#بنيات_الفريق32
= كيف يعني في حياته في واحد غيرك ؟
خبي : انسي ..
= ما حا تحكي لي ؟
خبي : الموضوع ما بستاهل
= حابه اعرف ، طولته ما شاركتني شي عنك ...!
عاين لي مسافه : طيب ، من فتره تعامله معاي اختلف بقت بتخلق مشكله بيناتنا بأي وسيله ، كتير بتصل ليها بليل بلقى تلفونها مشغول ساعات لغايه 4ص ! يعني اكيد ما بتتكلم مع صحبته الساعات دي كلها ! دا غير انها ماديه بتكون لقت الاحسن مني حسب كلامه ان رجال صحباتها اغنى مني و مسكنهم في فلل ..!
= بس دا ما اثبات لكلامك يمكن ...
قاطعني : نود انا ما غبي ! ، البنات الزيها ما بقتنعوا بواحد كادح زي .. و متاكد واغقت بي عشان فكرتني مغترب شبعان ما كانت عارفه اني يدوووب بأساس في حياتي ! كل تصرفاته بتوحي بانو في حد تاني في حياته .. مرة اتصلت ليها و شكلها بدل ترفض المكالمه ضغطت على زر القبول بالغلط ، سمعته و هي بتقول لي صحبته كلام ما ظريف عني ، انا ممشيها لغايه اللحظه بمزاجي و على كيفي لكن يوم اثبته افعاله قدامه وقتها حا اسيبه . انا ما بتباع بالسهوله دي .
= و دي حا تعمله كيف ؟
خبي : خليها لوقته
دورته الكبايه بيدي : انت حبيتها ؟
خبي : تؤ ، حب شنو ! لكن اتعودته عليها فيها حاجات جذبتني
= زي شنو ؟
خبي : جميله ، ظريفه ، لطيفه ، و بتعرف تتدلع
= كيف يعني بتعرف تدلع ؟
خبي بضحكه : ما علينا
= عايزه اعرف
خبي حكه انفو : يعني بتعرف تدلع اشرحه ليك كيف دي !
= صعبه تتشرح يعني ؟
خبي : طيب خلينا نقول تهتم
= بس انت قولته تدلع ما تهتم !
خبي : تمام نود تمام حا تمسكيها لي ؟ فضيها سيرة اساسآ ما طايقه
= طيب ..
سكته مسافه
= خبي هو انت حصل حبيت !
خبي : اكيد
= بجد ؟
خبي بضحكه : هو في زول ما حبا يعني ؟
بنبره حزينه و هادئه : يمكن في !
خبي :ما اعتقد
= ليه يعني ؟
خبي : الحب دا زي الدم ما بنعيش من غيروا بنموت
= مهم للدرجه دي ؟
خبي : طبعآ
= اها و انت حبيت منو ؟
أنت تقرأ
بنيات الفريق
Mystery / Thrillerمرحبآ بك في عالمك عزيزتي .. اعدك انك ستجدين نفسك بين السطور ... قد تكونين علامة ترقيم تزيد المعنى وضوحآ ، حرف عطف يقرب بين معنين . فاصلة تفصل بين كذبتين ، ونقطة تنهي بعض الجمل المؤلمه . علامة استفهام بعد سؤال بليغ ، ولربما قوسين يضمان الحقيقه الت...
