فقير ...
يفترش الرصيف
يلتحف السماء
يعانق الحزن من الصباح الى المساء
تناوب على طبخه
واكله الصيف والشتاء
قوته اليومي
اعوذ بالله من الشيطان الرجيم
بسم الله الرحمن الرحيم
حتى عاد كالعرجون القديم
حل علينه العوز ضيفاً
وبعد أن ضيفة كاساً من الدمع
قال له معاتباً....
ها يا عوز...
أسالك بالورد بالراحه يمته نفوز
اريد ابدي الصبح عيد بنغم فيروز
ها يا عوز....
لاتزعل علينه حبي اعله كَد عتاب
اشو بنت الفقر باعت كَصيبة عوز .......
ناديه: فاطمه قررت تفصخ الخطبه و دزت حميد ينهي كلشي
منى : كاعدين ودخل علينه حميد وجهه كله شر كلت ياستار
حميد: عمه ليوم تجيبون سيد واطلكون مالكم مره
يمنه
حنان: شنو هذا الحجي عمه شجاك تخبلت
حميد: امي دزتني وهذا اخر شي عدنا ومثل مادخلنه بلمعروف نطلع بلمعروف
حنان: ليش بكيف امك نمشي شنو تلعب علينا لمن انطتاها لعد بشنو قصرنا
حميد : ماكو نصيب عمه
منى:عمتي جهزت كلشي واشترت ذهب وعود مقررين العصر ناخذ الذهب النور
نور : كاعده بلغرفه وسمعت هوسه بلبيت صوت عمتي حنان وامي فاطمه طلعت اركض شكو
حنان: اسمعي فاطمه مو بكيفج تنطين وتبطلين
مو لعبه لبنيه قارين عليها فاتحه وطلاك ماكو
فاطمه: اطلكون غصبن عليكم
نور: عمه ياطلاك شكو شصاير
حنان: اسالي فاطمه والله ست فاطمه بطلت تكول لازم اطلكون
نور: ماما صدك هذا الحجي
ليلى: طبي جوه انتي مالج علاقه و هذا شي كان يصير من البدايه
نور: مو بكيفكم اني مااطلك اني احب علي ومااخذ غيره
ناديه: صلوا على محمد وال محمد شنو سالفه
حضير: ام خالد مالكم نصيب يمنه
حنان: والله خوش ياابن امي مع اسف ياابن سلطان فطيم تتحكم بيكم
نور: عمه اني اروح وياك مااطلك
حميد: ليوم اذا ماسحلتج تعاي
ناديه: حميد ضرب نور وجرها من شعرها واني ومنى صرنه فوكه ودفعنا
فاطمه: ولك حميد اسحلها وبرد قلبي حسبالج افوتلج سالفه سلامات بسيطه ولك اسحلها
حنان: مو جديده عليج فاطمه مثل ماسويتي بهدى امها مو جديده على ظلم
ناديه: لي كنت خايفه منه صار نكشف السر لي كنت ضامته سنين نزلت لكاع
نور: اوكفي عمه هدى منو ام منو شنو تكولين
منى: عمه فدوه لاتحجين خل نروح
ناديه: اريد احجي مااكدر بس ااشر براسي لعمه حنان لاتحجين
حنان: هذا تريده فاطمه مو تريدين طلاك تدللين فاطمه وعليه وعلى اعدائي
منى: عمه اسكتي فدوه
نور: عمه فدوه منو هدى ليش اني منو امي
حنان: عمه نور صار سنين يكذبون عليج انتي امج اسمها هدى وهاي فاطمه اخذتكم منها وسجلتكم انتي واخوج محمد وامج مااعرف قتلوها ماادري ومااعرف شسوه بيها
نور: عمه انتي شتحجين ومحمد واني
ناديه: اباوع على نور صارت مثل مجنونه وبس تحجي ويه نفسها وتكول محمد لاتكولوله فدوه
موقفها يبيجي الصخر لان هيه سبحان من الصغر متعلقه بااخوها محمد وليشوفهم تؤام
بقت تحجي وماعت روحها وكعت وبقينه نذب عليها مي بس اني بس صافنه شراح اجاوبها
نور: كعدت كلها مجموعه عليه ومنكعه مي واباوع على ماما ناديه لان اكثر انسان اثق بي وماما مدنكه وتبجي
وكامت تركض لغرفتها
واني مصدومه مو سهله الواحد بعد عمر ١٦ سنه عايش بعائله وتطلع كل هاي سنوات كذبه اوووف رحت لماما
ناديه: ماما نور والله مو بيدي والله لو حاجيه من قبل يطلكوني
نور: ليش ماما ومافكرتي محمد شراح يصير بي
ناديه: ماما اني كنت متوقعه يجي يوم و اوجهكم بهذا الموقف واني كنت مجبوره اسكت لان لو حاجيه يطلكوني ويشمرونكم بشارع مثل امكم بس سكتت حتى تكبرون يله وهسه اني مستعده لكل شي تسوين بيه حتى لو ماتحاجيني العمر كله قابله
نور: امي وين وصدك قتلوها وليش اريد اعرف فدوه ماما
ناديه: بديت اسولفلها كل الصار وهيه بس تشهك وتبجي خلصت كان تركض عليه وتشبكني
نور: ماما اسفه والله مو قصدي اجرحج كل هذا متحملته علمودنا
ناديه: ومستعده افديكم بروحي شعندي غيركم ماتعرفين معزتج انتي واخوج
نور: ماما لاتكولين لمحمد فدوه
ناديه: ماما لازم يعرف مااريد يكرهني وهو بعد كبر
نور: ماما مااريد اطلك فدوه والله احب علي ومااكدر بدونه
ناديه: ولج يمه شبيدي تشوفين ظلم فاطمه واخاف يسون بيج نفس امج بس كليلي شبيدي واني خايفه على اخوج على يوم ينخطف يموت بنفجار منو وره ظلم فاطمه
اتفقوا على طلاك نور وعلي بس شنو طلاق اجباري
بس اخخخخ ربي شوكت تنتقم من فاطمه
ونور سوده عليه مصدومه منا موضوع امها ومنا طلكوها من انسان لي تحبه....
يتبع ....
أنت تقرأ
اليتيم والحسناء
Romanceقصه واقعيه تدور حول مظلومية طفل يتيم وعشقه للحسناء الفاتنه تلك الفتاه الجميله كبياض الثلج ولكن؟
