#بنيات_الفريق18
خالد لحق خبي ، طلع بيهو برا البيت و اتكلم معاهو
خالد : انت اكيد من البتقولو دا ؟
خبي وهو ماشي : لا بهظر
خالد وقفوا من كتفو : خبي ، متين اخت القرار دا؟ و كيف اختو ؟
خبي مسح لحيتو : امس لقيت روحي فاضي قولت يلا اخد القرار ..
خالد : بطل ثقاله
خبي : منو فينا الثقيل اسي ؟؟ اخوك عايز يعرس تجي تبارك ليهو ولا تقضيها تشكيك ؟؟ مالك يا اخوي ...!!
خالد : سنين نحنا بنقنع فيك بالعرس و انت رافض تجي اليله فجاه تقول عرسو لي ؟ المفروض اني اتعامل مع الموضوع عادي يعني ..!!
خبي : حسيت اني جاهز للزواج
خالد : ونود ؟
خبي دخل يدو في جيبو و هو راسو : ماله ؟
خالد : كنت رابط زواجك بزواجه و حالف ما تعرس مالم تزفها لبيته ..!
شال نفس و طلعوا : اااه .. دي مهمه ابوها على ما اعتقد !
خالد : انتوا متشاكلين ؟
خبي : ابدآ
خالد : انا ما قادر افهمك
خبي : ولا انا قادر افهمك ، عن اذنك ..
________________________
يوم الحنه صحيت بدري شلتا ملابسي و مكياجاتي و كل شيء ممكن احتاجو في شنطه ضهر كبيره ، لبستها و طلعته الجامعه غشيت منار في طريقي ، دخلتا سلمت على خالتو ليلى الشنت علي هجوم عنيف و لامتني على غيابي الفتره الفاتت ..
ليلى : اللقى احبابو نسى اصاحبو
= لا و الله ، الغايب عذر معاهو
ليلى : و انتي عذرك شنو ؟
= عرس زين و حكاوي تانيه ابقى احكيها ليك .. ضروري نقعد
ليلى بإستهبال : اشوف ..
= استأذنك يا ماما ليلى منار تقعد معاي باقي اليوم دا لغايه الحفله ،، او تجي عصريه بدري .
ليلى : ح تجيك العصريه عشان محتاجه في البيت شويه جايننا ضيوف ..
منار : ضيوف منو ؟؟
ليلى و هي ماشه اتجاه الصباره : جايانا موده و اولاده اشتغلي معاي و امشي .
منار مسكتني من يدي و مشت اتجاه الباب : اوكيييه ح احاول اجي بدري .. منار طلعنا قفلت الباب قعدت تنطط بحماس ..
= في كراش في الموضوع ولا بتهيأ لي ؟
منار : تلقيطها و هيا طايره
= ودا منو ان شاءالله ؟
منار : اولادها كلهم مززززززززززز زززززير ون تو ثري فور فايف سفين آيت ... توينتي .. (دي تكمله جملتها لمن جا حازم ماري 😂💔)
أنت تقرأ
بنيات الفريق
Mystery / Thrillerمرحبآ بك في عالمك عزيزتي .. اعدك انك ستجدين نفسك بين السطور ... قد تكونين علامة ترقيم تزيد المعنى وضوحآ ، حرف عطف يقرب بين معنين . فاصلة تفصل بين كذبتين ، ونقطة تنهي بعض الجمل المؤلمه . علامة استفهام بعد سؤال بليغ ، ولربما قوسين يضمان الحقيقه الت...
