#بنيات_الفريق39
~ الاخيره♡♢♤~
= المساء و عقد ؟
خبي : اي عقد
= كدا طوالي ...؟!
خبي : و ليه ما يكون طوالي؟ شنو المانع ؟
= مش الفكره بس ... " شلته نفس " : كنت بفكر نربط فتره و بعدها نتخطب و بعدها نعقد نمشي بالتدريج يعني ..
خبي : انتي بتحبيني و انا بحبك و اهلك و اهلي موافقين ندرج ليه ؟ .. خير البر عاجله !
= بعرف بس .. انا عايزه احب و اتحب و اعيش قصص زي صحباتي .. يعني نطلع سوا و ندردش سوا و كدا يعني .. !
خبي اتحنى اتجاهي و بإبتسامه : ما انا حا اعيشو معاك كلو بس بالحلال ! يعني بدل نطلع من ورا ضهر اهلك حا نطلع بحلالنا ك زوج و زوجه .. بدل ما نسترق نظرات محرمه من بعض و ندخل نفسنا في ذنوب ! املى عيني منك زي ما عايز و برضى ربنا كمان .. ! ما عايز العب انا عايز اقضي وقتي كلو معاك من غير ما ارمش عيني و من غير ما اي زول ينظر ليك نظره ما ياها او يسىء لاهلك او يجيك احساس ولو لثانيه انك خازلاهم .. عايز احبك بطريقتي انا و انا بدورك لي حلالي ♡
ابتسمته و عاينت ليهو ..
خبي : عاجبك للدرجه دي ؟
= شديد 💙🐾
خبي : الحقي كلمي صحباتك تمام !
= تمام ، بس انا عايزه استعد يعني ما ممكن تجي تعقد و اكون بالحاله دي اجلو اسبوع نعقد الجمعه
خبي : يعني فرق شنو الجمعه الجايه من اليله ؟
= فرق كتير خبي ! على الاقل ندي خبر للناس و نعزمه و لا انت ناوي نكلفت اهم لحظات حياتنا !
خبي : المهم اعيش معاك اللحظات دي ما بهمني كيف !
= خبي الاشهار من شروط الزواج ما ممكن اي شي يكون كتامي !!
خبي : ناردين انا طيارتي بكره !
= تطير الطياره انت الكابتن ؟
خبي : ناردين !!!
= اجازتك فضل ليها اسبوع كامل شيل من الاسبوع دا 4 ايام الخامس سافر فيهو .. اتصل ليهم أخر الحجز لاربعه ايام و خلصنا !
خبي بإستسلام : يعني انتي تدللي ..!♡
ابتسمته : اها ما حا تحكي قصه انك طالبني من سبعه سنين دي !
خبي : حا ابقى احكيها ليك انتي و عيالنا ♢
= ما حا اقدر استنى لغايه لما يجو ، احكيها هسا ..
خبي : لا هم حا يجو بسرعه اطمني ♢
بغيظ : يااااخي ؟
خبي : ان شاءالله
أنت تقرأ
بنيات الفريق
Mystery / Thrillerمرحبآ بك في عالمك عزيزتي .. اعدك انك ستجدين نفسك بين السطور ... قد تكونين علامة ترقيم تزيد المعنى وضوحآ ، حرف عطف يقرب بين معنين . فاصلة تفصل بين كذبتين ، ونقطة تنهي بعض الجمل المؤلمه . علامة استفهام بعد سؤال بليغ ، ولربما قوسين يضمان الحقيقه الت...
