♤حنين♤

حنين 9

رواية .. ♤ حنين ♤

بقلم .. كيمو 🍟

♤ 9 ♤

*بعد يومين كدة ..  ريان كانت جاية لي حنين في البيت .. و من بعيد كدة قبل م تصل شافت مصعب و طوالي عيونها بقو قلوب و سرعت مشيتها و بقت ماشه سريع بس مصعب دخل البيت .. ريان وصلت و اتزكرت انه دا نفس البيت الطلعت منه البت الاسمها شهد .. ريان دخلت لي حنين جوة و خشت فيها حضن طوالي و فرحانه شديد .. حنين قالت ليها مالك ي مجنونة ؟ .. ريان وقعت و رقدت في السرير .. حنين قالت ليها ي بت انتي مجنونة مالك ..*

ريان { الولد المزززز

حنين { احي انا اها مالو قال ليك بحبك ان شا الله ..

ريان { ح يقولها ان شا الله احححح بسس

حنين { شنو طيب اها

ريان { طلع ساكن جيرانكمم

*حنين طوالي سرحت كدة و  عرفت انه دا نفس الولد الشافتو يوم الكهربا قطعت و كدة ..و تقريبا اسمو مصعب قال ليها ..*

ريان { هووووي سرحانة وين

حنين { ااا لا لا ولا شي

ريان { اها شوفتي حظي سمح كيف ..

حنين { حظ شنو ي ريان انتي مش بتحبي الولد الاسمو احمد و هو بحبك و ح يجي السودان عشانك

ريان { م عارفه ي حنين عليك الله الايام دي نحنا زاتو متشاكلين و نفسي مقفوله منو

حنين { م عشان متشاكلين و نفسك مقفولة منه تعجبي بي ولد تاني ..

ريان { الولد التاني دا سحرني عديل لكن .. م شوفتي قبل شوية لابس بنطلون ابيض و جزمة سودا و جكت معاهو تشيرت كدةةةة احيييييي

حنين { م عارفة اقول ليك شنو والله

ريان { هوي صحي انا ال ح اقول ليك .. تحاولي تتعرفي عليهو لانو جيرانكم و بعداك تعرفيني عليهو و تعملي رايحه منه وريتك

حنين { ي بت اعمل بيهو شنو انا اصلا م عجبني ..

ريان { لي .. انتي شوفتيهو يعني؟

حنين { ااا انا ؟ لالا لا ولا شوفتا اختو زاتها ..

ريان { المهم اها ح تتصرفي لي ولا لا

حنين { م عارفه بس م قادرة لانه انتي مرتبطة ي ريان م ممكن تكوني كدة .  م صح والله

ريان { اها يعني م ح تساعديني صح؟

حنين { م قصة اساعدك ولا لا ؟

ريان { خلاااااااص م علينا انا براي بتصرف

حنين { خلاص ياخ م تزعلي بشوف

ريان { ايوااااا بتشوفي

حنين { ياخ م قلنا بشوف شنو الغباء

ريان { خلاص طيب

حنين { التقديم ح يفتح بكرة

ريان { اها .. قولي الكلام دا لي كوكي انا مالي ..

*حنين ضربت ريان بالمخدة و قالت ليها بطلي سغالة .. لازم تكلمي  احمد حبيب قلبك مش قال ح يدخلك معانا نفس الجامعه و بدفع ليك القروش ..*

ريان { اوففف طيب طيب بكلمو ..

حنين { اي شاااطررة

ريان { طيب انا لازم امشي

حنين { اوككك

*ريان طلعت من حنين ..*

*🖊حنين بعد م عرفت انه الولد القاصداهو ريان هو مصعب م قالت ليها انها عارفاهو و اتكلمت معاهو مرتين قبل كدة و عارفه اسمه كمان .. و م عارفة تساعدها ولا لا .. و ريان بتاعت حركات و بتزعل و حنين م بتحبها تزعل منها  و في نفس الوقت م عايزة تساعدها تتعرف على مصعب عشان هي مرتبطة بي واحد جادي و شايفه انها ح تخرب على نفسها بي حركاتها الغبيه دي ..🖊*

*مصعب قاعد مع شهد كدة ..و بدا يتكلم معاها ..قال ليها اها عملتي لي شنو .. شهد قالت ليهو في شنو .. قال ليها ي الله ي شهد .. ردت قالت ليهو اصبر اي لاقيتها مرة وحدة و شلت منها رقمها .. مصعب طوالي قال ليها اديني اديني ليهو .. قالت ليهو ي غبي امكن اسي م بتحب كدة و تحظرك و تحرج نفسك من البداية .. اصبر لي يومين اصاحبها كدة و بظبط ليك معاها قعدة عديل نحنا التلاته ..*

مصعب {طيب بس سريع عليك الله

شهد { طيب طيب مع اني عندي شغل كثير و م فاضيه ليك لكن انت كلامك كثثييير ..

مصعب { اي بس ..

شهد { مش خلاص الجامعه ح تخلص عشان تبقى زول مسؤول و تخلي قلة ادبك دي .. و تبقى عاقل

مصعب بي ضحكة كدة{  و منو القال ليك لو خلصت جامعه ح ابقى عاقل يعني

شهد { والله غصبا عنك ..

مصعب { هه

شهد { كويس بنشوف ..

*ملاذ دخلت غرفة كوثر و كوثر كانت بتقرا قران ..و قالت ليها طبعا عشان انتي صايمة بس الايام دي انا البنظف البيت لكن شوفتي بعد تنتهي من صيامك دا ترجعي تنظفي براك .. تعبت انا والله .. اسي اطلعي من الغرفه عشان عايزة انظفها .. كوكي طلعت و هي بتضحك ..ملاذ ردت ليها  اي اي اضحكي اضحكي ..غياظة دي ..*

*ملاذ بدت تنظف في الغرفة و لاحظت للورقه .. رفعتها و فتحتها قرت الكلام الفيها و دخلتها في جيبها و كملت نظافتها عادي ..*