بنيات الفريق

part33

#بنيات_الفريق33

سحر : دي كل الاوراق البتثبت فساد و تورط نجوان ابو عاقله في عمليات غسل الاموال  اللي كانت بتتم بإسم شركه المنسوجات .. انا ما قدرته اشوف دا كلو بحصل قدام عيني و افضل ساكته بحكم اني محاميه و الحق دا شغلي !

الضابط : و انتي ليه ما بلغتي من الاول ؟

سحر : يا جنابك انا كنت تحت تهديد يا اما انفذ كلامه و اسكت يا ادفع ليها الملاييين اللي مخلياني اوقع عليها انا و اخوي بالاكراه و تحت تهديد السلاح !

الضابط : بما انك محاميه و عارفه القانون كويس ليه ما اشتكيتي لمن رفعت فيكي سلاحه ؟

سحر : ما كان عندي اي دليل ممكن اثبتو ضدها بالاضافه لانها مرت عقيد لازم يدي تكون مليانه و انا بتهمه !

الضابط هز راسو : نحنا حا نرفع الشكوى و حا نصدر مذكره بإعتقاله فورآ بناء على الادله و المستندات العندنا ..

_______________________
 
نجوان : انا طبعآ الكلام دا ما بيرضيني يحصل في شركتي انا زوله لي اسمي و سمعتي  عشان كدا جيت اقدم بلاغ و اخلي القانون ياخد مجراه

الضابط : مفهوم ، يا مدام مفهوم ، بتقدري تمشي و نحنا نتكفل بالباقي .

ووقفت على حيله و صافحت الضابط : انا كلي ثقه في القانون .

مشت خطوتين و جات راجعه : انا في حاجه نسيتها ما بعرف كيف راحت عن بالي !

الضابط : اتفضلي يا مدام

نجوان : امس امس انا سمعتهم و قال حا يخطفوا واحده .. انا انا متذكره بالضبط القالوهو بس حسب السمعتو منهم هو و اختو كان بقولوا انو حا يودها لي مخزن و لا ياريي قال ".." على ما اعتقد غايتو في الاتنين ديل حاولوا الحقوها اذا بتقدروا حرام البت تضيع 💔

الضابط : انتي ما تشغلي بالك نحنا حا نقوم بكل اللي بيلزم شكرا على تعاونك مدام مجدي

نجوان : واجبنا ولو

نجوان طلعت و هي بتتمخطر في مشيتها و بتقول بينها و بين نفسها : من جهه سودت ووش تغريد و مجدي و من جهه خلصته من سحر و فهد للأبد  خا تعيشي في نعيم يا نجوان كل المال و الاملاك حقتك لوحدك .. ضحكت ضحكه مليانه حقد قبل تفتح باب العربيه و تركب ....

____________________

حمزه : شكرآ لانك قبلتي دعوتي و شكرا على الفرصه ♡

جيلا رفعت كبايه المويه بتوتر : انا ما قولته اني اديتك فرصه انا بس ما حبيت احرجك

حمزه بضحكه خفيفه : يا ستي ما مشكله .. طلع من جيبو قرص فضي مدور مزين بلورات بيضاء  .. مرره باطراف اصابعوا ليها : احتفظت بيهو من لما شوفتك جواهو حاجه غاليه علي شديد ممكن تهتمي بيها عشاني ..!