STS #2: Give Me More

Kabanata 3

Kabanata 3

"Kairo, wait! Wag ka munang matulog!" Hinabol ko siya nang magtuloy tuloy siyang pumasok sa kwarto niya. Binagsak agad niya ang sarili sa kama at ibinaon ang kanyang mukha sa unan.

"Bakit ba? Inaantok na 'ko."

No no no, my dear cousin. Kailangan mo munang bigyan ng liwanag ang kinabukasan ng yagit, pero maganda mong pinsan. Lumundag ako sa tabi niya.

"Close kayo ni Sam?"

"Hindi."

"Bakit hindi?!"

He turned his head to face me. "At bakit naman kami magiging close?"

"Because you're drinking with him?"

"Nah." Tamad na sagot niya at humarap sa kabilang side. "He's just a common friend."

"Pwede na 'yon! Basta kailangan makipag close ka sa kanya next time ha?"

"Why would I do that?"

"For me. Please? Ayaw mo ba 'kong maging masaya?"

Bigla siyang bumangon at nakasimangot na umupo.

"What the hell? Do you like him?"

"Obvious ba? I really really like him, Kai. So, please?"

Inirapan niya 'ko at ibinagsak ulit ang katawan niya sa kama. Kinikilig ko ring ibinagsak ang sarili ko sa tabi niya.

"Kapag ako tinulungan mo kay Sam at naging kami sa huli, I promise to be your slave forever!"

"Malala ka na." Ipinagtulakan niya 'ko hanggang sa mahulog ako sa kama!

"At least maganda!" I spanked his ass that made him groan before I quickly left his room. Buti nga sa 'yo!

Kinabukasan since maagang gumigising si Kairo, pinilit ko ring gumising ng maaga para abutan ko siya bago ako pumasok sa trabaho. Kinulit kulit ko siya na tawagan niya ko if ever na ayain ulit siyang uminom nina Steel. Inis na inis siya sa 'kin sa pangungulit ko ng maaga kaya wala siyang nagawa kundi ang umoo. Bwahaha. Ako ang nagwagi!

Patalon talon akong lumabas ng condo at nag-abang ng taxi. Malapit lang naman ang PBN News dito. Pwede siyang lakarin actually, pero masyadong mainit ang panahon at baka pagdating ko sa office ay tunaw na ang kagandahan ko.

"Saya natin ah. May jowa ka na ba?"

"Ulul!" Binatukan ko si Justine na kasabay kong papasok ng news room.

"Oh tatapon 'yong kape ko!"

"Edi maganda! Mapaso ka sana." Nilagpasan ko siya at naglakad na papunta sa work station kong nasa dulo pa ng walang hanggan. Iyon nga pala ang epal naming senior video editor. Close kami kahit ang hilig lang niyang sirain ang araw ko simula noong pumasok ako dito sa PBN News. Noong trainee pa lang ako dito ay bagong empleyado naman siya. Fresh grad. Kaya no'ng inabsorb ako ng PBN News ay inabutan ko pa siya. Nagkaro'n tuloy ng continuation iyong kaepalan niya sa buhay ko hanggang ngayon.

"Ang lapad ng ngiti natin ah. May love life, Te?" Bati ng copyeditor naming si Mindy na busy sa work station niya, pero nakuha pang punain ang love life ko.

Nginisian ko siya. "Lapit na."

"Taray! Pag may sobra bigay mo agad sa 'kin ha."

Inapiran ko siya bago ako makalagpas. "Sureball!"

Kumaway naman ako kay Big Boss nang mapadaan ako sa glass walled niyang opisina. Iyon ang boss kong nanay ng best friend kong si Adara na TV New Anchor sa kabilang istasyon. O 'di ba? Bago pa 'ko makarating sa work station ko ay nadaanan ko na halos lahat ng mga kasamahan ko rito. Kaya alam na alam agad nilang lahat kapag hindi ako pumasok sa opisina.