أنت الذي تعجز جميع حروف الهجاء عن وصفك بل تعجز كل للغات العالم عن رسم ملامحك.
انت يا كائن فضائي قد بعثك الله في مهم سلام
لذلك سوف نقتتل بعضنا البعض حتى لا يحل السلام
بل سوف نتضرع الى الله ان لايحل السلام حتى لاتبتعد عنا.
في سنة ١٩٨٨ بعد انتهاء الحرب العراقيه مع ايران كان هناك جنديين صديقيين في بغداد هما محسن وعادل كانوا أخوه في كل شي وفي احد الايام قرر عادل يخطب هناء بنت من المنطقه ودز اهلها ولكن رفضت والغريب ان هناء كانت حبيبه محسن ولكن عادل لايعلم انها حبيبة محسن
وفي احد الايام عادل يمشي بشارع وشاف محسن وهناء كاعدين بلحديقه العامه فأأصبح شبه المجنون.
عادل: هسه عرفت السبب ياهناء هناء ترفضني بسيطه وضمها بقلبه وراح للبيت
ثاني يوم كان محسن وعادل متواعدين يسبحون بنهر ديالى.
راحوا للنهر ودخلوا ويسبحون وشقه بنص نهر عادل سأل محسن
عادل:محسن
محسن: نعم
عادل:عندي سؤال بس
محسن : بس شنو عادل شبيك اكو شي
عادل: محسن وين تعرف هناء
محسن: هاي شبيك عادل هناء حبيبتي ومن ٨٥ متواعدين بس تخلص الحرب اخطبها انت وين تعرفها
عادل: بس اني خطبتها قبل ايام ورفضت ومستحيل اخليك تاخذ وحده مثل هاي
محسن: عادل احترم نفسك واعرف عليمن تحجي هاي هناء واني مربيها ع ايدي
صار نقاش على جرف النهر فعادل ضرب محسن ومحسن رجع ضرب عادل
وعادل شال صخره وضرب محسن براسه ومحسن وكع بلمي ومات واكو شباب قريبين ع نهر شافوا عادل من ضرب محسن ركضوا عليه ولزموا وطلعوا محسن من نهر ميت وسلموهم لشرطه
الشرطة اخذوا عادل لسجن وخبروا اهل محسن بسالفه وكالولهم ابنكم بطب العدلي ولي قتله صديقه عادل
وصل لخبر الاهل محسن وبدء الصياح والعويل والنساء والاطفال والناس انجمعت حسبالهم محسن شهيد لان يعرفون محسن جندي.
اجه عيسى اخو محسن يركض حافي بعد ما كان بلمركز
عيسى: ولك بووووويه محسن مات عزيز قلبك مات ولك بويه عويدل النذل لي معتبرينه اخو غدر بمحسن
طبعا اخون محسن همه خضير و عيسى و حسن وابوهم اسمه سلطان وامهم متوفيه
خضير: ولك محسن خويه ماينشف دمك واني عايش ولكم حميد ولك عبد اركضوا جيبوا السلاح
حميد وعبد العزيز ذوله ولد خضير
حميد: صار بويه
صاح الشيخ ابو صاحب اكعدوا لي يتحرك اكسر رجله
خضير: شيخ ماانام اذا مااخذ بدم اخوي
شيخ : ومنين تاخذ ثارك من نسوان وانت ابن عرب
شني يابو خضير مامعلم اولادك ع اصول لو بغداد نستكم الاصول ياابن شلش
سلطان: خضير ضم سلاحك واحترام كلام الشيخ احنه بحال مصاب ندفن ابنه وتخلص الفاتحه وراها عمامنه موجوده ودم محسن مايروح
مو هيج ياابو صاحب
الشيخ: اااني اخو نصره هذا شاربي مو عليه اذا ماجيبلكم حقكم من جوه الكاع
دفنوا محسن بلنجف وسوه فاتحه واهل عادل دزوا ناس تاخذ عطوا وماقبلوا اهل محسن وطردوهم وكالهم الدم مايرجع له بدم.
يتبع .......
أنت تقرأ
اليتيم والحسناء
Romanceقصه واقعيه تدور حول مظلومية طفل يتيم وعشقه للحسناء الفاتنه تلك الفتاه الجميله كبياض الثلج ولكن؟
