HBS 3: My Best Friend's Best Friend (GxG) COMPLETED

Chapter 25: Don't Know What To Do

Lila

Hindi ko alam kung mayroong mga natitirang babae pa ba ang hindi nahuhumaling sa karisma ni Sarah. Dahil sa loob ng apat na gabi, palagi itong may inuuwing babae.

Gustuhin ko man na pagsabihan siya, hindi ko magawa. Sino ba naman ako para gawin iyon? Kahit pa naturingang manager niya ako, hindi parin maitatago ang totoong nararamdaman niya para sa akin. At ganoon din ako para sa kanya. Desisyon at kagustuhan parin nito ang susundin niya sa huli.

Kahit na selos na selos na ako, kahit pa nasasaktan na rin ako, kailangan ko iyong tanggapin. At mas piliing itago na lamang sa aking sarili. Kasalanan ko naman kung bakit siya nagkakaganito eh, hindi ba? Dahil ang tanga-tanga ko sa parteng, pumayag sa kagustuhan ni Michael.

Pero anong magagawa ko? Naguguluhan na ako. Sa sarili ko at sa nararamdaman ko. Ayoko lang naman na masaktan ko sila pareho. Pero ang ending, ganon parin. May masasaktan at masasaktan parin pala ako.

Minsan, napapa-isip na ako. Siguro ganito ang nararamdaman ni Catherine noon, iyong mga panahong mahal pa nito si Breeze pero kailangan niyang manatili kay Sarah. Habang ako naman ngayon eh, pinipili kong magsinungaling at hindi magpakatotoo sa sarili ko at pati narin kay Michael, para piliin ang kung ano mang meron kami ni Sarah.

Gusto kong maging maayos kami. At kung kailan naman ngayon ko na napag desisyunan na kausapin siya, doon ko naman ito hindi mahagilap. Hindi rin siya nag pakita sa appointment kanina para sa bago nitong project na pepermahan, kaya ang nangyari, wala akong na pala. Umuwi na lamang ako ng masama ang loob dahil for the first time in record, magmula ng maging manager niya ako, ngayon lang ako na reject ng ganoon.

Paulit-ulit ko siyang tinatawagan sa kanyang phone number, pero kahit na isang beses, hindi niya iyon sinagot. Mabuti na lamang at may nakita akong post sa instagram kung saan naka tag si Sarah. Dahil doon ay nalaman ko kung saang bar siya naroroon.

Pero teka...muli akong napatingin sa litrato na siyang naging dahilan ng ikina-init ng aking ulo.

Hindi man lamang siya nag disguise o kahit na anong bagay na pupweding ipantakip sa mukha niya?! Argh!

Agad na umalis akong muli sa bahay at pinasibad ang aking kotse. Pinatakbo ko ito sa pinakamabilis na kaya ko. Mabuti na lamang din at medyo may kalapitan lang ang bar sa bahay. After twenty minutes ay nakarating na rin ako.

Isa pala itong private gay bar, kung saan mayroong private rooms para sa mga kilalang tao. Kaya kinailangan ko pang isa-isahin ang bawat kuwarto para mahanap lamang si Sarah.

"What are you doing?!" Agad na singhal ko sa kanya ng tuluyan ko itong mahanap. Mayroon siyang kasama na dalawang babae, na halos eh kita na ang kanilang mga kaluluwa dahil sa sobrang iksi ng kanilang suot na damit.

Namumungay ang mga mata na napatingin si Sarah sa aking direksyon. Halatang lasing na lasing na ito. Agad na napatayo siya at lumapit sa akin, habang naka ngisi.

"Ow... You're here." Wika niya at sinipat ako ng tingin mula ulo hanggang paa. "Want a kiss from me?" Sarcastic na tanong pa niya bago walang sabi na hinila ako at mabilis na hinalikan sa aking labi. Hindi iyon nagtagal dahil agad niya rin akong binitiwan, sabay napa tingin sa aking daliri na mayroon na ngayong suot na singsing.

"Sorry, I forgot. I shouldn't kiss you. Taken women are not allowed here. Only singles." Pahayag niya at tuluyang napa angat na ng tingin para salubungin ang aking mga mata. Seryoso narin ang kanyang mukha.