءالله عليها ..عشان كدة الموضوع دا داير وقت

محمد { وقت قدر كيف؟

حنين { م عارفه والله ي محمد

محمد { انا لحدي اسي م حصل ارتبط و ..

حنين طوالي قاطعتو ..و قالت ليهو { اهااااااا بدينا كذب .. على فكرة هي اي شي عندها الا الكذب ..

محمد { ياخ البت الاسمها اسراء دي م كنتا مرتبط بيها ..هي براها كانت جارية وراي ..و الحمدلله خلاص كلها شهر و الجامعه ح تخلص و تاني م ح اشوف وشها

حنين { المهم انت لو عايزني اشوف ليك كوكي دي من اسي وريتك م تكذب في اي شي و قول ليها اي حاجة ..

محمد { اي م ح اكذب .. بس انتي شوفيها لي سرعه

حنين { طيييييب م تستعجل كدة انت ..

محمد { طيب ..

*🖊حنين اتفاجاءت من اخوها لانها م كانت فاكرة انه ممكن يعجب بي صحبتها ..المهم بعد ساعه اتصلت على كوثر و قالت ليها لازم تجيني عايزاك في موضوع .. كوكي قالت ليها صعبة والله ي حنين .. انا صايمة الاسبوع دا كلو و م بقدر اطلع .. لو بتقدري تعالي لي انتي .. حنين قالت ليها طيب بشوف ..*

*حنين قالت لي امها انها ماشة لي كوثر و جاية و هي طالعة .. قفلت باب الشارع كدة .. شافت دفار كبير فيهو عفش وقف في الباب الجمب بيتهم .. حنين م اشتغلت بالموضوع كثير و مشت طوالي .. وصلت بيت كوكي و دخلت ليها ..*

كوكي{ نورتيني ي قلبي

حنين { نووووورككك والله

كوكي { وينها ريان ؟

حنين { لالا م جبتها معاي لاني عايزاك في موضوع كدة

كوكي { موضوع شنو ؟

حنين سكتت و م عارفه تبدا ليها من وين ولا تقول ليها شنو

كوكي { اها ي حنين موضوع شنو

حنين { انا ح ح اقول ليك طوالي بس

كوكي { اها ي حنين

حنين { اخوي محمد معجب بيك