♤حنين♤

حنين (الاخيرة)

رواية .. ♤ حنين ♤

بقلم .. كيمو 🍟

♤25♤

*الاخيرة على جزئين*

*الجزء الثاني ..*

احمد { اسف بس م اكون قاطعتكم

جمال { منو انت؟

احمد { انا احمد ي عم جمال جيرانكم زمان

جمال { اهااا .. كبرتا والله ي احمد

احمد { تسلم ي عمي .. انا جاي حاليا عشان اخطب حنين ..

*حنين في اللحظة دي حست انه الدنيا كلها في راسها .. و م عارفه تفكر كيف عاينت لي كوكي و ريان و بي راسها  قالت ليهم تعال جمبي ...فعلا جو وقفو جمبها .. بي صوت واطي قالت ليهم دا شنو البحصل دا .. انا بحلم ؟؟ هل انا بحلم؟؟ .. ريان قالت ليها حتى انا م فاهمة والله .. كوكي قالت ليهم اسكتو بس انتو ح تفهمو .. و اسي انتي ي حنين استعدي لاصعب سؤال في العالم*

جمال { اها ي بتي .. قدامك ولدين مؤدبين و محترمين و انا بوافق على البتوافقي عليهو ..

*حنين سكتت كدة و م شايفه الا مصعب و احمد قدامها و راسها شغال يفكر .. تختار مصعب ال عمل عشانها حاجات كثير و حاول يفرحها دايما حتى بعد م كانت بتحرجو .. و لا تختار احمد الولد ال من زمان م نساها و لسه عشمان فيها و بحبها بالجد ..*

جمال { اها ي بتي ..

*كوكي عاينت لي حنين كدة و ابتسمت ليها و عارفاها ح تختار منو ..*

حنين بصوووت عالي و بدت تبكي  قالت ..{ اكييييييد احمد اكيد احمد احمددددد ..

*♡احمد طوالي قرب منها و مسك يدها و مسح دموعها و قال ليها ..<< م تبكي و لا تخافي انا معاك >> .. كنتا متاكد والله ..و فجاءة جمال و محمد و مصعب و شهد و كوكي كلهم بقو يصفقو و فرحانين ... حنين استغربت و عاينت لي مصعب لقتو برضو فرحان و بصفق .. ريان قالت لي كوكي في شنو ي كوكي .. كوكي قالت ليها ح تفهمي اسي .*

*حنين قالت لي احمد ح تفهمني الحاصل دا ولا لا .. لاني خلاص ح يغمى علي .*

*احمد بقى يضحك كدة و قال ليها ح افهمك اي شي ..*

حنين { اها قول ..

*احمد { طيب ي حنين اول شي انتي مفروض تفهمي انه ماف شي حصل ساي .. اي شي كان مرتب ليهو من يوم م مصعب جا و سكن جمبكم هنا ..لانه ي حنين مصعب دا يطلع ود عمتي ..*

*حنين طوالي عاينت لي مصعب كدة .. ابتسم ليها و قال ليها اسمعي اسمعي ..*

*احمد { الحصل ي حنين انه انا بعد شهرين كدة مما سافرنا انتي م رسلتي لي و  عرفتا انك م قريتي الرساله او ضاعت او اي شي .. بالجد زعلتا شديد و م كنتا قادر انتظر لحدي م اخلص جامعه على الاقل 4 سنه عشان ارجع السودان و اشوفك و كنتا متاكد انه ح يكون في زول في حياتك .. بس م كان في يدي شي .. لحدي م مصعب ود عمتي قال لي انه عايز يرحل و كدة .. طوالي جات في بالي فكرة .. و الفكرة كانت انه يجي يسكن في نفس البيت الكنت فيهو انا و يكون قريب منك و يعرف لي عنك اي شي ..*