♤حنين♤

حنين 20

رواية .. ♤ حنين ♤

بقلم ... كيمو 🍟

♤20♤

ريان { يلا شوف 10 دقايق بس ح تلقى حنين قدامنا ..

مصعب { ح نشوف ..

*فعلا شويه كدة و حنين جات داخله .. و اول م دخلت شافت ريان و مصعب قاعدين مع بعض .. طوالي رجعت ..لكن ريان سريع قامت و وقفتها قبل م تطلع .. و قالت ليها { استني استني المرة دي انا ال ح امشي ..

حنين كانت زهجانة شديد { عايني تمشي ولا م تمشي م بهمني ابعدي من وشي  .

ريان { واذا م بعدت ..

حنين { عارفاني مجنونه انتي والله اقلب ليك المكان دا و ادخلك تحت الكرسي دا عشان كدة احترمي نفسك و ابعدي..

*على فكرة حنين رغم انها سمحه شديد و تشوفها كدة تقول راقيه و حجر م بتقدر ترفعو .. لكن بالجد شرانيه شديد و لما تصل مرحلة زي دي عادي بتعمل القالتو دا ..*

ريان { طيب طيب ي حنين استني والله المرة دي ماف شي وانا عرفتا روحي غلطانه و مصعب فهمني اي شي .. و حتى انتي لازم تفهمي

حنين{ لا شكرا م عايزة افهم و ابعدي كدة عشان مستعجله..

*ريان وقفت قدام حنين .. و مسكتها من يدها وقالت ليها.. انا عارفاك مجنونة لكن انتي عارفاني اجن منك و لو م دخلتي و قعدتي معانا انا ال ح اقلب المكان دا في راسك .. حنين بي صوت عالي مالك انتي ياخ جنيتي .. ريان قالت ليها وطي صوتك ي حنين الناس و اقعدي عشان عايزين نتفاهم ..يلا ياخ اقعدي ..*

*المهم بعد تحنيس كتير من ريان قدرت تقنع حنين انها تقعد ..*

مصعب { كيفك ..

حنين{ ممكن تسكت؟

*مصعب من الاحراج الجاهو سريع دا لما لقى نفسه رد و قال حاضر سريع بدون م يفكر ولا يحس اصلا 😹*

ريان { طيب ي مصعب انا ال ح اتكلم..

*ريان بدت تتكلم و شرحت لي حنين الموضوع كله لحدي م مصعب قعد معاها اسي و الكلام القالو ليها ..*

حنين بعد م سمعت الكلام  سكتت بس و بقت تعاين ليهم ..

ريان { و الكلام القلتو ليك هنا المرة الفاتت انسيهو خالص لاني والله م قاصدة ولا كلمه قلتها ..

حنين اتقبلت الكلام و حست انها لازم تكون عاديه بعد كدة ..

ريان { خلاص ي قلبي م زعلانه صح؟

*♡حنين دموعها نزلو و قامت من الكرسي و ريان كمان قامت و حضنو بعض و بكو بسيط كدة و  اي وحدة قالت للتانيه انها بتحبها شديد و عوارات البنات دي ..و بعداك رجعو قعدو ..♡*

مصعب عايز يتكلم كدة سكت و عاين لي حنين و قال ليها اتكلم ؟

حنين ضحكت كدة و قالت ليهو اتكلم اتكلم ..