گوميلي يابطه بگلبي تسعر نار
محتاج لحنانچ فدوه ضميني
گوميلي يابطه عيوني اجت خطار
تشكيلچ عذابي وغربة سنيني
اسمعيني اسمعيني اسمعيني
اريد بگبرج اغفه ،، وياچ خليني
من يوم الدفنتچ يابطه مامرتاح
شلت الهم ياروحي منهد عشريني
وطلگت الفرح يابطه ثلث ايمان
وربطت الحزن شديته بيميني
لان ماأگدر انسه وداعتچ معذور
اسمچ هو دمي وكل شراييني
گوميلي ياروحي وداعتچ تعبان
بس بشوفچ ابرد وتبتسم عيني
بس انتي الوحيده القادره بهالكون
بتراب الچفن يحبيبه تشريني
اسمعيني يابطه وگومي اترجاچ
مامرجيه منچ هيچي تاذيني
گوميلي آنه جيتچ ماأريد اعذار
طشرني الوكت ياروحي لميني
معذوره ياقلبي وادري ملك الموت
مايعرف رحم لافرصه ينطيني
اعذرچ والله ياعمري وماعليچ قصور
لوما باللحد چا والله اجيتيني
احبچ وابقى احبچ لآخر الانفاس
چي من نور وجهچ كملت ديني
محمد: يوم ٢٠١٨/١٢/١ رحلت اميرتي كما رحلت مها وقبلها امي هدى لا اعلم ماهذا البلاء واي صدمه اتحمل
ولج بطه جنت اتعارك وياج على اسماء اطفال مو وعدتيني ماتعوفيني اخخخخ ياربي
رحلت ( الحسناء ) وبقيه ( اليتيم ) يتيم الام والحبيبه
نور: بدت حالة محمد تنهار نحه الاسوء وحتى علاج بلكوه ابقى اتوسلة بي يله ياخذه يريد يموت روحه
وما اعرف من صدمتي امي لو من صدمه صديقته مها لو من صدمه خطيبته وحبيبته فاتن لو من ظلم فاطمه و ولدها لي حرمونه من الورث وحرمونه من امنه هدى لو من ظلم ابوي خضير لي ما يوم حسينه بي ابوه
ناديه : اوووف ياهدى حتى ابنج وبنتج ماارتاحوا شنو لبقى وماشافه هذا الولد
محمد: رابع يوم رحت رحت لنجف ادور على دفان اخذت اسمه من ندى اختها اباوع بلمقبره معقوله ضاع عليه عطرج وصلت يم قبرها بعدهم ما مبني بس
تراب ولج ليش اخخخ يابطه بقيت اصيح بااعلى صوتي شسوين جو التراب ولج اطلعي ولج صار اربع ايام ماغافي وصوتج مااسامعه ولج ردي عليه بطه
اني حبيبج اني المغرور والله مستعد انتظرج العمر كله بس اكعدي ولج وعدتيني ماتروحين وكلتيلي أطيب ونتزوج وين وعدج بطه ماكذبتي عليه يوم وماخلفتي وعدج ولج حاربتي اهلج ودنيا علمودي وكلتيلي غيرك مايلمسني شلون تخلين التراب يلمسج ولج يروحي الدنيا بارده شحالج جوه التراب انتي اميرتي الحلو بعده وجهج حلوه ولج اكعدي كلتيلي تليفونج بي اكثر من ٣ الاف رساله وضامتهن كلتيلي اشوفهن اطفالنا
حبيبتي مو من طبعج احاجيج وسكتين يلغاليه شحالج من تظلم الدنيا وانتي تخافين من الظلام يروحي لبحث مالتج كملته وحتى اناقش سوه مو كلتيلي ناخذ دكتوراه سوه حتى احقق حلمك ليش هيج تعوفيني وتعرفين انتي النفس لي اخذه كتلج من اول يوم اني نار وتاكل كل شخص يقترب منها بقيتي تعاندين واعرفج عنوديه ليش ماعنادتي الموت يروحي كليلي هذا مقلب من مقالبج واكعدي
بس بطه ماتجاوب نايمه ومرتاحه من هذا العالم
المظلم و اول مره تسمع صوت حبيبها وماترد وهيه لي كانت قبل لا انطق تعرف شراح اكول وتجاوبني
بقيت ١٢ يوم يوم ابات يمها بليل ابقى اسوالف ويه قبرها وصح دنيا بارده بس مااحس تعرفت على ولد دفان خطيه كام يجيبلي اكل وماء بس يااكل لي
يدخل بطني واميرتي جو التراب
رحت زرت الامام علي عليه السلام واني شبه مجنون
بديت ابجي واحجي ويه شباج اكتله ياعلي انت رديت الشمس و انت قسيم الجنه والنار ولك منزله عند الله فدوه رجعلي حبيبتي وحتى اذا ماترجعها هيه باامانتك ياعلي دنيا ظلمه وهيه تخاف من ظلمه حتى تنام وضوء مشتعل اوووف يا نار قلبي شيطفيج ويا وجع وصدمه تتحملين امي لي بحياتي ماشايفها بصوره لو ظلم ابوي وقساوته ربي مامعترض على حكمك بس روحي جزعت بعد مابيها صبر
رجعت للبيت وبقت اميرتي بياض الثلج لي ارق من العسل ذهبت وتركتني بنار فراقها كنما الدنيا عازمه على تجريدي من كل احبائي
بدايه ٢٠١٩ وبدون بطتي اجت الاربعينيه وزرتها
مرت الايام بشهر ثالث ناقشت الرساله واخذت شهاده ماجستير بتقدير جيد جدا
علاجي كمل وصلت مرحله شفاء من لتهاب الدم رحت لبطه وبشرتها بتخرجي و شفائي لان اعرف هي تسمع وروحها لم تفترق عني
شهر الخامس يوم ٢٠١٩/٥/١٢ قدمت على دراسه دكتوراه وبشهر السابع امتحنت تنافسي ونقبلت
بنتي حبيبتي زيتونه (انتظار) بنت منى لي ربيتها تزوجت واخذت ابن عمتها لي هيه اغلى من روحي
لان ٢٠ سنه اني مربيها
نور حمد الله رجلها تحسن وياها واخذلها بيت وحدها وأستقرت
كذلك ربك رزقني بأاخت ثاني لم تلدها امي بل ولدتها الايام هيه ام حسين هم اسمها نور اخت واغلى من الاخت اعتبرها مها الثانيه
محمد: بشهر السابع طلعنا اعتصامات احنه اصحاب شهادات العليا لي انطالب بحقوقنا وتعيينتا لان وظائف فقط الواسطات وابناء الفاسدين ولكن تعرضنا الى ابشع المعامله قاسيه ورشق بلماء الحار ومعنا بعض البنات لي يعتدون عليهن بضرب وهنا بنات الى اين وصل بك الحال ياعراق كانت هذا اعتصامات هيه شراره المظاهرات ٢٠١٩/١٠/١ بدءت مظاهرات ضد الفساد
بدايه شهر العاشر كنه اعداد قليله لاتتجاوز ل ٢٠٠ شخص حتى وصلنا الى ٤٠٠ شخص ونتشط اعلامي لكن مع الاسف بدء مرتزقه الحكومه برمينه برصاص الحي وقنابل السامه وقتل من قتل منا وجرح من جرح
يوم ٢٠١٩/١٠/٤ اعتقلت مع ابطال شباب اصحاب تكتك و اصحاب شهادات و العامل الكاسب الذين انتفضوا ضد الظلم والجور تعرضنا الى ابشع انواع التعذيب
لمده ١٩ يوم اول سنه مااروح لزياره الاربعين لان كنت بسجن
وبعدها طلعنا يوم ٢٣ ورجعنا بمظاهرات يوم ١٠/٢٥ بس هلمره رجعنا بلالاف وبكل المحافظات بعد ماكانت بس بغداد هسه بكل المحافظات
نحن الان في زمن كورونا وامتحانات الدكتوراه تأجلت بسبب الوباء وان شاء الله احصل على شهادة الدكتوراه واحقق حلم امي هدى ....
في ملخص هذا القصه ان الله سبحان وتعالى قال في كتاب الكريم (( لايكلف الله نفس الا وسعها ))
كل ما مره عليه من بلاء وابتلائات لم يبتلين بها الله الا لعلمه اني قادر عليه وقد منحني الصبر و طاقه التحمل ..
الراحه مستحيله على بني ادم في هذا الدنيا وان تكون مظلوم افضل من ان تكون ظالم ولكن الظالم يستمر في ظلمه ولا مظلوم يبقى في مظلوميته ولكن عندما تكون مع الله فأن الله لا يتخلى عنك ويسندك
كانت هذا قصة محمد واخته نور وامه هدى فاادعوا لهم ان يوفقهم الله ....
شكرا لك من قراءه هذا القصه ودعمنا فاانتم اصلا النجاح.
وشكرا لمن ساعدنا وشجعنا على كتابة هذا الروايه الواقعيه ...
اتمنى ان تدعمونا في الروايات القادم ...
اخوكم ...
الكاتب
محمد العكيلي
أنت تقرأ
اليتيم والحسناء
Romanceقصه واقعيه تدور حول مظلومية طفل يتيم وعشقه للحسناء الفاتنه تلك الفتاه الجميله كبياض الثلج ولكن؟
