بنيات الفريق

part 20

#بنيات_الفريق20

= تتسجن ؟

خبي بتوتر : انا قولت تتسجن ؟

بعيون حزينه : خبي عليك الله اذا عارف شيء ما تخبي عني ..

صمت برهه قبل ينطق : نود انا وعدته خالي ..

بتوسل : بوعدك مافي زول يعرف بشيء و كأني ما سمعته بس طمني ..

خبي : ما بقدر احكي ، الكلام انا دا مُؤتمن عليهو بس خليكي متاكده انو ح يجي يوم كل شيء يرجع طبيعي

= خبي من فضلك ..!

مسح وشو و ضغط على انفو مسافه و هو سارح بعيد في صمت .
مسكتو من معصم يدو و عاينتا ليهو نظرات ترجي ، مسح رقبتو و شد عليها ، صلح قعدتو اتجاهي ..

خبي : و لا مخلوق يعرف انك عرفتي ..؟

= حتى بيني و بين نفس ما حاجيب سيرة

اتلفت يمين و شمال و همس : نجوان طول فتره قعاده مع ابوك كانت بتسرقو ، دخلتو في صفقات مشبوه من غير ما يعرف دا غير العربات البدخلهم بالسر عن طريق ابوك و برضو من غير ما ينتبه و لمن عرف واجهه كسرت شوكتو بانو اي شي ضدو هو و اذا اتكلم هو الوحيد الح يضرر يعني ما بيدو يدخل في الصفقات دي ولا عندو اي فكره عنها ... اكتر من كدا ما بقدر اذيد حرف

= الله يخليك كمل ..

خبي : نود ، انا مدي خالي كلمه و الاسرار دي انا مُؤتمن عليها و محاسب بيها قدام ربنا .. كدا انا جاوبته على الاسئله الفي راسك و عرفتي ان خالي مجدي ما ليهو ذنب و ما حاقدر اقول اكتر من كدا تمام !!

= يعني هي ما عامله ليهو عمل ؟؟ و بسمع كلامه عشان الورطه دي ؟

خبي : لا عملت واحد سحر تفرقه و واحد عشان يكون خاتم في اصبعه بس حاليآ هو بلعب عليها و هي ما عارفه انو اتعالج من الاعمال بتاعتها يعني محسسه كانو مافي شيء ..

= يعني عمتي حكت ليهو ؟

خبي : ايوه .. في الاول ما كان مصدق بس ساقتو لشيخ و بمجرد ما قرا عليهو قران صرع و قتها اتأكد ..

= يعني هو ..

قاطعني : يعني حاليآ هو وعى للكان بيعملوا و ما بتتخيلي ندمان كيف على الكان بعملوا فيك ..

= طيب ليه ما قال لي الكلام دا لمن واجهتو ؟ ليه خلاني اخد الفكره دي عنو ؟!

خبي : عشان ما عايزك تشوفي ضعيف الحيله ، تكرهيو اهون عليهو من تشيلي همو و تخشي في الدوامه دي ..

= دا كلو و انا ما عارفه ؟ يعني برضو طلعته ظالمه 💔

خبي : انتي ما ظلمتي زول و لا ليك ذنب في شيء الشفتيهو ماهين ولا ساهل ابدآ و كل الحصل لا انتي ليك يد فيهو و لا اهلك كلكم ضحيه دا كلو بسبب خباثه نجوان ..!