HBS 3: My Best Friend's Best Friend (GxG) COMPLETED

Chapter 32: This Is The Day

"Love is the most scary thing in the world. Because of how fast it makes you happy, it can make you sad too. When you make someone your world, one day---you will wake up to be in the air, as if you were a wind she never saw. And the worst part is, you're the enemy of the whole world. Until it destroys you."

Sarah

Pagkatapos ng apat na araw, ngayon, madalas wala si Lila. Abala kasi ito sa other projects ko na paparating, habang ako naman ay abala rin sa kaliwa't kana na aking photo shoot. Nagkikita lamang kami kapag nasa bahay na, pag uwi galing sa trabaho. Pero kahit na ganoon, bumabawi naman kami palagi sa isa't isa.

Sa loob ng apat na araw na iyon, abala man kami sa kanya-kanya naming trabaho, hindi parin namin nakakalimutan na bigyan ang isa't isa ng sapat na oras. Mas lalong pinagtitibay pa namin ang aming relasyon sa kabila ng pagiging busy sa araw-araw.

I mean, ganon naman talaga dapat diba? Quality time, ika nga nila, ang isa sa pinaka mahalagang bagay pagdating sa isang relasyon.

Sa ngayon, wala na kaming naririnig pa na balita mula sa mga magulang ni Lila. Marahil bumalik na ang mga ito sa Spain, habang si Michael naman ay marahil abala na ring muli sa kanyang negosyo. Ayaw na rin namin kasing alamin pa ang mga balita tungkol sa mga ito.

Mas maayos na kami ngayon ni Lila. Mas tahimik na rin ang pagsasama namin. Unti-unti ng bumabalik aa normal ang buhay namin.

Sana.

Sana nga ay malaya na kaming muli ni Lila at magpatuloy na iyon. Gusto ko na ng mapayapang relasyon kasama siya. At para narin maka usad na kami sa buhay na pinapangarap naming dalawa.

At ngayong araw nga, nagtataka man ay pilit na itinuon ko na lamang ang aking atensyon sa paglilinis ng bahay. Kanselado kasi ang lahat ng appointments o schedules ko para sa ngayong araw. May biglaang lakad kasi si Lila at hindi naman nito nabanggit sa akin kanina kung saan.

Marahil mayroon silang lakad na magkakaibigan, ayaw ko naman na minu-minuto eh nagtetext ako sa kanya. Ayoko rin naman na isipin ng mga kaibigan nito na OA ako, ano? Tama lamang na bigyan ko rin ito ng sapat na oras para sa sarili niya at sa personal na buhay niya. Kahit naman girlfriend ko na siya, may free will para naman siyang magawa ang lahat ng mga gusto niya.

Isa pa, malaki ang tiwala ko sa kanya. Walang makakatibag noon kahit na sino.

Kaya lang kasi, matatapos na ang araw. Kahit isa man lamang na text o reply mula sa mga messages ko eh wala man lamang siyang ibinibigay. Nagsisimula na akong mag panic at mag-alala.

Kanina pa rin ang panay tawag ng mga kliyente sa akin, pero kahit na isa, wala akong sinasagot na tawag mula sa mga ito. Ang gusto ko lang ngayon ay malaman kung okay lang ba si Lila.

Ano kaya kung tawagan ko si Breeze? Tanong ko sa sarili. Pero....hays! Maghintay na muna siguro ako kahit na ilang minuto.

At makalipas nga ang ilang minuto, kusa na lamang tumunog ang aking cellphone. Mabilis na binuksan ko ang isang text na dumating lalo na noong mabasa ko na galing kay Lila ang message na iyon.

Sinabi nito na magkita kami sa address na ibinigay rin nito sa text. Sinabi rin niya na mayroon siyang surpresa para sa akin.

Dahil doon ay excited na nagbihis na ako at agad na umalis ng bahay. Walang humpay ang aking pag ngiti habang nagmamaneho ng sasakyan, napapakanta ako dahil sa sobrang saya na nararamdaman.