بنيات الفريق

part1

#بنيات_الفريق1

= بتكذبي علينا يا قليلة الأدب ، بتغفلينا عشان تلاقي الاولاد من ورا ضهرنا ؟  دي صحبتك العيانه صح ؟ دايره تجيبي لينا السمعه يا عديمة التربيه ، دايره تشمتي فينا الخلق ؟ اقسم بالله ادفنك تحتي اليله يا كلبه  ..

- دا شنو الكلام البتقول فيهو دا ؟، انت كيف بتتجرىء تتكلم معاي كدا احترم نفسك يا حازم ..

= انا ح اوريك طريقة الكلام الجديده يا مطلوقه ..

بحركه سريعه طلع " القاش " مسكها من شعره و نزله تحتو و محطه  سوطين حارات  في ضهرا ..  منار كوركت  بصوت باكي : يا ماماااااا يا امييييي

امها جات جاريه من المطبخ على صوت صريخا وكواريك حازم ، مسكت طرف القاش من حازم و لفتو حاولين معصمها .. و قفت بين بتها و بين حازم  ،، منار جرت اتحامت ورا ضهر امها  و مسكتا من جلبابه و دموعها عشره عشره .
الام بنهره حادة :  انت جنيت يا ولد بعد تمد يدك على اختك اختك الكبيره ؟ ؟ سوت ليك شنو بعد داير تقتله ؟؟
حازم بزعل  : بتك دايره تجيب لينا العار يا امي ، بتغفلنا عشان تمشي تتصرمح وتباري مع العيال من شارع لشارع ..

ليلى   : اسمع هنا انا م عندي بنات بتباري و بتتحاوم ، البت دي قاعده هنا من اجزت ما طلعت ولا شبر .. امشي فش غيبنتك في الجاب ليك الكلام دا وخت ليهو حد بدل كل مرة جاي متهمه بشي ، ودي اخر مرة يا حازم اااخر مرة .. بحذرك فيها من طريقه تعاملك مع اختك ،، تسمع في كلام صُحبانك الباطلين ما عندهم شغله غير قعاد المساطب والشمشره زي نسوان الجبنه ..

حازم  : ما جابو لي يا امي ولا قالو لي زول شوفتها بعيني دي وافقه معاهو وبتضحك للضرس الاخير جنب دكان عبحميد "عبدالحميد" ، فكيها لي اربيها قليلة الادب .. جرا منار من كتفا بقوة ،، ليلى  مسكت يدو وجرت بتها ورا ضهرها .. اتلفتت علي منار  قالت ليها : صحي الكلام دا يا بت ؟!

منار : لااالا والله يا ماما ما صاح هو فاهم غلط ، انت فاهم غلط يا حازم خليني اشرح ليك ...

حازم جرااها من شعرا بقوه   : تشرحي شنو يا عفنه وانا شايفك بعيني دي دايراني اكضب عيني واصدقكك انتي يا كلبه ؟ .. رفع يدو فوق ونزله بقوة على خدها
منار ببكي  : انت فهمته غلط انا كنت بقطع في الشارع جاء كلب و قعد ينبح ما قدرته اقطع جاء الولد قطعتني الطريق وقفته شكرتو بس ومشيت والله ما حصل شي تاني ولا وقفته معاهو ولاشي ... والله يا ماما دا حصل .

حازم بصوت عالي : و المفروض اصدقكك و اكذب عيني صاح ؟؟

ليلى  : ايوة تصدقه و تكذب عينك ، عينك ما شافت كويس قالت ليك الولد قطعه الطريق وشكرتو لا اكتر ولا اقل كتر الكلام لزومو شنو ؟؟ خشي يا بت كملي قرايتك وانت شوف ليك شغله اقضاها .

حازم :  يا امي عليك الله انتي ما عارفه البت دي زي ما انا بعرفها .. انا شوفتها بعيني دي " واشر ناحية عينو و وجراها تاني من فميلتا بقوة بعد اتشرطت ضربها كف رماها في الارض ،، رفع قاشو يضربه لكن امهم  بسرعه حالت بيناتهم الاتنين و مسكت يدو قبل تنزل في منار .