♤حنين♤

حنين 17

رواية ... ♤ حنين ♤

بقلم .. كيمو 🍟

♤17♤

ريان { اها بتحبني ؟

مصعب { رايك شنو نتلاقه يوم الخميس في نفس المكان حق الليله و بجاوبك .. م تختي حاجة في راسك بس عشان م حلو الكلام دا بالتلفون طيب ..

*ريان فرحت شديد و قالت ليهو طيب مع انه الليله الاثنين ي دوب و الخميس لسه بعيد بس م مشكله ... مصعب قال ليها اي خلاص اتفقنا و  قفل الخط و ي دوب قدر يتنفس زي الناس..*

*ثاني يوم الصباح محمد دخل على حنين غرفتها و لقاها راقدة بس و ماسكة تلفونها .. بدا يتكلم معاها و قال ليها في شنو ي حنين ؟ .. حنين قالت ليهو في شنو ؟ ..*

محمد { في حاجه متضايقاك ؟

حنين { لا لا عادية انا ماف شي

محمد { م عاديه والله ..

حنين { لي يعني

محمد { اول شي قاعدة في غرفتك من امبارح م طلعتي اصلا ثاني شي الاستوري العاملاهو في الواتس ..

حنين { عادي ي محمد بس زهجانه شويه ..

محمد { احكي لي

حنين { ماف شي ي محمد

محمد { متاكدة ؟

حنين { متاكدة

*حنين كان واضح عليها انه في شي حاصل معاها و محمد ملاحظ للحاجه دي ..*

محمد عايز يطلع من الغرفه { خلاص راحتك

حنين { لا استنى ....

محمد رجع تاني قعد جمبها { اها يلا احكي ..

حنين قبل م تبدا تتكلم بدت تبكي ..محمد مسح ليها دموعها و قال ليها انا معاك م تخافي م تخافي ي حنين في شنو بس احكي لي احكي ..

*حنين حكت الموضوع كله لي محمد و لسه بتبكي .. محمد رقدها في حضنه و قال ليها اكيد في سوء تفاهم كبير حاصل ي حنين بس انا م كنتا فاكر انه ريان دي انانية بالطريقه دي .. م كفاها الولد البحبها ..*

حنين { م عارفة والله

محمد { متخلفه البت دي

حنين و هي لسه دموعها نازله{ م تقول عليها متخلفه .. هي فاهمة غلط .. دا الواضح بس انا زعلانه على الكلام الحار القالتو لي و م قادرة انسى ولا كلمة .. والله م قادرة

محمد { خلاص خلاص م تبكي ي حنين .. انا اسي ح امشي للزفت دا و اطق راسه بالحيطة و افهم منه دا شنو البعمل فيهو دا .. اسي امكن بلعب بيكم الاثنين ..

حنين { لا لا ي محمد م عايزة مشاكل انا .. ابوي لو عرف بقتلني انت عارف و كمان انا خلاص نسيت الحصل او بحاول انسى يعني خلاص م بهمني والله

محمد { .. لا لازم نفهم .. طيب رايك شنو نحاول نفهم برانا

حنين { كيف برانا