♤حنين♤

حنين 18

رواية .. ♤ حنين ♤

بقلم .. كيمو 🍟

♤18♤

*قبل المغرب بشويه .. حنين قعدت مع محمد و قالت ليهو مصعب قال ليها تجي بيتهم بعد المغرب و هو و اختو ح يفهموني اي شي .. و انا م ح امشي براي لازم تجي معاي .. محمد قال ليها اكيد و مشى معاها ... بعد المغرب كدة حنين و محمد مشو ليهم .. مصعب فتح ليهم الباب و دخلهم .. و قعدو كلهم مع بعض ..*

مصعب { نورتو والله

محمد { نوركم ..

شهد { طيب ي جماعه نخش في الموضوع طوالي ..

محمد { بالظبط ..

شهد { طيب بما اني السبب في الحصل ح احكي ليكم سوء التفاهم الكبير الحصل ..

محمد { طيب احكي

*شهد اتكلمت و فهمتهم الحاصل كلو ..و خلصت كلامها ..*

شهد { بسس ي جماعه و انا بعتزر ليكم شديد والله

*محمد بعد م سمع كلام شهد بقى م عارف يرد يقول شنو اصلا .. و حنين مصدومه  و مستغربه في نفس الوقت و و استغربت شديد لما عرفت انه مصعب معجب بيها هي و حاولت تتجاهل الموضوع ..*

مصعب { موضوع غريب صح

محمد { شديد والله شديد

مصعب { اعزرونا بس

محمد { لالا عادي ..

حنين { ح تعملو شنو مع ريان ؟

شهد { ح نعمل ي حنين لانك انتي و اخوك لازم تساعدونا

حنين بعد م سمعت كلام شهد و القصة الحكتها دي زهجت شديد .. و قالت ليها { نساعدكم بي شنو ؟؟ انتو عايزين تكرهوها في مصعب يعني مثلا .. انتو قايلين حاجه ساهله انكم تكرهو زول في زول بحبو ..

شهد { م قلنا كدة نحنا ي حنين اهدي ..

حنين { اهدى كيف و انا صحبتي سمعتني كلام زي الزفت بسببكم

مصعب { الحصل غصب عننا و زي م قلنا ليك ي حنين سوء تفاهم بس

حنين بدت تعلي صوتها { ياخ بالنسبه ليكم سوء تفاهم و حاجه عاديه لكن بالنسبه لي اصلا م عادي

محمد عاين لي حنين و قال ليها بي صوت واطي { اهدي ي حنين م صح كدة نحنا في بيت الناس..

*حنين حست روحها عايزة تبكي و طوالي قامت طلعت ..*

مصعب { نحنا اسفين والله بالجد اسفين

محمد { لالا والله لا اسف ولاشي انتو م قاصدين و اي شي ليهو حل ان شا الله

مصعب { ان شا الله

*محمد طلع ورة حنين طوالي ... مصعب عاين لي شهد و لقاها بتبكي .. مسك يدها و طبطب عليها كدة و كان زهجان شديد و طلع السطوح حقهم و كان سرحان و بفكر يعمل شنو في المصيبه دي .. و الحاجه الكانت مزعلاهو شديد انه حنين اتجاهلت موضوع انه معجب بيها و كانت هاماها ريان و بس*

*تاني يوم الصباح بدري ملاذ ي دوب رجعت من بيت عمتها و اول م دخلت البيت طوالي  حضنت كوكي و قعدت تبكي ..*

كوكي { ملاذذذذ الغبيه مشتاقين ياخخخ.. بتبكي ليه ي قلبي ..

ملاذ و هي بتبكي { قالو كنتي في المستشفى و عيانه شديد

كوكي رفعت ليها راسها { خلاص اسي بقيت كويسة والله

ملاذ { من قبل كم يوم بحنس فيهم يرجعوني البيت بس ماف زول فاضي لي ..

كوكي { طيب خلاص خلاص اسي انتي معاي م تبكي ..

ملاذ مسحت دموعها و قالت ليها { كنتا خايفه عليك شديد

كوكي { كويسة انا والله اسي

ملاذ { انا عايزة اقول ليك حاجه بس عليك الله م تزعلي مني  .

كوكي { مستحيل طبعا ازعل .. قولي عادي

ملاذ { متاكدة م ح تزعلي صح

كوكي { اكيد طبعا

ملاذ { انا لقيت ورقه في غرفتك مكتوب فيها كلام من حبيبك

كوكي { ورقه ؟ كلام من حبيبي ؟؟

ملاذ { و قطعتها والله والله اسفه بس لاني كنتا زعلانه منك شديد والله ..

كوكي { دقيقة ي ملاذ .. منو القال ليك الورقه دي حقتي انا ؟ مكتوب فيها اسمي يعني ؟

ملاذ { لا م مكتوب فيها اسمك .. بس لقيتها واقعه في غرفتك يعني اكيد حقتك

كوكي { قطعتيها لي ياخ .. غبيه انتي

ملاذ { اسفه والله .. بس انا حافظة الكلام كلو بالحرف لاني قريتها كم مرة ..

كوكي { قولي طيب

ملاذ { م بعرف اقول بس ممكن اكتبها لي زي م كانت مكتوبه

كوكي { اكتبي طيب خلصينا ..

*ملاذ مسكت ورقه و قلم و بدت تكتب الكلام الكان في الرسالة كلو ..*

*مصعب صحى الصباح و بليل م نام كويس من كثرة التفكير و اول م صحى اتصل على ريان ..*

ريان { صباح الخير حبيبي

مصعب { صباح النور ..

ريان { كيفك

مصعب { كويس .. ريان تقدري نتلاقة اسي ؟

ريان { مش مفروض مقابلتنا بكرة ؟

مصعب { اي بكرة بس قدمتها الليلة

ريان { احاااا ياخ

مصعب { منتظرك

ريان { ساعه بس

*ريان قفلت منه الخط و كانت فرحانة شديد و طوالي جهزت و طلعت ..*

*مصعب و ريان اتلاقو و قعدو مع بعض ..*

ريان { اها ي روحي ..

مصعب كان سرحان كدة و م قادر يعاين ليها في وشها

ريان { هييي انت وين سرحان

مصعب { معاك معاك

ريان { طيب احكي ليه ساكت

مصعب { اي ح احكي..

ريان { استنى قبل م تبدا

مصعب { شنو؟

*مسكت يدو كدة و قالت ليهو يلا اتكلم .. مصعب عاين ليها كدة و ابتسم ليها ابتسامه بسيطة ..*

ريان { اهااا يلاااا اتكلم ..

مصعب { ااي اي ح اتكلم ...