♤حنين♤

حنين 15

رواية .. ♤ حنين ♤

بقلم .. كيمو 🍟

♤15♤

*مصعب قعد مع ريان بس م كان فاهم شي و لي البت دي هنا ؟ .. طوالي قال ليها دقيقه بس عايز اتصل مكالمه .. و قام من جمبها و اتصل على شهد عشان يسألها دي منو و الحاصل شنو يعني .. بس شهد م ردت عليهو نهائي في الاخر رجع و قعد مع ريان و م عارف اصلا يتكلم يقول ليها شنو و ريان طبعا تتبسم و تتخجل كدة و ساكته برضو ..فجاءة حنين اتصلت على ريان .. ريان ردت عليها .. حنين قالت ليها انها في المول .. ريان قالت ليها تعالي الكافيه الفي الطابق الاول ..*

*طوالي حنين طلعت و اول م وصلت شافت مصعب في وشها و ريان قاعدة معاهو ... حنين قربت منهم و مصعب لاحظ ليها و طوالي ابتسم و قام من الكرسي و قال ليها حنييييين .. حنين م فاهمة شي و قالت ليهو اهلين .. ريان كانت بتعاين لي حنين بطريقة بايخه شديد .. مصعب قال لي حنين اقعدي اقعدي .. حنين قعدت و  عاينت لي ريان و ب استغراب قالت ليها في شنو ..ريان بدت تتكلم ..بطريقة استفزازيه كدة*

ريان { ازيك ي حنين

*حنين حست انه ريان متغيرة و في حاجه غلط.*

مصعب بي ضحكه صغيرة كدة  { ي جماعه انا طبعا م فاهم شي فهموني ..

*مصعب طبعا بعد م حنين جات مفتكر انه القعدة دي عشان يظبطو ليهو معاها ..*

حنين { ولا انا م فاهمة شي

مصعب { يلا معناها انتي ي اسمك منو صحي ؟

ريان عاينت ليهو باستغراب كدة و ضحكت طوالي و قالت { غايتو انت ي مصعب لازم تهظر في اي شي

مصعب بدا يضحك { المهم اها فهمينا

ريان عاينت لي حنين بنظرة قاسيه كدة و بدت تتكلم { بعرفك لي 3 سنه بقيت صحبتك شديد كل يوم معاك في بيتكم.. كل يوم طالعه معاك ..وقفتا معاك في اي شي .. و كنتا بحبك شديد و كنتي اكتر من اختي ..

حنين م فاهمة اي شي طوالي قاطعتها . { كنتا ؟

ريان كملت كلامها بطريقة اقوى { اي كنتي .. اصلا م قايله انك ح تعملي فيني انا حركه زي دي .. حركه جبانه منك و حركات بنات زفت انتي عارفاني م بحبها .. ابو اليوم العرفتك فيهو زاتو ..

مصعب طوالي اتكلم ..{ بسم الله دقيقة ي جماعه في شنو ؟

حنين دموعها بقت في عينها و بصوت واطي { م عارفه انا والله

ريان كملت كلامها بي زهج و بدت تعلي صوتها شويه { انا افهمك ي مصعب في شنو .. في انه البت المتخلفه المعاقه الجمبك دي كانت من اعز صحباتي .. و اكتر وحدة كنتا بحترمها و بحبها و بعمل معاها اي شي .. بس حاليا هي اكتر وحده تافهة و زباله و زفت على راسها ..

حنين { في شنو ي ريان م فاهمة شي انا ..

ريان دموعها بدت تنزل ..{ في انك اكتر وحده خاينه في الدنيا دي ..

*مصعب شاف ريان دموعها نزلت طوالي مسك يدها ..و قال ليها لا م تبكي .. الا البكا.. براحه بنتفاهم ..*

ريان { شايفه ؟ شايفه ي زفتا ياهو ماسك يدي و جيتي لقيتينا قاعدين مع بعض ..و لو عايزة كمان ممكن اجيب ليك اختو هنا تثبت ليك انه بحبني انا ..

*في اللحظة دي مصعب طوالي نطط عيونو .. عايز يرد كدة ..ريان كملت كلامها ..*

ريان { اختو دي الكشفت حقيقتك ي كذابه ي خاينه .. تعملي فيني انا كدة ..

*حنين طبعا بدت تفهم انه الموضوع عن مصعب بس م فهمت موضوع اختو كشفت حقيقتك دي ..*

حنين { كدي دقيقة ي ريان .. انتي م فا..

ريان قاطعتها طوالي { عايني عايني م تبرري لي اي حاجه ولا عايزة اسمع صوتك دا

*مصعب ساكت بس و م عارف يقول شنو لانه م فاهم اصلا .. لكن فهم انه اختو طلعت غبية شديد و الظاهر كدة انها كانت مفتكرة ريان البت العايزها هو ..*

ريان { انتي لسه قاعدة قومي ياخ اتخارجي .. و من الليله لا بعرفك ولا بتعرفيني البينا كله انتهى ..

حنين { ي ريان انتي ل..

ريان قاطعتها تاني { م عايزة اسمع اي زفت منك قلتا ليك اتخارجي

*حنين زعلت شديد و طوالي قامت .. مصعب عايز يوقفها كدة بس بي زهج قالت ليهو ابعد مني .. و طلعت طوالي ..*

*مصعب رجع قعد جمب ريان ..*

ريان مسحت دموعها و قالت ليهو { اسفه والله اسفه

مصعب { اسفه على شنو اصلا لاني م فاهم ولاشي ..

ريان { اصلا م ح تكون فاهم .. انا بحبك شديد ي مصعب والله شديد شديد و من اول يوم شوفتك وانا حبيتك و عايزاك لانك سحرتني عديل و انا بالجد كل يوم بفكر فيك ياخ انا كل يوم بحلم بيك .. نفسي اكون معاك بس

*مصعب لقى نفسه في موقف محرج و صعب شديد و م قدر يرد على ريان و سكت بس ..و قال ليها انه اتاخر على المحاضرة .. ريان قالت ليهو اكيد لازم تمشي بعد كدة لانه بعد الحصل دا خلاص اليوم م بنفع تاني .. بس اكيد ح نتلاقه تاني صح .. مصعب ساكت بس م رد عليها .. قالت ليهو اكيد صح ..*

*حنين و هي راجعه حابسة دموعها و متين ترجع البيت عشان تبكي و م قادرة تنسى ولا كلمة قالتها ريان .. و اول م وصلت دخلت غرفتها و بدت تبكي و تبكي لفترة طويله ..*

*مصعب و هو في الجامعه كان سرحان الوقت كلو و بحاول يفهم الحصل و بتصل على شهد بس م بترد عليهو خالص .. لحدي م ردت عليهو ..*

شهد { اها اها ي مصعب مالك مشغولة انا ..

مصعب { سؤال واحد بس

شهد { اسأل سريع

مصعب { البت القلتا ليك اني عايزها و كدة اسمها منو ؟

شهد { كيف يعني اسمها منو .. دا سؤالك اسي

مصعب { جاوبي بس ي شهد

شهد { ياها ريان ي مصعب

مصعب { ريان ي شهد في عينك ..

شهد { هي مالك..

مصعب { ح تجي البيت متين؟

شهد { المغرب

مصعب { لما تجي بنتفاهم

شهد { كويس