بنيات الفريق

part17

#بنيات_الفريق17

ابتهال : دي كلها هدايا ليكي ؟

سبأ بفرحه : ااي عشان رجعنا ، انا برضو جبته ليهو هديه ..  ورجع معاي احسن من زمان كمان ♡

ابتهال : رجعتوا ؟

سبأ : اي رجعنا و وعدني انو تاني ما ح يصدق اي كلام يتقال عني ..

ابتهال : كويس و الله ..

سبأ : شكرا يا ابتهال لولاك ما كان رجعنا ♡♡

ابتهال : ابدآ ما عملته شيء يذكر .. لو ما وقفتها معاك يقيف معاكي منو ؟

سبأ ضمتها : انا حظي في الدنيا بتمثل فيك 😔💙🐾

ابتهال بضحكه مصطنعه : حبيبتي 💙🐾

_______________________

عماد : يا ابوي ولدك مابي لينا ببتو

عبد الرحمن : يابا لينا نحنا اخوانو ؟؟

فيصل : البت ما دايره ، اجبره ؟

عماد : اي تجبره من متين  نحنا بنمشي على شور بناتنا ؟؟ ولا داير البينا يخلص ؟

فيصل : انت اخوي على عيني وراسي بس ما بجبر بتي و تبقى مريم تانيه ما عندي استعداد اضحي ببتي عشان غبائك انت لو عايز تقطع البينا اقطعوا لكن بتي ما بجبره .

عماد وقف بزعل : خلاص يا اخوي انسى انو عندك اخوان .

سفيان ضرب بالعصا و قال ليهم بهدوء : مافي واحد فيكم ح يجبر بتو على شيء طول ما انا عايش ، مافي عرس جبر تاني ح يتم في البيت دا .. والعايز يقطع رحمو يقطعوا معاي انا ابو لكن ذنب مريم ما بشيل زيو لمن اموت ..

عماد : ابوي دا شنو الكلام البتقولو دا ؟؟ قول خير..!

سفيان عاين لعماد : اكعب شيء في الانسان قسوة القلب .. السنين دي كلها وما اتغيرت يا عماد لسه قاسي زي ما انت ما اتعظته ،  لسه شايف ان اي شيء بتحل بالعنف و التهديد اخوي ود امي و ابوي بعد موت مريم قطع علاقتو معاي و زعلان منا اداني الفاتحه حتى في موته ، قتلت بت حشاي بيدي عشان ود امي الهانت عليهو الخوه ..

عماد : انا يا ابوي ..

سفيان : البعادي اهلو مافيهو خير .. ما تخلو الشيطان يخش بيناتكم ما تدوهو فرقه .. اتلفت اتجاه فيصل : الندم حار ، الندم حار يا ولدي موت بالبطيء اوعك تسمع ليهم .

فيصل : انت ما السبب يا ابوي ..

سفيان : انا الجبرتها .. انا القتلتها انا و اخوانك القدامك ديل مريم ماتت  بسببنا نحنا ، انا و عماد و عبدالرحمن القتلنا مريم ودفناها قتلتي بتي بيدي انا القتلتها و اخوانك عاونوني في الدفن .

عماد : يا ابوي حرام عليك نحنا ما قتلنها ما تحملنا الذنب مريم شنقت روحها براها ..

سفيان : نحنا السبب و لكل شيء سبب و انت بذات يا عماد كنت شريك سوء لي . الله بعاقبني في الدنيا على ذنبي  طلعتوا نسخه مني ومن شريف اخوي ، ما اختو العبره ما اختو العظه ..  الزمن بعيد نفسو قدامي و في عيالي .. ياريتني موته قبل اسمعكم بتقول كلام زي دا .