♤حنين♤

♤حنين♤ (3)

رواية .. ♤ حنين ♤

بقلم .. كيمو 🍟

♤3♤

ريان { ثواني افتح الانستا ..

حنين { اها ..

🖊ريان فتحت الانستا بس م لقت ولا صورة تقريبا حذف صورو كلها ..🖊

كوكي { اها يلا موتو مسح صورو هههههه

ريان { م عارفه والله مسحهم لي ..كدي ثواني اسالو ..

🖊ريان رسلت ليهو وقالت ليهو لي مسحت صورك ..🖊

حنين { هو لي مسجل اسمو غبي كدة ..يعني م يكتب اسمو الحقيقي و خلاص ..

🖊طبعا الاسم كان كدة (a7_king) 🖊

ريان { ي بت طبعا موضوع الاسم حارقني ..م عايز يوريني اسمو ..قال لي مفروض تعرفي براك و واضح و م بعرف شنو

كوكي { هو كاتب حرف واحد بس يعني ح تعرفي كيف

حنين { غايتو ي ريان بتعرفي ليك ناس كدة ..

ريان { م عندكم شغلو ي غيورات هههه

كوكي { منو نحنا ..هييي انا ولا بغير ولا عندي شغله بي مواضيع ذي دي

ريان { هههه عارفنك ..صحي انتي ي حنين ال م عارفنك ..لحدي اسي م فكرتي ترتبطي ولا في زول قريب منك

حنين { لا والله .. بس بتذكر زمان يعني كان في ولد جيرانا بس م متزكراهو زي الناس ..بس تقريبا الولد دا كان معجب بي ..و صراحه كدة انا كمان كنتا معجبة بيهو لانو كان بجيب لي حاجات حلوة دايما و كدة

ريان { احم احم كلام لكن .. اسمو منو ؟

حنين { والله نسيت تصدقي بس خلاص سافر و نسيتو بس في جمله نهائي م قادرة انساها كان قال لي <انا معاك م تخافي >

ريان { ي حليلو .. مفروض كان تكوني بتتواصلي معاهو

حنين { زمان م كان عندي تلفون ولا حتى هو ..عشان كدة .. المهم يعني خلاص اصلا كنا شفع و نسيتو ..

🖊طبعا انتو عارفين انه احمد كان كاتب ليها رسالة في نص الكتاب ..و بتسالو اكيد الورقه مكتوب فيها شنو و وكتاب القصص الفيهو الورقه وين؟
طيب ح اجاوبكم على السؤال الثاني بس حاليا ..الكتاب قاعد في غرفة حنين بس في نص الكتب القديمه حقت حنين بتاعت المدرسه ..في شنطة قاعدة في راس الدولاب ..بس كيف و متين حنين ح تفتح الكتاب دا عشان تشوف الرسالة؟🖊

ريان { ي جماعه انا لو م نجحت بموت بموت والله ..

كوكي { حتى انا والله خايفة و النتايج بكرة

حنين { انتو متخلفات؟ نحنا من ناحيه ح ننجح ح ننجح بس دايرين درجات عاليه ..و لازم ندخل نفس الجامعه من اسي وريتكم

ريان و كوكي { اي اي ان شاء الله ..

حنين { انتي ي ريان اسكتي فاضية لي من الاولاد

ريان { ههههه م كدة ياخ بس الولد شكلو جادي كدي لما اتم معاهو الحنك بجي احكي ليكم ..

حنين { طيب

🖊قعدة البنات دي كانت من الساعه 12 ظهر لحدي بعد المغرب و اتونسو كتير و ضحكو  و لعبو و اكلو ..بعد المغرب اي وحده اتخارجت بيتها🖊

*🖊ثاني يوم من الصباح الساعه 7 حنين صحت من النوم و قاعدة قدام التلفيزيون منتظرة المؤتمر و م خايفه اصلا و متوقعه اسمها يتذاع عديل ..اتصلت على ريان و كوكي و قالت ليهم يلا تعالو لي ..قالو ليها شويه و بنجي ..🖊*

جمال{ ان شاء الله ي بتي ربنا يوفقك و ينجحك و يديك الفي بالك

حنين قامت و حضنت ابوها{ و يخليك لي ي احلى بابا في الدنيا

سماح { كدي بس الليله م يذيعوك  .

جمال { حتى لو م زاعوها م ضروري ي سماح مالك انتي خانقه على البت كدة

حنين { ان شا الله ي امي ح يذيعوني  بس انتي ادعي

سماح { ايي بدعي ..قرايتي القريتها ليك دي م تروح على الفاضي اصلا ..تعبتا معاك شديد انا

حنين { امي خلاص ماف داعي للكلام دا

سماح { اي خلاص بس لازم يزيعوك  .و الا تعبي دا ح يكون راح ساي

حنين { ي امي ياخ قلنا ان شا الله ..مالك انتي

*حنين زعلت و قامت دخلت غرفتها .. و هي قاعدة و عايزة تبكي و كدة ي دوب خافت من النتيجه و من كلام امها ..ابوها دخل عليها و قعد جمبها و مسك يدها*

جمال { انتي عارفه ي حنين امك م قصدها شي و كل الامهات كدة اصلا ..

حنين { بس م ممكن كدة ي بابا

جمال { ان شا الله ي بتي ح يذيعوك و حتى لو م زاعوك درجتك ح تكون عاليه و تقولي الحمدلله بس ..

حنين حضنت ابوها تاني{ بالجد الله يخليك لي انت اهم شي عندي في الدنيا

*🖊حنين سمعت صوت صحباتها برة و طوالي طلعت ليهم و قعدو و المؤتمر بدا ..*🖊

*🖊ذاعو العشرة الاوائل و حنين م كانت معاهم و بدت تخاف و عيونها عايزين يدمعو و يبكو خلاص ..🖊*

*🖊فجاءة سمعو اسم حنين و طوالي حنين وقفت و امها عايزة تزغرد ..بس الاسم طلع حنين فارس عبدالله ..طوالي حنين قعدت و امها رجعت صرت وشها تاني ..المهم تاني المرة دي سمعو البذيع قال حنين و قبل م يكمل الاسم حنين ولا اتحركت ..بس قال حنين جمال علي طوالي حنين دي صرخت و نططت و ريان و كوكي حضنوها و امها زغردت و حضنت ابوها شديد ..و فجاءة اخوها محمد جا داخل و معاهو حلاوة و بارد و شوكولاتات حاجات كثيرة ..و حضنها و قال ليها مبروك ..قالت ليهو متيييين جبت الحاجات دي ..قال ليها متاكد انك شاطرة و اكيد ح يزيعوك ي احلى اخت في الدنيا ..قالت ليهو وانت احلى اخو في الدنيا ..*

*🖊المؤتمر انتهى و ريان كوكي م زاعوهم دخلو على النت و شافو نتايجهم  ..كوكي(89) و ريان (67) ..ريان فجاءة اي شي اتقفل قدامها و حست انها غبيه شديد وانه صحباتا جايبين درجات عالية و هي لا ..كوكي بدت تتكلم معاها و تقول ليها في كلام يهديها ..و حنين كمان قالت ليها والله درجتك حلوة ..بس ريان م سامعاهم نهائي و خايفه من امها بعد م تعرف ..و طوالي طلعت سريع و م اتكلمت مع زول و مشت البيت و حنين و كوكي سريع طلعو وراها 🖊*

♡♡