بنيات الفريق

part 24

#بنيات_الفريق24

بخطوات مثقله و بطيئه فتحتا الباب الكان بدق كانت عمتي سكينه و اولاده معاهم ريتال ، اول ما شافوني مسكوني و بكو معاي

ريتال : حمدلله على السلامه

= الله يسلمك ، ليه يا خبي تاعبه معاك ؟

ريتال : ابدآ انا الاصريت اجي ، جانا خبر الحادث و نحنا سوا فقولت اشوفك و اطمن عليك .

= تسلمي ما بتقصري ♡

خالد بلوم : يحصل حادث خطير زي دا و ما نعرف الا تاني يوم العصر ؟ يعني لو ما صادفته خالي مجدي في الورشه ما كان عرفنا !ليه يا ناردين ما كلمتينا ؟

= الحادث بسيط قولت ما اخلعكم ساي

خبي : يا ستي اخلعينا اخير من نتخلع من غيرك ، وصلنا باب بيتكم بجلاله حيلنا ما شايلنا من الخوف ، حسيت روحي طلعت من مكانه لمن خالد قال لي عملت حادث انا لهسي برجف .. و عاين ليدينو الكانو برجفو .

= انا كويسه ما حصل لي شيء زي ما شايفين بس الضربه و شويه خدوش .

خبي : و اكتر من كدا دايره يحصل ليك شنو يعني ؟ كدي وريني راسك دا .. ضغط عليهو خفيف بيدو غمضتا عيني من الوجع : واجعك شديد ؟

= الا لمن اهبشه بس عندي مسكن .

عمتي سكينه بصوت حزين : امك مؤمناني عليك من اليله دا ما اشوفك سايقه عين وصابت حسبي الله و نعمه الوكيل .

خالد : تسوق شنو تاني ..! العربيه اتكسرت ما فضل فيها مكان نصيح ، لمن ابوك جابه الورشه ما قولت بتطلعتي منها سليمه ..

عمتي سكينه : قدر ولطف قدر و لطف ، تجي في الحديد و لا الإيد . اصلو انتي شقيه طول عمرك شقيه ما عارفاكي معيونه ولا محسوده من بكره تجي معاي للشيخ يعزم ليك .

خبي : انا برقيها كان على الرقيه . اتلفت علي : تجي تقعدي عندنا كم يوم لغايه تخفي مرت ابوك ما مضمونه

= لا طبعآ حا اقعد في بيتي ما بتحرك سنتي في كل الاحوال هي ما بتقدر تأذيني

خالد : لا حا تجي معانا يا تمشي عند امك ما بتقعدي معاها براك

= انا ما برااي بعدين حا تعمل لي شنو يعني ؟

خبي : ابوك هو الطلب مننا نسوقك ، حا تقعدي معانا لغايه تخفي .

عمتي سكينه : اقوم اسوي لي اكل

مسكتها من يدها : لا اكلتا مجدي قبل شويه كان معاي و اكلني بيدو ما سابني لغايه خلصته الصحن

عمتي سكينه : خلاص اعمل عصير ..

= يااخ شربتو و خلطته غيرو انتي بس اقعدي .

خبي : قومي جهزي ملابسك حا تمشي معانا ..

= يخوانا ما بحتاج