♤حنين♤

حنين 22

رواية .. ♤ حنين ♤

بقلم .. كيمو 🍟

♤22♤

*حنين استغربت كدة و عاينت لي ريان ..و قالت ليها مالك ي ريان ..؟.*

ريان { الولد بحبك ي حنين

حنين { بس انا م بحبو ي ريان

ريان { طيب هو ذنبو شنو ي حنين

حنين { وانا ذنبي شنو ارتبط بي زول م بحبو ؟

ريان { على فكرة عادي مع مرور الوقت ح تحبي و بعدين ماف زول بلقى زول بالساهل يحبو في الزمن دا

حنين { عايني ي ريان انا والله م بقدر ارتبط بي زول م حاسه اتجاهو بي اي شي  .. يعني انا ماف اي شي بشدني ليهو .. ماف اي مواقف كدة يعني او انتي فاهماني صح ؟

ريان { فاهماك .. لكن مصعب كويس ياخ و بالجد م بتلقي زيهو

حنين { م مشكلة ي زوله عادي .. الموضوع م خطير ..

كوكي { ايييي بالظبط ياخ الموضوع م خطير .. يلا خلاص نقفل المواضيع دي ..

ريان { اها في شنو انتي كمان ..

كوكي { انا كمان ؟

ريان { ههههه بهظر ياخ اها قولي قولي ..

كوكي { انتو ملاحظين انه نحنا م قدمنا للجامعات لي اسي و التقديم ليهو اسبوع فاتح

ريان { قدمو انتو و انا بجي اقدم من الجامعه .. احمد قال ح يرسل لي القروش بعد كم يوم ..

حنين { احييي انا بس لو الله اداني زي احمد دا ..

ريان { مووووتي بس .. احمد دا ماف منو اتنين ي بت..

كوكي { طيب ي جماعه نتفق على جامعه ..

حنين { الخرطوم ..

كوكي { حلوة والله .. اها وانتي ي ريان .

ريان { انا م عندي مشكلة اي جامعه بقرا

كوكي { طيب بكرة نقدم الخرطوم طيب ..

ريان { طييب

حنين { اوك اتفقنا ..

*محمد جا داخل و دقا باب الغرفة .. حنين عايزة تفتح ليهو ..*

كوكي { استني ي زفتا البس الطرحه  ..

حنين { اها طيب سريع

كوكي { خلاص افتحي

*حنين فتحت الباب لي محمد ..*

محمد { كيفكم ..

كوكي { كويسين والله اها كيف كان الامتحان ..

محمد { حلو شديد والله ..

حنين { انت الشاطر والله

محمد { احم احم ..

حنين{ اها

محمد { عايز كوكي بس .. طالعين مشوار هنا و جايين ..