بنيات الفريق

part19

#بينات_الفريق19

استغربتا من كلام زين : انت جادي و لا بتهظر ؟

  زين : ليه ما عارفه يعني ؟

    = ابدآ ..

زين : غريبه اتوقعتك عارفه .. !

  = بكون نسى يكلمني ، يلا مبرووك بقى عندنا فرحتيييييين ♡♢♤♧

زين بإستهبال : شكلوا راجياهو شكله كبيره 😂

ابتسمتها لزين ابتسامه مجامله ، طلعتا من العريشه من غير ما اسألو عن العروس او منو هي .. ليه  خبي ما كلمني ؟ طالما خطب معناها كان في شوره و كلام كتيييير ليه انا ما عارفه بيهو ؟؟ ، قطع حبل افكاري عمتي سكينه طلبت مني اعمل شاي للنسوان .. خشيت المطبخ عملتا شاي و كبيتو في الترمسه .. رصيت الكبابي و انا برص جا خبي شال كبايه  و بدا يفتش في الترامس ..

خبي : ياته فيهم جبنه ؟

= الاتنين شاي مافي جبنه ..

خبي و هو ماشي : عايز قهوه ، اعمليها استحمى و اجيها .. شلتا الترامس طلعتهم برا .. اي واحده كان بتقول لي كبي براها يعني اعملوا و اجييو لغايه عندك غالباك الكبه؟؟ مسستفزين بشكل جاين يخدموا ولا جاين ياكلو و يشربوا .. ؟ بلعتها في حناني و مشيت اسوي الجبنه .. عملت الجبنه في ترمسه صغيره واحده طلبت قهوه كبيت ليها كبايه و شلتها ليها في صينيه .. ختيته قدامها سالتني : انتي بت مجدي ؟

= ايوة

عاينت لي من فوق لتحت  : كبرتي .. وين امك ؟ متواصله معاها ؟

= اكيد متواصله معاها ..

المرة : صحي .. ؟ ما قالو جدعتك بالسسنين ما سألت عنك !

واحده تانيه : قالو عيانه و معمول ليها عمل صحي الكلام دا ؟؟

المرة ردت ليها : كان عمل كان غيرو في زول بجدع جناهو ؟ و كمان بت امهات اخر زمن ..! " لوت خشمه و هي بتعاين لي "

  _ صحي مرت ابوكي كانت بدقكك وتحرقك بالنار  ؟

المرة : يختي هييي هي لقت الراحه مع مرت ابوها زمان كانت ضعيفه هسا لمن كبرت اتصلحت .. تغريد من يوم يومها مرة مهمله و ما مسؤوله كويس ان مجدي انفكا منها هسا عرس مرة سمحه و فنجريه اخدت بالها منو ومن بتو لولاها كانت طلعت بالشوارع تتمايص ..

  = عمرو مرت الابو ما كانت ام يوم  ، انا الربتني امي  ولا حصل هملتني و لا انا قليلة ادب ..!  و ما بسمح ليكي تتكلمي عن امي  بالطريقه دي اذا عندك مشكله مع امي امشي حليها معاها ما طاعنيها بالكلام ورا ضهرها في غيابه خلي عندك شجاعه و قولي قدامها .

المره : انا السمعتو عنك ما شويه قالو بتتحاومي من ضل لضل ..

  قولت ليها بعصبيه : احترمي نفسك احسن ليك !