بنيات الفريق

part5

#بنيات_الفريق5

كنت بتكلم بتلفون لحظه سمعتا صوت الباب بدق بقوة فصلت الخط و ختيت التلفون في الكرسي و مشيت اشوف دا منو البدق بالقوة دي كلها ؟ فتحت الباب دخل مجدي بعد لزاني بيدو و رمى في وشي صور بغضب ..

مجدي : دا شنو الزفت الفي صور دا .

رفعتا صوره واقعه في الارض و عاينت ليها كان فيها واحده حاضنه ليها راجل في باب ييت ما ظاهر منها شي غير ضهرا و كذا صوره تانيه بس ظاهره فيها شويه ملامح ليها  ، ابتسمتا بإستهتار : اوووو ، دي المكيده وصلت ..!

مجدي بعصبيه  :  انا بتي تعمل كدا ؟ دي اخرتك يا ناردين؟؟

= انا ما عملت شي مرتك هي العملت و ما مشكلتي انك مصدقه .. قعدتا في الكرسي وخلفتا رجل على رجل

مجدي : انتي عايزه تصلي لشنو بعمايلك دي ؟؟ قول لي عايزه شنو ..

= اوووف .  ك العاده هي بتملى ليك راسك بالعايزاهو و انت بتصدق بكل قناعه الدنيا و تجي تشاكلني وتضربني و تمنعني من حاجات مختلفه نفس السناريو كل يوم ! شوف انا مليت ..!!

مجدي :  عارفه اذا طلع دا حقيقه ح اعمل فيك شنو يا ناردين  ؟

= مح يطلع حقيقه عشان الفي صور دي ما انا ، و حتى اذا في احتمال واحد في الميه اني الفي صور دي انت ااااخر واحد من حقو يحاسبني 

مجدي : انتي الظاهر جينتي خلاص ..

= انا ما جنيت انت دي الحقيقه ، ما من حقك  تحاسبني الا في حاله كنت ربيتني وتربيتك ضاعت سدآ بس انت و لا ربيتني و لا حصل كنت لي اب  عشان تحاسبني بحقك ك اب، انت طول عمرك مكتفي بنجوان .. عشان كدا ما من حقك ابدآ انك تحاسبني على شي خصوصي لو متعلق بالأدب ، البيت بيتك انا وراي قرايه و مستقبل ما فاضيه لمكايد مرتك دي ... عايزه امشي جراني من يدي و ضربني كف بقوة ..

مد لي اصبعوا بغضب : لسانك الطويل دا حا اقصو ليك ..

= بتقدر تقص لساني بس ما بتقدر لي مرتك ..  رجع لي الكف تاني و مرق ..

دخلتا غرفتي و قفلتها علي اخدتا نفس عميق و تكلت راسي في الباب ، نزلت من عيني دمعه مسحتها وانا بزح من الباب . العبرة كانت خانقاني وحاسه بضيق في صدري  ، ما بكلف نفسو يتأكد حتى الصور دي لو اديتا لواحد في الشارع و قولت ليهو دي انا ؟ حا يقول لا ، بس طالما نجوان قالت دي انا يبقى دي انا غصب  ركبتا سماعتي وشغلتا اغاني ..

___________

  نجوان بعد سمعت كلام صحبتا  سكتت مسافه وهي بتتلفت يمين و شمال .. بعد اتأكدت تمامآ انو مافي زول خطت خطوتين اتجاه الحديقه البرا و خفضت صوته  بتوتر وتمتمه : خلاص .. خلاص اهدي ، في شنو  ؟، ما تزعلي نفسك الكلام اخد و عطا ما كدا ! خلينا نتلاقى بكره في مكان هادي و نكمل كلامنا ..