اليتيم والحسناء

بارت 11

ندمانين ...
اني وصبر عليك اهواي ندمانين
تعبانبن ...
كلش حيل تعبانين
من كثر السهر والنوح
شمات اعلى بابي بنوح متونسين
حزنانين ...
دورنه الفرح ابيبان كل الناس
خط قطعه اعله بابه وكاتب معزلين
صرنه نبوك ضحكه من حلك خرسان
ممن كثر الهموم البيها مختنكين
صار سنين مختنكين ...
مامش ريح تحمل  نفس غالين
صار سنين منتظرين
طيفك يلهجرنه وراح من اسنين
شمسوين ....
سالت الروح ها يروحي شمسوين

هدى: ابو ليلى فدوه اريد اسميها نور

خضير: هاهيه وشبيها ونعم الاسم

فاطمه : البنيه تسجل بااسمي شنو نسيت خضير أنت ماسوي عقد محكمه عليها واذا دروا بزواجك بيها تنسجن لان هيه قاصره كانت
وهذا اتفاقنا كتلك مااوصلها بس طفل يسجل بااسمي
والبنيه تسجل بالسمي يعني امها فاطمه
وانتي كلشي مالج ...
واني سجلت بيان البنيه بااسمي...

خضير: هذا هو ام ليلى ماكو فرق

هدى: شنو بااسمها بنتي هاي والله حرام عليكم

فاطمه: تحلمين عندج بنيه وتسجل بااسمج حسبالج سكتت لضوء عيونج مو فاطمه تنكسر

ناديه: والله كنت اعرف سكوتج مو ابلاش وراج مصيبه
الله ينتقم منكم شنو هذا طغيان والله يعينج يا هدى
حتى بنتج اخذوها منج

هدى : هذا لي ما حاسبته وهذا لي كنت خايفه منه
مكتبولج تعيشين مثل امج هدى بضيم والعذاب
اوووف اكول فاطمه ساكته الله ينتقم منج
يعني راح انحرم من بنتي حتى اسمي ماتشيله
طلعنه للبيت واني قلبي ممرود عكس النسوان ولان الفرح مايدوم وكل هذا لعبه من خضير وفاطمه
حسبي الله عليكم

سعاد: يمه من كل عقلج تسجلين بتها بااسمج

فاطمه: لعد تريدين اخلي فلوسنه تاخذهن اخت
عويدل  واني ماكنت ساكته لهذا ليوم وكتلجن مو
فاطمه تسكت بس فكرت وكلت خل تفرح هسه واخلي
تتعذب العمر كله بحسرت بتها

سعاد: وابوي موافق

فاطمه: هذا اتفاقنا من بدايه اني وخضير اذا خلفت
اطفال بااسمي ليش يكدر يحجي غير اخلي خالج
ابراهيم يضيع اثره نسيتي تاريخه بلحزب شيوعي
واشاره من خالج ماتلكلين عظم له

نجلاء: طلعتي مو قليله فطوم واني اكول شعجب
امي ساكته

علياء: يمه بديت اخاف منج ههه طلعتي ذيب

فاطمه: اني ام ليلى وانتظري شضامتلها بعد

ليلى: يمه شضام

نجلاء: يمه مو كافي اخذتي بتها خطيه تشوفينها
فيره وماتحل رجل دجاجه

سعاد: شوفوا هاي شكد فطيره ولج وحده مثل هدى
حرام بيها رحمه

علياء: اي والله لو بيدي اشويها بتنور

ليلى: اخخخ لمن مبقيها لهسه بقليل ناخذ بثار عمنه
محسن

نجلاء: كل هذا ومااخذتنه شخليتن بيها

فاطمه: نجلاء صمي مجيبيحج (حلكج) شو اشوفج محروك دمج عليها

نجلاء : يمه مو محروك بس احنه هم امهات ومزوجات عند عيال وربج مايحب الظلم

فاطمه: وشحده لي يفكر يلمس من بناتي شعرايه
وبعدين هيه اهلها باعوها واحنه شترينه يطبها مرض
عساها بلمرض ماتكوم منه

علياء: لو تشوفين وجهها تباوع على بتها وتبجي هه
مي بارد ونزل على قلبي

هدى: اباوع على بنتي لي تسجلت بااسم غيري واشم
بريحتها بدت نور تكبر عمرها صار شهرين فدوه تخبل
وبقيت لح على خضير يسوي عقد محكمه ومايقبل
ورجع يضربني مثل قبل
صح بطل الشرب والخمر بس رجع نفس ظلمه
وطغيانه

اليوم منى نخطبت لخالد ابن عمتها حنان 

هدى: على خير حبيبتي تستاهلين كل الخير

منى: تسلمين حبيبتي الله يبارك بيج اخيرا امي وافقت

طبعا فاطمه وحنان مستحيل ينجمعون على ماعون
بس شلون فاطمه وافقت يمكن تريد تبعد منى مني
الله يعلم شضامتلي اوووف ياربي

منى: صح فرحت اخذت انسان لي احبه ومنتظرته
من ٣ سنوات بس خايفه ومامصدكه امي وافقت
لان هيه تكره عمتي حنان
بس لازم اسال عمتي حنان لو خالد

منى: خالد شلون وافقت امي

خالد: امج دزت علياء على امي كالت خل يجون يخطبون بصراحه تفاجأت شغير رايها

منى: اني اعرف السبب

خالد: شنو

منى : مو مهم بعدين اسوالفلك

مرت الايام ويوم من الايام كعدنا الصبح كالوا
الجيش العراقي دخل للكويت يعني حرب جديده
يعني صدام حسين استلم ١٩٧٩ وخلال هاي ١٠ سنوات
حربين والالاف شهداء

ناديه: خايفه عبد العزيز بلجيش وحرب

مرت الايام والجيش العراقي نسحب من الكويت
وكالوا راح يسون حصار على العراق

هدى: اليوم زواج منى وخالد وبنتي حبيبتي نور بدت
تكبر صار عمرها ٨ اشهر بدت تزحف احنه بدايه شتاء
شهر العاشر

يتبع......