HBS 3: My Best Friend's Best Friend (GxG) COMPLETED

Chapter 37: Chasing Her

Lila

Halo-halong emosyon ang naramdaman ko noong makabalik si Michael ilang araw nalang bago ang kasal namin. Ipinagtapat nito sa akin ang lahat, tungkol sa video na isinend nito kay Sarah noong huling araw na makita ko ito sa restaurant na iyon.

Iyak ako ng iyak dahil sa galit, sinampal ko siya ng paulit-ulit hanggang sa wala na akong lakas pa para magawa iyon. Akala ko kasi sapat na sa kanya ang pagpayag kong pagpapakasal, hindi parin pala. Hindi ko na rin ipinaalam pa ang bagay na ito at pilit na itinago sa mga kaibigan ko, pero nalaman parin nila. Alam kong malalaman naman talaga nila, because they have many ways to know the truth.

Hindi ko lubos maisip kung ano ang mga nararamdaman ni Sarah noong mga oras na iyon, lalo na noong makita nito ang video. At labis akong nasasaktan para sa kanya, hindi ko man lamang nagawang maipaliwanag ang sarili ko. I wish I had known about it right away. I might have changed my mind, maybe I wouldn't have hurt her so much. I wish I knew! I wish, I was still with her in those moments.

Ipinagtapat din ni Michael ang pagpunta nito kay Sarah, para personal na huminge ng tawad. Mabuti naman kung ganoon at nagkaroon siya ng kapal ng mukha na humarap kay Sarah.

Habang ako naman, hindi ko alam kung sa papaanong paraan ako dapat huminge ng tawad dahil sa mga naging desisyon ko. Alam kong unang-una, wala akong dapat pagsisihan doon, dahil ginawa ko lamang ang bagay na alam kong makakabuti para sa kanya. Ngunit alam kong may mali parin ako, dahil hindi ko man lamang siya binigyan ng pagkakataon o kahit na ilang minuto para maipaliwanag ko ang sarili ko. Ipinagdamot ko sa kanya ang kakarampot na bagay na iyon.

Habang nandito ako sa Spain, nalaman ko rin ang iba pang pinagdaanan ni Sarah. Lalo na ang kaliwa't kanan na mga kasong kinaharap nito, nagpapasalamat ako dahil nandoon si Alice para damayan at alalayan siya. Isama mo na rin sina Breeze, Adriana at Billy na hindi talaga siya iniwan at pinabayaan. Dahil sa mga ginawa nila para kay Sarah, pakiramdam ko, isa rin sila sa mga taong lubos na nasaktan ko. Ipinagkait ko rin sa kanila ang bagay na dapat ay karamay ko sila sa anumang pagsubok at problema.

Napapailing na lamang ako sa aking sarili bago napa buga ng hangin sa ere. Bahala na, ang mahalaga, mayroon parin akong pagkakataon para harapin silang lahat.

Tuluyan na akong binitiwan ni Michael. Kahit masakit para sa kanya, agad na itinigil nito ang nalalapit na sanang kasal namin. Madami man ang nadismaya lalo na sa parehong pamilya namin, pinili parin ng mga ito na irespeto ang naging desisyon namin. Habang ang mga magulang ko naman ay hanggang ngayon, hindi parin matanggap ang lahat. Pilit parin na gusto nilang isakatuparan ang gusto nilang mangyari. Bagay na mas lalo lamang na ikinalayo ng loob ko sa kanila.

Pero si Michael? Tuluyan na niya akong pinaubaya sa taong sa tingin niya ay mas karapat-dapat para sa akin. Sa taong alam niya na labis na minamahal ko, sa taong hindi na niya mapapalitan pa dito sa puso ko.

Now, it's time for me to face the truth, para bumalik sa lugar kung saan nagsimula ang lahat, kung saan nandoon si Sarah at hinihintay ang pagbabalik ko.

Sana. Sabi ko sa loob ko.

Sana nga ay hinihintay parin ako nito katulad ng inaasahan ko.

Magkahalong kaba at excitement ang aking nararamdaman habang papalapag ang eroplano na aking sinasakyan. Hindi ko man alam kung anong kapalaran ang naghihintay sa aking pagbabalik, pero...isa lang gusto ko, ang muling mahagkan at makita ang babaeng lubos parin na minamahal ko.