♤حنين♤

حنين 25

رواية .. حنين ♤ حنين ♤

بقلم .. كيمو 🍟

♤25♤
*الاخيرة على جزئين..*

*الجزء الاول*

*الحاصل حاليا ...*

*بعد اسبوعين..الليلة الخميس .. مصعب اخيرا ح ينتهي من الامتحانات الليله خلاص .. و ريان عايشه ايامها مع وائل بي مزااج ..*

*مصعب بعد م خلص الامتحان اتصل على ريان و قال ليها خلاص انا قررت بكرة اجي و اتكلم مع ابو حنين .. ريان قالت ليهو طوالي كدة .. مصعب قال ليها اييي المهم انتي بكرة من الصباح بدري ح تمشي تصحي حنين و تقعدي معاها في غرفتها و تجهزيها يعني حاجات البنات بتاعتكم دي و لو سألتك في شنو قولي ليها اي شي انكم طالعين مشوار مهم شديد او اي شي يعني  و لحدي العصر كدة  خليها تلبس احلى شي عندها و انا بعد المغرب طوالي ح اكون جيت داخل بيتهم ..*

ريان { طيب طيب ي مصعب

مصعب { معتمد عليك

ريان { طيب حاضر ..

*ريان طوالي اتصلت على كوكي بس  الخط مشغول .. كوكي كانت بتتكلم مع احمد ..*

احمد { بكرة ي كوكي ح تديها الرساله طيب

كوكي { بكرة متين طيب ولا اي وقت

احمد { لالا م اي وقت .. قبل المغرب كدة بشوية طيب

كوكي { طيب

*كوكي قفلت الخط من احمد طوالي ريان خشت ليها ..*

ريان { ي كوكي

كوكي { اي معاك

ريان { مصعب قال بكرة ح يجي يخطب حنين

كوكي { اهاااا

ريان { شنو ال اهاااا

كوكي { هي يعني اقول شنو

ريان { يعني هي مفاجاءة ي كوكي و نحنا بكرة ح نمشي من الصباح عشان نجهزها و كدة ..

كوكي { طيب

ريان { اي بس بدون م تعرف حاجه ح نقول ليها عشان طالعين مشوار بليل و كدة بس

كوكي { طيب طيب قلنا ..

ريان { اوكك

*ثاني يوم ال هو يوم الجمعة .. الصباح بدري باب ناس حنين دقا .. محمد فتح الباب لقى مصعب في وشو ..*

مصعب { صباح الخير

محمد { صباح النور

مصعب { كيفكم

محمد { كويسين والله اتفضل اتفضل

مصعب { لا والله شكرا .. بس عايز اقول ليك اني عازمكم الليله انت و عم جمال ابوك على الفطور معاي .. شهد اختي اصرت اني اعزمكم الليله ..

محمد { اهااا طيب ان شا الله بكلم الحاج و بعد شوية بنجيكم

مصعب { تسلم يديك العافية