♤حنين♤

حنين 11

رواية .. ♤ حنين ♤

بقلم .. كيمو 🍟

♤11♤

*بليل زي الساعه 10 .. مصعب و شهد قاعدين بتونسو ..*

شهد { على فكرة قبيل اتكلمتا معاها ..

مصعب { بالجددد اها قلتو شنو

شهد { ولاشي ونسه عاديه ..بس اصبر شويه لما اصاحبها اكتر

مصعب { اي اي عليك الله ..

شهد { لكن البت صغيرة ي مصعب.. امتحنت السنة دي

مصعب { اي عارف .. اصلا حلو كدة

شهد { عارف من وين .. هو انت اتكلمتا معاها يعني ؟

مصعب { ااا لا لا .. اي بس م كدة يعني بس ونسه بسيطة و كدة ..

شهد { اهااا

مصعب { اي انتي بس ظبطي الامور ..

شهد { طيب طيب و عرفتا ليك حاجه مهمة شديد كمان ..

مصعب { اها شنو

شهد{ م مرتبطة كمان

مصعب { اي ياخخخخ .. والله انتي عسل

شهد { شوفتا كيف

*مصعب م قال لي شهد انه لاقاها كم مرة و مسك يدها عديل .. عشان هي تصاحبها على الاقل و التعارف يبقى اسهل .. و شهد طبعا زي م شايفين فاكرة انه ريان هي البت القاصدها مصعب و مصعب م عارف انه شهد بتتكلم مع ريان م حنين.. دا كله لانه شهد اول مرة كانت شافت ريان داخله بيت حنين و افتكرت انها هي البت القاصدها مصعب و تاني م صادفت حنين اصلا*

*🖊 انتو اكيد ملاحظين سوء الفهم و الجوطة  الحاصلة صح؟ كله بسبب ريان لانها بتعمل اي شي يجي في راسها بدون حتى تفكر و م عارفه مصلحتها وين .. بس امكن لي قدام تحصل حاجات تغير من فهمها و امكن تكون كدة دايما .. بنشوف ..🖊*

*ثاني يوم .. الظهر كدة ملاذ طالعه مع ود عمها الكبير عشان ح تمشي تقعد في بيت عمتها اسبوعين ثلاثه كدة ..قبل م تطلع ..كوكي قالت ليها بي هظار كدة .. ح نرتاح من جوطتك ..*

ملاذ { عليك الله احسن زاتو

كوكي { اوعك ثم اوعك ي ملاذ هناك تطلعي الشارع ولا تتكلمي مع ولد ولا تخلي ولد يتكلم معاك ..

ملاذ{ ياخ عليك الله خليني .. زهجتيني زاتو ..

*ملاذ كانت زعلانه بالجد .. بس كوكي م قايلاها زعلانه كدة .. المهم ملاذ طلعت و ركبت العربيه مع ود عمها الكبير .. و هي في العربيه كانت زعلانه شديد من كوكي بسبب انه كانت قطعت ليها ورقة الولد الكان فيها رقمو .. و طلعت الورقة الكان لقتها تحت السرير و قطعتها حته حته و جدعتها بالشباك ..*

*في نفس اليوم بعد المغرب .. حنين اتصلت على كوكي و قالت ليها اجهزي عشان ح نطلع .. كوكي قالت ليها اوك .. ريان اتصلت على حنين و قالت ليها جاياك ... بعد شوية ريان وصلت جمب البيت و في نفس اللحظه شهد كانت طالعه و ثاني شافت ريان .. و المرة دي ريان سلمت على شهد بالبوس عديل*