أيها الظالم مهلاً الظلم ينكسر المظلوم بابتهالات ويشكو بها من ظلمه إلى الرحمن، فكيف يبيت المرء ظالماً ويغمض له جفن والله ضدّه؟ ألم يعلم بأنه بأمر من سبحانه يمحقه ولن يجد من ينقذه؟
خلصت الكعده وقرروا الشيوخ ان يفتدي بدم محسن بأن يعطوا أحد أخوات عادل فصليه.
وزامل قرر ينطي بنته هدى هيه فصليه
دخل زامل للبيت وصاح
زامل: هدى حظري روحج انتي راح تروحين فصليه للبيت اهل محسن
هدى: بابا اني فصليه اني حبيبتك هدى ليش بابا ليش اني ليش مو كفاءه بنت كلثوم ليش اني
زامل : مااريد كلام زايد تروحين تجمعين اغراضج ومن اليوم تنسين اهلج
طبعا بقانون العشائر والتقاليد الفصليه بعد ماتروح اهلها تنسى شي اسمه اهل شلون الخادم او العبد
شلون تسلم بنتك لذبح
وهذا لي يصير مع الاسف تدفع البنت ذنب اخ مجرم لو طائش وكنما البنت هيه مو بشر وشي اكيد هيه الحلقه الاضعف لازم توافق ع كلشي
كلثوم ام عادل لان ام هدى مامتوفيه
كلثوم :روحي احسن مااخوج ينقتل
طبعا كلثوم ام عادل وصلاح وكفاءه
وهدى ومريم بنات جميله لي توفت
هدى : اني شنو ذنبي ليش ماتنطين بنتج
رحت لغرفتي واني احس بصدمه اهلي باعوني مثل الحاجه الرخيصه كعدت الطم واعيط
ولج يمه اكعدي من قبرج وشوفي بنتج راح يبيعونها
احس قلبي يريد يوكف
مريم : ليش ماانطوا بنت كلثوم هيه مو اخته احنه شنو ذنبنا يعني مدرستج شلون وانتي امتحانات جايه
هدى صف خامس ادبي وامتحانات
هدى: اسلم امري الله ولج مريم قلبي راح يوكف
مريم : يعني مااشوف بعد منو لي هدى
هدى : لي الله يروح اختج هذا ظلم القوي
مريم : لو امي موجوده محد يذلنه شمسوين بحياتنه
هدى: ذنبنا ماعدنا ام ولج مريم مخنوكه
زامل : يله هدى الشيخ منتظرج حتى تروحين وياه
هدى طلعت واحس روحي ماخذيني للاعدام اباوع على كل زوايه البيت اتذكر امي وصوتها بكل مكان بلبيت
طلعت ومريم تباوع عليه
الشيخ : يله نتوكل بنتي
اخذ الشيخ هدى الاهل محسن لغير عالم ولغير بيت
وصلنا للبيت اهل محسن والشيخ دك الباب
سلطان ابو محسن : اتفضل شيخ
شيخ : هاي اخت عادل اسمها هدى وخابر الشيخ حتى تزوجها لواحد من ولدكم لان اريد اروح للكوت واتمنى ينتهى للدم هنا لو شتكول شيخ ابو صاحب
سلطان : ابو ثامر ماقبوله منك هاي احنه كلمتنه كلمه زلم
شيخ ابو صاحب : ابو ثامر اعتبرها انتهت من هنا
أنت تقرأ
اليتيم والحسناء
Romanceقصه واقعيه تدور حول مظلومية طفل يتيم وعشقه للحسناء الفاتنه تلك الفتاه الجميله كبياض الثلج ولكن؟
