♤حنين♤

حنين 13

رواية .. ♤ حنين ♤

بقلم .. كيمو 🍟

♤13♤

ريان { م عايزة اكمل مع احمد و عايزة مصعب بس ..

حنين طبعا كانت متاكدة من الحاجه دي ح تحصل .. حنين عارفه انه ريان راسها قوي .. بس في نفس الوقت حنين م كانت عايزة ريان تضيع ساي و تختار غلط و بعدين تندم .. ردت قالت ليها ..{ م تقولي كدة ي ريان انتي اسي زهجانه و م مفروض تقرري وقت زهجك

ريان { خلاص قررت ي حنين .. المهم اها انتي اتكلمتي معاهو تاني ؟ عرفتي لي عنه شنو ؟ ..

حنين طبعا فكرت انها تقول ليها انه مرتبط عشان خلاص تكسر حنكه و ترجع لي احمد ..طوالي ردت قالت ليها { صحي طلع مرتبط

ريان { بالجد ؟

حنين { اي جادة معاك

ريان { احلفي ؟

حنين { شنو احلفي دي ي ريان م مصدقاني يعني ..

ريان { لالا ياخ اكيد مصدقاك بس كدة انا ح اكون فقدتا الاثنين ياخ ..

حنين { كيف يعني ؟

ريان بدت تبكي ..و دموعها بنزلو { قبيل رسلت رسالة لي احمد و قلتا ليهو اني م عايزاهو و كدة و كلام كثير مستحيل يرجع لي تاني ياخ .  انا لي عملت كدة ياخ ..

*حنين حضنت ريان و قالت ليها خلاص م تبكي ي قلبي الموضوع م خطير عادي يعني بنقدر نصلحو .. ريان قالت ليها كيف كيف بس.. حنين قالت ليها ح تمشي ترسلي رساله لي احمد تاني و تعتزري ليهو شديد و تتصلي ليهو تبكي ليهو عديل و تقولي ليهو م قصدك و كلام حلو كثير كويس؟*

ريان { تفتكري ح يرضى

حنين { اكيد ح يرضى ي ريان

ريان { طيب حاضر .. يعني انسى مصعب ياخخخخخ

حنين { قومي اتخارجي ي ريان عشان م اسب ليك ..

*في لحظة تلفون حنين دقا و كانت ام كوكي ..حنين استغربت ليه ام كوكي متصله ليها .. ردت عليها ..*

ام كوكي بتبكي و صوتها تعبان قالت ليها { الحقو كوثر ي حنين .. كوثر اغمى عليها و ساقوها المستشفى ..

*حنين اتهجمت شديد و  التلفون وقع من يدها و سريع لبست عبايتها .. ريان قالت ليها مالك ..  ردت قالت ليها كوكي اغمى عليها .. ريان طوالي صرخت و طلعو سريع ..*

*حنين و ريان في المستشفى معاهم ام كوكي .. منتظرين الدكتور .. شويه كدة الدكتور جا طالع .. قال ليهم { مناعتها ضعيفه شديد لانها م بتاكل نهائي .. و الصيام اثر شديد عشان كدة اغمى عليها .. بس م تخافو كلها كم ساعه كدة و بتصحى ..*

ام كوكي { الحمدلله الحمدلله

حنين و ريان شغالين يبكو بس ..ام كوكي قالت ليهم خلاص الحمدلله ماف شي ببكي ي بنات م تبقو ضعيفات كدة و خلو قلبكم قوي لانه الدنيا دي فيها الاصعب من كدة ..قولو الحمدلله بس ..