بنيات الفريق

part 22

  #بنيات_الفريق22

  النور فتح مع قفلتي الباب اتجمدنا مكانا ، جمعتا قوتي و اتلفتا بهدوء .. ختينا يدينا في قلوبنا بعد لمحنا يزن واقف قدام كوبس النور و بعاين لينا .. عرك عيونو بيدنو و هو بعاين لي .

عبير : الحمدلله كنت ح ابول و الله 😂

جيلا : لو كلم امو نعمل شنو؟

  مشيت عليهو : ما تخافي  ما بقدر بيتكلم اساسآ .مسكني من فستاني و اشر لي اشيلو ، شلتو : دادا حميده موجوده ؟؟ اشر لي براسو لا ..

= ماما ماريا ؟؟!  جمان ؟

هز لي راسو "لا" قبل يتكلو في كتفي و يشبك يدينو في رقبتي . 

عبير : معقوله سايباهو براهو ؟

منار : ح نعمل شنو نخلي براهو ؟ 

يزن غفى بمجرد ما تكل راسو فيني ..

  = انتوا اطلعوا شويه و بجيكم ..

دخلتا بيهو غرفتو ختيتو في السرير صحى و شبك يدينو في رقبتي تاني ، قعدتا جنبو لغايه غرق في النوم كان ماسك يدي بقوة و شادي عليها ما كنت عايزه اسيبو براهو بس اكيد نجوان حا تجى بعد شويه .. سحبتا يدي  براحه و ختيت مخده وراهو و شلتا دبدوب كبير حضنتو ليهو عشان يطمن .  قفلت النور وطلعتا جيت مارة بغرفة جمانه فتحتها بسيط كانت مضلمه و هاديه شكلها مافي ..

بسرعه طلعتا برا البيت و ركبت العربيه

جيلا : مالك اتاخرتي كدا ؟

اتحركتا :  يزن ما خلاني امش ، شكلوا كان خايف ..

منار : المرة دي من كل عقله مخليه ولده براهو في البيت و جايه الحفله ؟؟

= ما شفتي تعامله معاهو كيف  اخير تخلي براهو من تسمعوا كلام يسم بدن الكبير خلي الصغير ..

جيلا : ليه دا كلو ؟

= عشان اخرس

عبير : بس دا ما ذنبو ..

= هي ما بتفهم حاجات زي دي ، لمن يجو ضيوف بتخبي منهم ، ما بتخلي يلعب مع اي طفل قافله عليهو غرفتو 24 ساعه

منار : حرام عليها الله بسأله دا طفل 💔

جيلا : الرحمه البتتنزع من قلب الام قاتله ..

= المهم بنات العملناهو اليله دا يفضل سر بينا اتفقنا ؟

عبير : اطمني مافي واحده فينا ح تتكلم ..

وصلنا الحفله اللي كانت على وشك النهايه خشينا طوالي  نص الناس نجبجب .. جا زين مسكني من يدي و جراني ارقص معاهو  حركتها اكتافي يمين و شمال ( اللخت شترا 💁💔) دخل خالد و نمارق الكانوا منسجمين شديد مع بعض برقصوا بحماس يشهوك الرقيص ، عبير شاتت نمارق بعيد .. بابا الشيخ طلع عن طورو ورباها مع اصاحب زين 😂😂😂💔  خلصت الحفله والكل رجع بيتو ، عدا المقربين الح يحضروا الجرتق .. مشينا بيت العروس نكمل المراسم ، العروس بدلت ملابسه و لبست التوب الاحمر و القرمصيص بدر في سماها تجلى ♡ .. زين لبس جلابيه السُرة و بدت المراسم اللي بإنتهائه زين غطى رسينهم الاتنين بالقرمصيص و 💋💋 وسط صفير و ناس كدا كانت مدنقره خجلانه 😂 🙊🙈💔