بنيات الفريق

part 26

#بنيات_الفريق26

كلام ياسر خوفني شديد ليكون الناس ديلك رجعوا و عملوا فيها حاجه ..!! غيرتا ملابسي و بسرعه ركبتا تاكسي مشيت الجامعه ، اتصلتا لياسر اعرف مكانهم ، كانوا قاعدين في قاعه الا هي و ياسر .. كانت بتبكي بهستريا قعدتا جنبها ...

= مالك بتبكي ، في شنو يا عبير ؟

ما اتفاهمت معاي و دغري مسكتني و بكت .. عاينتا لياسر مستنيه منو تفسير ، هز لي راسو ...

ياسر : لقيتا بتبكي بالطريقه دي من قبيل حاولتا اسكتا و افهم منها بس مافي فايدة ، ما عرفتا اتصرف كيف ؟ قولت اتصل ليكم مافي واحده ردت لي غيرك تجي تفهميها ..!

= كويس انك اتصلت لي ..

ياسر : صحي انتوا وين امس ؟ و اليله ما شايف اي زول فيكم في المحاضره ؟ و دا شنو الفي راسك دا ؟ قبيل لاقيت جيلا بس مشت بسرعه ما لحقتها ..

= عملنا حادث اول امس بالعربيه

ياسر : يا ساتر سلامتكم ما يكون في واحده فيكم اتأذت ؟

= جات خفيفه ..

ياسر : الحمدلله ، اذا احتجتوا شيء انا برا ..

= لا مافي داعي نحنا حا نمشي البيت ما بتقدر تقعد بالحاله دي ..

عاينتا لعبير : عربيتك معاك ؟ هزت لي راسه و طلعت المفتاح من الشنطه ادتني ليهو ..

ياسر : طيب انا امشي ..

= تسلم يا ياسر ما بتقصر

ياسر : ما عملتا شيء ..

ركبنا في العربيه و اتحركنا اثناء ما ماشين ..

= ديل هم ؟

هزت راسها ايجابآ : ما توديني البيت امي جاينها ضيوف ما عايزاهم يشوفوني بالحاله دي خلينا نمشي بيتكم ..

= قاعده عند عمتي الفتره دي ، اشوف ديل اذا في واحده بيتهم فاضي نمشي ليها لغايه تهدي .

عبير : لا ما عايزه امشي ليهم ..

ما اشتغلتا بكلامه اتصلتا لمنار

منار : اي تعالوا اصلا شهلا جاتني قبل شويه امي حا تتأخر عندها صحبتهم اتوفت

= تمام جاين ..

عبير : قولت ليك ما توديني ليهم ما ناقصه اسألتهم انا الفيني مكفيني ..

= ما على كيفك و ما عندي ليكي مكان تاني اوديك ليهو ..

عبير : ناردين من فضلك انا ما ناقصه ..!!

= نحنا واقعين معاك في الحفره دي سوا ما واقعه فيها انتي براك .. اتفضلي انزلي وصلنا ..

~ في البيت جوه ~

عبير استمرا في البكاء و ما نطقت ولا حرف ..